هلا بك عزيزي انا سكنت فيه قبل شهر وكان سعر الغرفه بالظبط 182 يورو بدون افطار ولكن الفندق روعه وخطوتين وانت في محطه القطار المقابله وعندك داخل المحطه برجر كنج 24 ساعه وكل شي قريب منك والمارين تقريبا 10 دقايق بالمشي على رجولك وبالنسبه للغرف اللي فيه حلوه جدا ولكن اللوبي صغير ومايسوى ولكن نصيحه اطلب الغرف المطله على الشارع الرئيسي علشان ماتمل وانت بالغرفه ولاتخاف المحطه مالها اي ازعاج ولاصوت ابدا وانا اشوفه افضل فندق 5 نجوم في ميونيخ لتسوطه المدينه.
اتمنى اني افدتك اخي..

الميريديان يقع مقابل محطة القطار الرئيسية بميونيخ (محطة الهابنهوف) ، منطقته حيوية وقريبة من مجمعات الشقق التي يقطنها العرب ، وتنتشر حوله المطاعم العربية. يمكن المشي منه إلى المارين بلاتز بسهولة (على بعد حوالي 7 إلى 10 دقائق) ولكنه بعيد عن الماكسيميليان (يمكن استخدام قطار الأنفاق لذلك أو الترام).

حرماوي
مشكور حرماوي ما تقصر يالغالي
اشكر لك مرورك لأني كنت بحاجة إللى الرد السريع جداً جداً

جديد الأسفار
مشكور جديد الأسفار على المرور
بس من الفندق إلى الماكسي مليان كم محطة بالأندر جراوند ؟

أيهما أفضل فندق المريديان والا فندق البايرشهوف ؟
وأيهما أقرب لمارين بلاتر ؟ وللأسواق ؟

هلا اخوي
طبعا كل اللي ذكروه اخواني عن قرب اللي ميريديان صحيح ,,,,,و ازيد على كلامهم ان الطريق اللي يوصلك للمارين كله محلات تجاريه تشتري منها الين ماتوصل للمارين
وعلى فكره انا كنت اروح انا وزوجي مشي من الفندق للمكسيميليان هو مش بعيد يعني اول ماتوصل للمارين تشوف الكنيسه روح من خلفها بتمشي مسافه من خلف الكنيسه مدة تقريبا عشر دقايق وبتطلع على طول على شارع الماركات
والحلو انك تمر على محلات وكوفي شوبات يعني اونس لك من الأندر جراوند
وفيه سوق قريب من اللي مريديان وصاير شارع مغلق وفيه فندق والله نسيت اسمه مره حلو وشفنا غرفه راقيه وبجنبه المجمع نسيت والله اسمه بسأل زوجي وبقولك عليه ,,,بس كأن اسمه هيرتز على مااظن ,,,
وهو عباره عن طوابق ,,,,,وبجنبه المطع المشهور في المانيا والنمسا وجبات السي فود
وان شاء الله بسألك وبرد عليك ,,,,واكيد الأعضاء ماراح يقصرون ويمكن يسبقوني

اختي الكريمه
انا سكنت في فندق سوفوتيل ميونخ وهو مقابل الميريديان بالضبط وفي نفس مواقف محطة القطار
من ناحية الميريديان مالقيت حجز فيه واخذت السوفوتيل
كان السعر 188 يورو شهر 8 اللي فات بس عيبه الغرف اللي تطل علي اللوبي وفيه غرف تطل علي الشارع واهي افضل
من ناحية قرب المسافه للاسواق لا تحاتين الميريديان والسوفوتيل قريبين جدا وعلي دربك مطاعم عربيه واسواق كهفوف و C&A وغيرها
علي فكره شارع المارين بلايتز فيه فنادق حلوه بس ما سألت عنها وتقدرين تتأكدين عن طريق المكتب او عن طريق النت من موقع BOOKING.COM
شوفي الرابط هذا وتقدرين تغيرين الفندق من الخريطه اللي فيه وعلي فكره الموقع من اكبر مواقع الحجوزات للفنادق في العالم
https://www.booking.com/hotel/de/bayerpost.html?aid=1300939

أهم شي أنت تسكن في مكان ( ماركة ) عشان تضمن الخدمات الممتازة ، و بشكل عام فنادق الميرديان راقية جداً ، و ميرديان ميونخ يقع في منتصفها ، و الشي المميز فيه أن بجانبه متوفر كل شي المطاعم الأسواق محطات المترو ، بس و الله ممتاز لقيتوا حجز فيه ، لأن أغلب الفنادق ما فيها حجوزات من الحين ، إنا كنت ساكن بجانبه ، و كنت اشوف رواده أغلبهم من العرب . أتمنى لكم رحلة سعيدة

تنبيه مهم للغاية :
اخي الغالي اذا قال لك المكتب السياحي مافيه حجز بالكمبنسكي فلا تلتفت لكلامه واحجز عن طريق موقع الفندق على النت أو موقع بوكنق .. مؤكد ستجد الا في حالات نادرة ..
جرب الحجز دايركت من موقعهم بالنت ستحصل على سعر أفضل ولا تلتفت كثيرا للمكاتب السياحية