السلام عليكم ورحمة الله وبركاته
الشركات كثيرة ،، فقط اكتب شحن سيارات في قوقل وستحصل على الكثير
ولكن الموضوع ما يستاهل
اركب سيارتك ،، وتوجه من الرياض إلى الشارقة بالبر ،، واستمتع بها
والموضوع كله تقريبا من 9 إلى 10 ساعات تقريبا على حسب السرعة ومركز الحدود
الشحن سيكلفك ،، اعتقد من 3000 إلى 4000 ريال على حسب معلوماتي القديمة

كلمة حق
وعليكم السلام ورحمة الله وبركاته ...
كلمة حق
ماقصرت يعطيك الف عافية وجزاك الله الف خيير و وفقك في الدنيا و الاخرة على الرد ولكني كتبت في جوجل وماطلع لي نتيجة واضحة..
فحبيت اسال اذا احد كان له تجربة مع اي شركة شحن ورأيه فيها وبكم سعرها ...
وبالنسبه للسفر بالسيارة في ناس من الجماعة سالوني عن الشحن بالسيارة واذا مو مكلف يبون يشحنون
واذا كان يكلف هذا شيء ثاني ..
في النهاية ماقصرت على ابداء رايك ونصيحتك ..

للرفع ...
ننتظر من لديه تجارب عن الموضوع وشكرا..

هلا والله فيك اخوي انا قد شحنت كم سيارة لاني ابيع واشتري من الشارقة للرياض السيارة ب2000 سطحة خاصة بس مشكتهم فوق ال4 ايام عشان توصل اما الشحن العادي ماجربت وهالكلام من مكتب البسامي والله يوفقك
انا اشحنها من الشارقة واستلمها في الرياض بفرع البسامي الي عند المعارض النسيم والله يوفقك

hamodee
هلا بك يا اخوي hamodee
مشكور على ردك وماقصرت الله يوفقك ويجزاك الف خير ...
طبعا 2000 مشوار واحد يعني من الشارقة للرياض ...
يعني انا لو ابي من الرياض للشارقة ب 2000 والعودة مره اخرى من الشارقة للرياض ب 2000 ..
المجموع 4000 احسه غالي ومايستاهل ..

البسامي يشحن وذهاب وعوده تقريبا من2500الى3000ريال

NOKIA
هلا ب NOKIA
مشكور وماقصرت الله يعطيك العافية ويجزاك الف خير ..
اذا ذهاب وعودة ب 2500 - 3000 معقول نوعا ما ..لاني انافهمت انه المشوار الواحد ...
هل سبق وتعاملت معهم .. هل بالامكان تذكر تجربتك اذا سبق وان تعاملت معهم ولك الشكر الجزيل..

بارك الله فيك
هناك نقطة مهمة جدا يجب عدم اهمالها
لم نعرف سبب الشحن :-

• إذا كان الشحن لأستخدامها لفترة قصيرة للسياحة ، فالموضوع ما يستاهل ،، اجر سياره من المطار وارجعها للمطار وقت المغادرة وانتهت المشكلة
• وأيضا إذا كانت للسياحة ولكن الجلوس لفترة طويلة وتحتاج لسيارتك ،، فقط تتأخر عليك بالشحن بسبب الاجراءات على الحدود ، أو عدم مصداقية بعض شركات الشحن في وقت التسليم ، أو تأخر شحنها بسبب انتظار سيارات اخرى للشحن مره واحده ، وهذه تحدث كثيرا في الشركات التعبانه

كلمة حق
هلا باخونا الغالي,,, كلمة حق
سبب الشحن اننا ودنا بسيارة كبيرة تكفي لعدد أفراد العائله لانهم عائلتين بيسافرون سوا والمدة متوسطة للسياحة ولم تحدد بالضبط ..
ومثل ماتعرف استئجار السيارات مو رخيص في الامارات لكن الله يعطيك العافية بعد ماذكرت لي العيوب اللي في الشحن شكلي بديت ابتعد عن فكرة الشحن وافكر في الاستئجار وإن شاء الله نلاقي سعر مناسب ..
بارك الله فيك وكثر الله من أمثالك وغفر لك ولوالديك ولجميع أهلك فأنت لم تقصر معي بإبداء النصيحة والرأي .