مرحبا اخوي بنسبة للخياطين فهم وايد بدوحه
وبنسبة للقماش فهو يختلف على حسب الجودة وماقدر اعطيك سعر لان كل اقماش يفرق
بنسبة للخياطين عندك سوق العلي فكله خياطين رجالين وهم وايد يمكن 100 محل او اكثر وتقدر اتلف عليهم واتشوف الي يناسبك وكلهم مستوياتهم زينه
وعندك بعد سوق واقف فيه محلات وايد
ويعتبرون سوق العلي وسوق واقف محلاتهم ارخص من غيرهم ولهم سمعه واسعه
بس في محلات حلوة بعد وراقية بس غالية اشوي
يعني عندك خياط نبراس بالغرافه فهو حلو
وعندك خياط الخان بالسد وعندك خياط نسيج بالسد وهو قريب من خياط الخان وكلهم خياطين راقين
وعندك خياط الخياط بالمرخية له سمعه واسعه وخياطتهم زينه بس اسعاره اشوي مرتفعه
وعندك خياط الخيط الابيض بالسد بعد حلو وتعاملت معهم
وعندك خياط لكزس وهو مشهور وله فروع وايد بكل الدوحه وفروعه في السد والغرافة والنصر والمطار وازغوى والخور والوكرة
تقريبا هاي الخياطين والاسعار اتراوح
يعني في سوق العلي وسوق واقف سعر الثوب يكون سعر الثوب ب 100 ريال ويوصل الى 150 و 200 على حسب القماش
اما الخياطين الثانين مثل خياط الخياط فتبتدي اسعاره من 220 ريال وفوق لثوب الواحد ونفس الشي الخياطين الثانين مثل الخان ونسيج ونبراس وممكن يكونون اغلى بعد
اما خياط لكزس والخيط الابيض فسعارهم اتكون من 150 ريال الى 170 ريال وفوق وتوصل الى 200 على حسب القماش
طبعا انا اتكلم بنسبة للثياب البيض
اما بنسبة للثياب الصوف فاكيد اغلى بس اكيد الخام والقماش يلعب دور
يعني لو بتفصل لك قماش كشميري من الزين ممكن يوصل سعر الثوب 500 ريال او 600 ريال لثوب الواحد
فعلشان هشي اقولك ان نوع القماش وحتى حجم الشخص لو كان متين وايد فاكيد بيرفع من سعر الثوب
واي استفسار احنا بلخدمة

مشكور أخوي على ردك وبيض الله وجهك

تسونامي السلام
افا عليك ماسوينا الا الواجب فديتك
واي اسنفسار احنا بلخدمة

طبعا من افضل الخيايط في قطر هو " خياط نبراس " مثل ماذكر اخوي حلو ومدلع طبعا هو افضل من ناحية الخامات المميزة جداً والتفصيل الدقيق لدرجة ان حتى ( الكلك ) الي هو غطاء الرقبة لايتعفس مع الغسيل
كذلك عندك خياط الرجل المميز في الريان الجديد شارع ال شافي بجانب بنك قطر الدولي الاسلامي جداً راقي
واسعارهم تبتدي من 250 حتى 350 على ما اعتقد وطبعا هي على اعلى مستوى في قطر