فنونه ليمونه
19-04-2022 - 01:41 pm
كيفك نجلاء ان شاء الله بخير وكلو تمام
أبغى أسألك لو تعرفي محل كوافيره كويسه مره في اسطنبول لأنو نفسي صراحه أقص شعري وأصبغه هناك أشوف صبغاتهم وقصاتهم مره حلوه في المسلسلات بس ماأعرف فين
وسؤال تاني ايش المولات الا فيها محلات فساتين أفراح عشان زي ماانتي عارفه في مولات للملابس الكاجوال وكدا و أنا أبغى لبس سهرات وأفراح وتكون أسعارها كويسه مو غاليه مره بحدود ألفين وانتي نازله
لأنو لما أكون راجعه من تركيا بالسلامه ان شاء الله الاسبوع الا بعده عندي فرح ونفسي أشتري من هناك وأبغى مول أروح له يكون في فساتين سهرات وكدا ما أبغى أضيع بين المولات ويضيع الوقت
ومره مره شكرا
الله يسعدك
انا الحمد لله تمام واتمنى تكونين كذلك : )
ام بالنسبة للصالونات النسائيه هناك صراحه ماجربتها لان اغلبها ( اللي شفته ) يكون الصالون نسائي بس الكوافير الي يشتغل رجال .. وماعرف اذا عندهم غرف للمحجبات .. للاسف لم يسبق لي التجربه او السؤال ...
اما بالنسبة لموضوع فساتين السهره :
شوفي عزيزتي فيه كم محل ( دخلوه بنات خالي ) في مجمع استينا بارك يقولون عنده اشياء مره حلوه وراقيه وتصاميم اوروبيه لكنها غاليه بالمره ...
اذا تبين شي مناسب ... انا شفت محلات بشارع الاستقلال ( بمنطقة تقسيم ) وكانت اسعارهم حلوه ..
كذلك ومن كلام بعض الاخوات عندك في منطقة عثمان بيه
واسواق منطقة الفاتح ( شارع الفاتح )
سوق محمود باشااتمنى اكون افدتك .. وان شاء الله تلاقين اللي يعجبك
ولو كان برنامجكم يتخلله انطاليا .. انصحك تاخذين الفساتين من هناك .. عندهم محلات راقيه وتصاميم حلوه ونعومه ..