رحلتكم من باريس ( رحلة مشتركة بين السعودية و اير فرنس والتشغيل للاير فرنس ) رقم رحلة الفرنسية 512 والسعودية 6110 .... اذا كانت فعلا هذي رحلتكم ورجوعكم من كان الى شارل ديقول على الفرنسية نبهوهم على هالكلام من كان وحاول تشحن عفشك الى الرياض مباشرة من الديسك في مطار كان ... ( طبعا كل هالكلام اذا كان رقم رحلتك مثل ما قلت لك فوق اما اذا الخطوط مختلفة فراجع ديسك الفرنسية في مطار كان لعل يكون عندهم حل او اقتراح مناسب لك ) .... تحياتي .... scott

شف اذا كانت رحلتكم من الريفيرا رقمها ( 7711 ) حاولوا تغيرونها الى الرحلة رقم ( 7713 ) يعني قبلها ( تغيرون موعد الرحلة من 8 تقريبا الى 6 صباحا تقريبا كلها على الفرنسية .... تحياتي ... scott

شوف اخوي دكتور -------- انته اذا موجود عندك في التذكره مكتوب كان شارل ديجول الرياض فعادة اهم ينقلون عفشك بس انت للحرص اكد عليهم في مطار كان و شارل ديجول مش من كبره بس لازم تسال الكونتر يسكر قبل الرحله بكم لان كل الي عندك ساعه الا ربع بس اذا هم عندهم نظام الترانزيت غير يعني ينقلونك مع العفش دايركت يكون احسن لو تجدمون الرحله لو ساعه احسن عشان ما تكون اعصابكم متوتره او فيه مجال تغيرون رحلة باريس الرياض وتردون بالسلامه

الرحله ترانزيت على الخطوط الفرنسيه
يعني العفش رايح من كان على الرياض
لكن المشكله المشي وسط المطار.. لأن اخر مره كانت عندي رحله داخليه ترانزيت بينهم ساعه ونص.. ويالله يالله لحقت قبلها ب 30 دقيقه.. يعني قعدت امشي بالمطار ساعه
الحين الوضع غير.. رحله داخليه ووراها رحله خارجيه.. واعتقد يبغى لنا مشوار عشان نمشي او بالاصح نركض بوسط المطار ههه
ومثل ماقالوا الشباب رحلتنا من نيس الى باريس على الرحله 7711 ومن باريس الى الرياض 512!!
الله يستر بس
على فكره،، الخطوط الفرنسيه رفضت التغيير! قالت التذكره ماتتغير ولا تسترجع فلوسها!!

دكتور / مجنون
الامر بسيط جدا وانا اخوك مثل ما قلت لك .... ابد تنزل من الطيارة وتركب الطيارة الثانية لان رحلتك على الفرنسية فما فيه ركض وبهذلة باذن الله ... بس نبه عليهم من نيس ان عندك كونكشن فلاي و الربط اسهل مما تصور في مطار شارل ديقول .... تحياتي ... scott

scott44
مشكور على ردك
ان شاء الله تساهيل ونرجع لأهلنا سالمين غانمين

السلام عليكم
اكتب هذا الرد وانا بالدمام
الحمدلله.. مثل ماقالتم.. اول ماطلعنا من باب الطياره، لقينا موظف رافع لوحه ومكتوب عليها رحلة الرياض واخذنا ونزلنا تحت على ارض المدرج وركبنا سياره خاصه ودعس فينا الى ماوصلنا للمكان المطلوب ونزلنا ورجعنا لمبنى المطار ودخلنا سريع على طول بدون مانصف مع الزحمه على التفتيش وعلى موظفين الجوازات وبعدين رحنا على الطياره
الشغله كلها اخذت معانا 10 دقايق بس
بصراحه كبروا بعيني الخطوط الفرنسيه

ممتاز
الحمد لله على سلامتك ..

scott44
الف الحمد لله على السلامة ... اتمنى انها كانت رحلة سعيدة .... وقلت لك يا طويل العمر ما فيه ركض ولا بهذلة مع الفرنسية ... واكرر الحمد لله على سلامة الوصول .... تحياتي ... scott