والله ياليت احد يعطينا فكره لأن انا مثلك حاولت من النت والاسعار تتغير فهل اذا بنفس اليوم ح يكون فيه فرق كبير نحجز من الآن ولكن لا ادري شلون
انا ابي من ميونشن الى فرانكفورت في 6 يونيو
والأمر الثاني للحين حاولت اتعلم طريقة الاندر قراوند والترام ولا قدرت
ياليت بمن يفيدنا

نعم الحجز بالانترنت أرخص بكثير وأحيانا يصل إلى نصف السعر كلما حجزت مبكراً بالنسبة للرحلة من روست بتتعب فيها برحلات القطار برغم ان في تذاكر بسعر 39 يورو لكن ضروري تنتقل من باص لقطار ومن قطار لقطار يعني بتتعب أنصحك تستأجر سيارة ليوم واحد وتاخذها من رست وتسلمها في ميونيخ صحيح بتكون غالية شوي بس بتوفر عليك التعب ..

قلب سيف
الحجز مبكر أفضل ، نعم لو تحجز الرحلة في نفس اليوم بتكون أغلى لكن اذا حجزت عن طريق النت بوقت مبكر بتوفر كثير في السعر ..
بالنسبة لسؤالك الثاني اعذرني ما فهمته ، ايش اللي مش أنت فاهمه في موضوع الترام والمترو ؟

اذا كان الحجز المبكر ح يوفر في السعر ف شلون نسوي الحجوزات رغم اني حاولت افتح موقعهم واسوي حجوزات اصطدم في بعض الخطوات مثلا شلون احصل ع التذكره لأنهم اعتقد يطلبون صندوق بريد او عنوانك هل فما ادري اي عنوان يقصدون عنوان السكن اذا جيت ميونخ او اي عنوان .....
اذا احد عمل حجوزات ياليت يفيدنا بالطريقه !! ونكون له من الشاكرين
اما سؤالي يا صديقي بشأن الاندرقراوند او الترام
اقصد شلون اعرف الاتجاهات وكيف احدد الطريقه اللي ح اسلكها مثلا لو ابي القريه الالمبيه شلون احدد الترام او الاندر قراوند واي شيئ اسلك وبأي اتجاه وكيف اعرف الترام او الاندر قراوند هو الليح يوديني مركز ريم اركان للتسوق هذه مجرد امثله واعذرني ع الاسهاب ..
ولك كل الود

قلب سيف ممكن تعطيني الموقع تبع قطارات المانيا وياليت نلقى شرح لطريقة الحجز
وبالنسبه للسياره صعبه

قلب سيف
بالنسبة للتذكرة فهي بتوصلك للبريد الالكتروني وتخرجها بالطابعة بيكون فيها كود معين لما يجيك مفتش القطار بيسوي مسح ضوئي للكود ..
أما بالنسبة للاتجاهات فالأفضل انك تسأل في محطة القطارات الرئيسية معاهم مركز للمعلومات أعطيه العنوان اللي تريد تروحه وهو بيعطيك رقم الخط والاتجاه ، أو انك تقرأ خريطة المترو في محطة القطارات الرئيسية لكن الأفضل انك تسأل مركز المعلومات ..

zaad2006
إذا بتسكن بالقرب من محطة القطارات بيكون افضل و هى محطة Haupbahnhof و بتكون قريب من الاسواق و منطقة المارين بلاتز ايضا
هذا موقع القطار الالمانى
http://www.bahn.com/i/view/index.shtml
انصحك تطبع خريطة المترو من النت و تقدر تحصل على خريطة باللغة العربية او الانجليزية فى المطار
خطوط الاندرجرواند يرمز لها بU اهم شئ تحدد المناطق اللى راح تزورها و تكتب اسماء المحطات اللى تحب تنزل فيها .
تحياتى