صراحه علامات تعجب كثيرة جت فوق راسي
انا ما كنت متوقع ان محد بيرد علي بسرعه بس الي لاحظته ان فيه مواضيع كثير نزلت بعد موضوعي وما شاء الله على طول طلعو لها الخبراء وردو و فيه كم موضوع... مساء الورد محد رد
على العموم مشكورين والله يعطيكم العافيه
انا رحت وقصيت تذاكري من الخطوط التركيه وقالي الموظف الاكثر من رائع هناك اني اروح للملحق الثقافي في الرياض اعتقد اسمه كذا وقالي اي سؤال راح يجاوبونك عليه وراح يورونك اشياء ثانيه ويعلمونك عن اشياء بعد وبتحس انك في تركيا بس قلت لا المسافرون العرب صراحه حسيتكم اسهل من المشوار طلع المشوار اسهل من اني اسألكم !!!!!!!
اكرر شكري لسعه صدوركم واسف على الاطاله....

عزام سليمان
اخي الغالي عزام سليمان اولا اتمنى لكم رحلة طيبة وممتعة باذن الله ولا تلوم الاخوة والاخوات في هذه البوابة حيث حاليا الاستفسارات تكون كثيرة جدا لان موعد الاجازة قد اقترب والكل يجهز نفسة للسفر وبالنسبة للردود باذن الله سيجاوب على استفساراتك ولاكن كن صبورا قليلا وستجد الاجابة قد وصلتك على طبق من ذهب باذن الله .
واعلم اخي الغالي بان معظم الاستفسارات تكون موجودة اجاباتها في هذه البوابة وكل ما على المستفسر ان يراجع بعض الاستفسارات المكتوبة ليجد ضالته . وهنا اقصد اخي بان البحث في هذا المنتدى ليس بشاق فلو اتطلعت على على بعض التقارير منها تستفيد بتفاصيل اخرى لم تكن تخطر في ذهنك وبنفس الوقت تجد اجابتكم .
على العموم اخي الغالي ها هي الاجابة على استفساركم :
اي نعم اخي الغالي يوجد رحلة مباشرة من ترابزون الى بورصة وذالك عن طريق خطوط تسمى ب ( سن اكسبرس ) .
ولمزيد من المعلومات راجع الرابطة التالية :

واي استفسار اخر باذن الله الاخوة والاخوات لن يقصرو معك نهائيا ولاكن الصبر قليلا وان شاء الله تنول الجواب الكامل .

عمي zaqwsx الصراحه اعجز عن شكرك
والله فعلاً انا كنت مستعجل بعض الشي وهذا يمكن بسبب طبعي الحار الي عجزت اتخلص منه
بس انا الي خلاني اكتب قبل شوي انه في ردود على مواضيع جت بعد موضوعي فا استنكرت صراحه مع العلم اني كل سنه اسافر وما يساعدني الا موقعكم ولاحظ اني ما كنت مسجل لاني ما كنت احتاج استفسارات لاني زي ما قلت انت اشيك على الاستفسارات الموجوده وكانت تكفيني يمكن انا ما انتبهت للرابط الي انت حطيته لي على العموم مشكور
والله لا يهينك...
وعلى العموم انا الي غلطت وانتم بيض الله وجيهكم...
وآآآآسف على كلامي الي قبل شوي ...