رحلة الساعه عشر مخطورة جدا لان الفرق ساعه ونص فقط . انا انصحك انك تحجز من هناك اضمن ان شاء الله
رحلة موفقة .

تبغى العلم الا يدسم على الشارب و انا لو مكانك كنت سويتها لا و الله صار عليه موقف مثل هذا كنت جاي من فوكيت ورحلتي الى السعودية باقي عليها 8 ساعات ادخل بانكوك ورح نانا و افطر و لا اتغداء هناك و ارجع المطار مره ثانية على الساعه وحدة
بخصوص كرابي مدينة جميلة جدا و شواطئها راعة جدا في رحلات من شاطئ انانغ على قوارب خشبية جميلة جدا و ممكن من هناك تطلع على فاي فاي او جمس بوند و في رحلات كثيره جدا اذا انك رايح في الهاي سيزون تكون كرابي احلى لان السواح الاوربيين متواجدين تجد كل الرحلات موجودة في اللوسيزون تقل الرحلات عشان ما في سواح كل ما تشوف برشور في الماتب السياحية يقلك ما في لازم يكون 10 سواح يطلعون لها على الاقل اخوك ابو بدر

q8hunter
المشكلة انا بكون تعبان وما تنفع معاي هالخطة ههه
انا متحمس لكرابي من كثر ما سمعت عنها ومن بعدها رايح لجزيرة بالي باندونيسيا
اعطيت من سفرتي لكرابي 4 ايام؟ شرايك؟
ومشكور يالغالي

وايد حلوه كرابي جوها وطبيعتها وخضرتها وبحرها والأحلى مافيها عرب وايد

دنوونه
كلها اسبوع ان شاء الله وانا هناك
عطيني من معلوماتج ونصايحج شوية

ان شاءالله
ولا يهمك ياولد الديره
اول شي السكن افضل يكون في اونانح بيج
الرحلات الى بي بي او جيمس بوند تكون في كرابي ارخص من بوكت
وفي رحلات التجديق والتسلق وركوب الافيال
لاتفوت رحلة Emerald pool
هذي صورها

Hot Spring وعندك
تجربه حلوه وهذي صوره

في مطاعم ومحلات ومكاتب سياحيه على طول الشاطئ
واذا في بالك اي سؤال لايردك الا الكيبورد

تسلمين فديتج
السكن في اونانج بيج في
vogue resort & spa
انتي قصدج Emerald cave
الكهف اللي يسبحون داخله وفيه مسافة طويلة؟
رحتي Koh Lantha؟ أو Railay beach?
وسؤال عن الشوبينغ في كرابي؟ في محلات ثياب وماركات حلوة؟
يعطيج العافية

الله يسلمك اخوي
عن الفندق عيبه عندي ان بعيد عن البحر
لا مارحت كوه لانتا ولا الثاني مامدى الوقت
و لا موكهف يسمونها البحيره الكريستاليه اكتب الاسم في قوقل
وعن الشوبنغ طبعا بانكوك احلى يعني كرابي مو حق سوق

ما رأيكم بفندق
بيملي resort