طيب ياليت أخوي تحدد اسم الفندق وموقعه عشان يساعدوك الأخوان ، يعني قصدي ممكن تضع أمتعتك في الفندق وتطلع تتمشى في أي مكان قريب من الفندق عشان ما تضيع

رح الى الفندق واذا كان ابن حلال وفي غرف يدخلك والا انتظارفي الاستقبال
وبالتوفيق والنجاح

نفس مشكلتي اخوي فهد ... امس جالس افكر فيها ... قال لي واحد اذا ما دخلوك .. حط شناطك عندهم واطلع تمشى
الا صدق اخوي فهد وش الفندق اللي اخترته ؟
وكيف امور الفيزا معاك ؟

اولاً حتى تأخذ العفش وتصل الى الفندق يبغالك في الغالب ساعة ونصف الى ساعتين. يعني نقول توصل
الداون تاون 9. رح للفندق وتأكد من حجزك وحط شناطك عندهم في غرفة luggage room ولا تنسى تأخذ ما يثبت ان هذه الشنط تبعك: السواح كثر وستجد الشنط في هذه الغرفة كثيرة.
بعدين لندن كتاب مفتوح او حديقة مليئة بكل شيئ.
يكفي تروح تمشي في اي مكان قريب للفندق
التسوق من غير شراء
شف لك فيلم
وبعدين قبل ما تطلع من الفندق اسألهم اذا بالإمكان استلام الغرفه الساعة 12 او 1 ظهراً ربما يتساعدون معك.
اذا حبيت معلومات اكثر قلنا وش فندقك او على الأقل في أي منطقة
تحياتي

مشكورين إخواني على المساعدة
وفعلاً إقتراحاتكم مناسبة جداً
وسأفعل ذلك إن شاء الله
أما من ناحية الفندق فلازلت مختبص في هذه المسألة
وأبحث في مواضيع المنتدى عن فندق مناسب السعر قريب من ادجور رود وطقته
أخوي المايسترو
لاتشيل هم الفيزا أبداً
أهم شيء بس تكون أوراقك كاملة وتسلمها الساعة الثامنة
وتستلمها بحول الله الساعة الثانية من نفس اليوم
هذا ماحدث معي ومع أصدقاء ومعارف كثيرين
تمنياتي لكم جميعاً بالتوفيق

فهد تركي
هلا وغلا ... انا مشكلتي انه اول مره .. واللي اول مره يقولون لازم مقابله ...
بخصوص الفندق ... شف الفندق اللي قلت لك عليه ... هو اللي انا باخذ فيه ان شاء الله ... موقعه روعه .. وسعره مناسب ... واذا تبي تحجز رح لأكبر مكتبين للسفر والسياحه على طريق الملك

السلام عليكم اخوي احسن الفنادق على الموقع اللي تبيه فندق ( كمبرلاند ) فندق مره روعه وقريب من كل شي ورخيص, وبخصوص الفتره من وصولك لين check_in جمبك شارع اكس فورد واجورود تتمشى فيهم هل كم ساعه حلو او انك تروح الهيدبارك قدام الفندق على طول تتمشى على البحير وتقعد وتسترخي لين موعد check_in.وعندك فندق ماريوت بس غالي شوي والمنطقه اللي فيها الفندقين مره حلوه اسمها ماربل ارج - (القوس الرخامي) وعن الموصلات من المطار عندك اكثر من طريقة
1-تكسي بس غالي واجد
2- اذا انت معا الاهل تقدر تحجز سياره من هنا تستقبلك بالمطار
3- القطار اسمه هيثرو اكسبرس اضا بس يروح محطه جنب الماربل ارج يعني بتاخذ تكسي لين الفندق
4- افضل طريقه باص من المطار يوديك لين الماربل ارج (10جنيه) وموقف الباص قدام الفندق بس تعدي الشارع.
واتمنا لك رحله سعيده واي استفساربالندن من عيوني .
لين عندي اهل مدمنين لندن عشان كذا انا حافظها

أخي المايسترو
قلت لك أخوي لاتشيل هم الفيزا أبد بحول الله
وسترى كلامي هذا إن شاء الله
أهم شيء بس تروح وأوراقك كاملة
أخوي الحبيب mhm866
الله يوفقك يارب ويسعدك ومشكور على هذا الجهد الطيب
أنا ياأخوك حجزت في فندق إسمه
THISTLE KENSINGTON PALACE
بسعر يعادل 1200 ريال سعودي لليلتين
ويبقى السؤال
بالله كيف أصل لهذا الفندق من مطار هيثرو ؟؟
ومشكورين على روح التعاون الرائعة التي تدل على أصالة معادنكم ونقاء قلوبكم

فهد تركي
هلا فهد
الفندق موقعه مش بطال ... يفصلك عن شارع العرب والاكسفورد حديقه هايدربارك ... بس على فكره الحديقه (مثل ما قرأت عنها ) ... مره كبيره ... ومو من السهل تقطعها كامله
بخصوص كيف تصل للفندق من المطار .. يا تاخذ لك تاكسي الاسود ... صح انه غالي شوي ... لكن بيوديك على فندقك .. والا تاخذ لك الباص ..بيوديك لوسط المدينه ومن هناك تاخذ تاكسي لفندقك ...
انا صراحه بكلم الفندق وبقول لهم يجهزون احد يستقبلني في المطار ... لو ادفع لهم زياده مو مشكله بس ارتاح من اللجه هذه