أفضل فندق في الدوحه هو فندق الريتز
والريتز قريب من أرض المعارض يمكن دقيقه والا دقيقتين بالسياره

هلا فيك اخوي ابوفيصل
عندك فندق الأنتر هذا قريب جداً من قاعة المعارض ( 500متر ) .
موعد المعرض 10 نوفمبر !!!! يعني بكره .
هذا موقع الفندق للحجز :
https://www.booking.com/hotel/qa/intercontinental-doha.html?aid=1300939

اخوي عيد حرام عليك فندق الانتر أفشل فنادق الدوحه الخمس نجوم
وكل الناس تشتكي منه
والريتز قريب جداً من الانتر
لاتخلي الريال يعيش تجربه سيئه في الفندق
ذيج الحزه بيقول كل فنادقنا جذي
الانتر محسوب علينا لكن احنا مانعتبره فندق خمس نجوم الا لين مايستعدلون ويغيرونه تغيير جذري

النوريq
W hotel the best
والله طيعني من ناحية الفندق دبليو بس عيبه مايطل على البحر يطل على الابراج
الريدس كريه بالنسبه للدبليو

اشكر الاخوان (النوري q ، عيد 824 ، the roook ) على اهتمامكم وحرصكم وحقيقة دخلت موقع بوكنق واحترت (ما شاء الله ) من كثر وجمال وابداع فنادق قطر والحيرة وصلت لاختيار فندق من بين مجموعة من الفنادق هي :-
W Doha Hotel & Residences
Sharq Village & Spa, Doha
La Cigale Hotel
Kempinski Residences & Suites, Doha
Oryx Rotana
Doha Marriott
The Ritz-Carlton, Doha
Millennium Hotel Doha
وش راي الاخوان خاصة اني جاي مهمة عمل لمدة يومين 00000 وتراني احب الفندق اللي فيه حركة مو الفندق الهادي اللي مافيه حركة كأن ماسكن فيه احد
واعذروني ان كثرت عليكم ياأخواني

W Doha Hotel & Residences مب حلو وضيق وكئيب وسعره غالي
Sharq Village & Spa, Doha بعيد عن المعرض
La Cigale Hotel في وسط البلد وبعيد عن المعرض ومب حلو بعد
Kempinski Residences & Suites, Doha يعتبر قريب من المعرض وتوه يديد
Oryx Rotana هذي اعتقد توهم فاتحينه جمب المطار اسعارهم وايد غاليه ومايستاهل ومايبين عليه خمس نجوم وأصلاً بعيد عن المعرض
Doha Marriott هذا جمب فريج شرق
The Ritz-Carlton, Doha هذا الوحيد من الفنادق اللي حطيتها فوق يعتبر قريب جداً من المعرض
Millennium Hotel Doha هذا في وسط البلد وعند الزحمه وماانصحك تسكن فيه لانه بعيد بعد عن المعرض

على فكره فندق الريتز توهم مسويين فيه تجديدات
وهو يعتبر سبع نجوم