السلام عليكم ورحمة الله وبركاته
صباح الخير لجميع القراء وعندي استفسار بسيط وياليت ما يكون ثقيل
واوجه سؤالي لاصحاب الخبرة في تركيا
انا ناوي اسافر في الصيف ان شاء الله لتركيا اذا يسر الله
والمدة تقريبا من 10 إلى 12 يوم
ماهي المدن اللي تنصحوني ازورها وانا احب الطبيعة شوي
ولا ننسى الاكل يعني ضخم وابي احسن الاماكن تقريبا اللي فيها مطاعم سنعه وعندهم علوم طيبة وجزله
يعني انا مسوي رجيم اعوذ بالله من الشيطان الرجيم لي اكثر من ثلاث سنوات ولا نزلت إلا 7 كيلوا وناوي ارد 10 كيلو بالسفره هذي يا سلام سلم :36_1_51:
وافضل وسيلة للتنقل
وماهي العملة اللي يتعاملون فيها مع السائح دولار او يورو
ولا انسى تراني بطة باللغه يعني مش ولا بد
لكن سافرت كذا مرة ومشيت حالي غصب يعني هم يبدون يتكلمون عربي غصب عليهم :112:
وسمعت عن الاتراك انهم صلفين شوي بالمعاملة وخاصه من ناحية اللغه لكن انا ناوي اروح ولا لي شغل فيهم
ارجوا ما كون ثقلت بالاسئله واكون شاكر جدا وممنون لكم واسف على الازعاج