أخوي مشرف مشواري نفس مشوارك تقريباً وأنا لست بالخبير فياليت الشباب يزودونا بصور ومستويات هالفنادق بس ما نبي شي غيرها خشى أن تكثر الظباء عليّ فأضيع

السلام عليكم ورحمة الله وبركاته:
انا اعرف فندقين من اللي ذكرت :
الاول بيننق ذا بيوي ((The Bayview Beach Resort)). وهذا بصراحه لا باس به ..حلو ...يبعد عن المطار 38 كيلو متر والفندق به 366 غرفه وسويت ..وفيه ثلاث مطاعم.
ولكن انا افضل انك تغيره لفندق ((Shangri-La's Rasa Sayang Resort)).
:::::::::::::::::::
الفندق الثاني اللي ذكرت بان باسفيك ((Pan Pacific)). هذا والله اعلم اذا ماني غلطان اللي بجانب المطار.
يعني بعيد عن Down Town ...يعني وش تبغى فيه.
عشان كذا افضل انك تاخذ فندق Istana ...وذلك طبعا لسبب بسيط ...يوجد بجانبه ثلاث مطاعم عربيه والاسواق قريبه منه.
وبالتوفيق ان شاء الله وتحياتي

السلام عليكم ...
ترى ماعندي زوجة ولا عندي تجارة هيا مثل ماوعدتنا
حياك الله اخوي مشرف ...واخوي semsem_g ما
قصر جزاه الله خير .
بان باسفيك سلانقور ...اجل المطار ...فندق ممتاز وماعليه
كلام ...ان كان المبيت فيها لليلة اجل خلك فيها مثل ماسوى
اخونا (اجازة سعيدة) يصير تريح وتنام وان حبيت تتمشى
او تتعشي تنزل الفندق او تمر عبر الممر للمطار وماراح
تتطفش والدنيا رايحة جاية قدامك 24 ساعة .
بينانغ ...بي فيو ..شرحها اخوي سمسم واقل شيء ينقال
فيه انه سعره فيه .
لنكاوي متيارا ...فندق جيد وسعره فيه .
بان باسفيك هوتيل تراه حبيب قلبي ...غير الفنادق الثانية
ارتاح جداً بهذا الفندق ...ممكن لانه ناسها قمة في الاحترام
وموقعها عاجبني ...وتراه للبرجين وشارعنا المزعوم 5 دقائق
بالتاكسي ...ومشي شبه مستحيل .
موفق اخوي ورحلة سعيدة بأذن الله وترجعون بالسلامة
ولا تنسى وعدك لنا والسلام عليكم

شوف يا بو الشباب
بالنسبه لفندق بان باسفك فيه فندقين واحد قريب من المطار وهو بعيد عند المدينه
اما الثانى يعتبر تقريباً وسط الديره وهوفندق مصنف تقريباً خمس نجوم وتقريباً 35 دور
ومره ممتاز وخدمه رائعه واثاثهم حلو..وفيه قدام الفندق سوق كبير والله نسيت اسمه بس انه حلو
وفى ذا السوق اكثر المطاعم العالميه يعنى ما تبحل بعمرك وبرضوه فى اخر الشارع فيه الحاره الصينيه
وتعتبر منطقه حيويه وبرضوه اذا تحب تتنقل بالمترو فيه محطه قريبه من الفندق يعنى مارح تندم ان سكنته
امافندق البا فيو بيتش فى بينانق كفندق ماعليه كلام واحلى مابه الشاطى حقه مره هادى ولا يحد يزعجك فيه
وانصحك ان تاخذ غرفه مطله على البحر ولاتنسى عندهم فطور ماعليه كلام يعنى حلو ..
بس عيب ذا الفندق انه بعيد شوى عن حركة الناس يعنى بعيد عن سوق الليل الصينى والمطاعم والسوبرماركات يعنى انا جاء باليل وبغيت شى لازم تالخذ تكسى وتروح ذيك المنطقه .. وانصحك تدور فندق
حول سوق الليل مثل بارك رويال او شنقرلا او هوليدى ان...
اما لانكاوى فكل منتجعاتها زى بعض يعنى تحس انك فى مقطعه وبعيد عن الناس ..يعنى راح ترتاح من الازعاج ومالك الا المخده...

أشكركم على هذا التفاعل ووفاء بالوعد اللهم أرزق كل من شارك وكتب بزوجة تسعده ومن كان متزوجاً فتكفيه اللي عنده ...والله يرزق كل من شارك بمليون واربعمية وسبعة وعشرين الف ومن قرأ بنصفها وبالفردوس الأعلى للجميع