هلا اخوي الاول او الثاني ماتفرق بس خلك على الاول اللى بالازرق مكتوبوبخصوص الحجز قبل السفر بيوم تقدر تحجز افضل
روما لترميني 3ساعات تقريبا
والمحطة بميلان عن الدومو عشر دقايق بالميترو

قصدك من مطار روما إلى محطة ترميني ثلاث ساعات؟؟ يا ساتر .. احنا حاسبين حسابنا اول ما نطب روما نروح ميلان بالقطار.. شنو رأيك أخوي نبقى بروما وبعدين ميلانو وإلا طريقتنا صح؟ (هل فيها تضييع للوقت؟) وأشكرك

تقريبا من المطار للتيرمني بالتكسي 35 دقيقه وتقريبا نفس المده بالقطار لاكن القطار أرخص.
وبما أنكم طابين روما اقترح لازم تشوف ونها.

اوك، مشكوره وايد يام جولي

أنصحك بموقعtrenitalia عن تجربة, و أنصحك تحجز من الموقع و لو قبل بيوم و أطبع التذكرة الإلكترونية و ريح راسك, و أنا ضد الحجز داخل محطة القطار بالذات في روما, لما تروح للجهاز يجوك ناس و يغثونك غصب يبي يساعدك و تالي يطلع نصاب و يبي فلوس.
لما توصل محطة القطار أنصحك بالتالي:
أول ما توصل حاول تعرف مكان الإنطلاق من رقم الرحلة و رقم القطار.
إذا ضيعت و ما عرفت شيء إسئل الموظفين فقط و لا تسأل أحد من العامة.
إذا جاك أحد و يبي يساعدك لا تعطيه وجه ترى هذا نصاب و يبي فلوس, حتى لو كان عربي.
إطلع لمحطة القطار بفترة مناسبة قبل إنطلاق الرحلة عشان يمديك تعرف مكان القطار و أي عربة تتوجه لها.
أنصحك تمر فلورنسا أو فينيسا و تجلس ليلتين فيها و من ثم ميلان و لك الخيار