أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
للأخوة اللي عندهم خبرة في الأماكن المحترمة للسهر للعائلات في دبي يعني بعد الساعة 12 بالليل سواء مطاعم أو غيرها من الأماكن المحترمة
أرجو أنهم لايبخلوا علينا بما يعرفون
وشكرا لكم
مااعتقد بيكون فيه اماكن للعائلات المحترمه بعد 12 بالليل!!
فالافضل مثل ماقال الاخ سعود تتعشون في الممشى او المارينا وتقعدون هناك لين وقت متأخر
او تقدر تدخل عرض متأخر في السينما الساعه 12
عزيزي في مطعم إسمه ريم البوادي و لكن في الويك إند يسير زحمه في قعدات أول ما تدخل على اليسار الزحمة فيها أخف من الجلسات الرئيسية إلي ما قدرت أجلس فيها من كثر الدخان حق المعسلات..
المطعم على شارع الجميرا تخلي سوق الجميرا خلفك و برج العرب يسارك و تمشي بيجيك على يمينك بعد Hsbc....
و هذا المطعم و المرينا يقفلو الساعة 2 أما الممشى أغلب المحلات و المطاعم إلي موجوده في تقفل على 1 و أنا أتكلم عن نص الأسبوع
روح على خور دبي
فيه مطاعم وجلسات عائليه
وعندك ( باتو دبي )
رحله بحريه + بوفيه .. مدتها ساعه ونصف وتنطلق الساعه 8 مساءا ( تقدر تحجز عن طريق عرب لينك )
وعندك قرية البوم السياحيه
