1. السلام عليكم,

السلام عليكم,

اخوكم في الله فكر في شراء شقة بالتقسيط في مصر... عشان متى ما بغيت اغير جو اروح واشتري تذكرة والسكن مجانا يعني ما فيه تكاليف كثيرة وفي مصر الف شي وشي تسويه... احسن من كل شوي سفرة لآخر الدنيا ولا دبي وآخرتها تلاقي نفسك صرفت مصاريف مهولة.. وانا خلاص وصلت مرحلة الاعتزال والاستقرار على بلد معينة وانتهينا ( او على الأقل هكذا أتمنى! )
المهم عندنا ( ليست ملك شخصي لي لكن لاخوي ) شقة في لبنان ما عمري شفتها, وتقع في بعبدات... وقلت حرام اشتري شقة في مصر وفيه مكان قريب نسبيا ممكن اروح له واسكن ببلاش
بس خفت من بعض الاشياء حبيت استفسر عنها واتأكد...
أولا, الأمن, لأنه حسب فهمي ان بعبدات في منطقة جبلية وسكان المنطقة شويين... الا في الصيف لكن انا ممكن اسافر في اي وقت من السنة مو بس الصيف...
فهل السكن لوحدك كخليجي في شقة في تلك المنطقة في اوقات غير الصيف فيه أمان؟ علما باني ما اعرف اي احد في لبنان ولا عمري رحت للبنان ( الا في سن ال 15 ايام بسيطة يعني ما تحسب ) وبأكون في الغالب وحدي.
ثانيا, هل في اوقات غير الصيف بتكون مملة لوحدك؟ فمثلا مصر فيها الف شي وشي تسويه ومشي حالك يا سعادة البيه ما فيه مشاكل الف شي وشي تسويه... خاصة وان الناس هناك اجتماعيين جدا... يعني حتى لو تبغى تجيب كوميدي عندك باليومية تقدر! ههه يعني تعيش ملك ودائما تلقى شي تسويه..
اللي شعرته من وصف اخوي انه كل ما بغيت تنزل بيروت او ترجع من بيروت يبي لك نص ساعة تقريبا وشوارع تدوخ فيها.. وبتكون في منطقة شبه معزولة عدد سكانها تقريبا 800 نسمة فقط حسب موقع بلدية بعبدات على النت.... فحسيت انها غير عملية بس احيانا اللي يجهل الشي يخافه لذلك اسأل عن آرائكم للتأكد واخذ صورة واقعية..