فات قيرل
26-07-2022 - 04:07 pm
بسم الله الرحمن الرحيم
السلام عليكم ورحمة الله وبركاته
قررت أزور مطعم مكاني بعد ما شفت الهاله الاعلاميه الكبيرة من مجموعه من الأعضاء
وبعد ضياع تام في شوارع الرياض أخيرا لقيناه
المهم زحمه وغرقه وسرى وأرقام
صراحه انصدمنا لمن شفنا الأسعار
على أني ماأروح مطاعم غاليه
ألا أن هذا أرخص مطعم زرته في حياتي
ونستعرض الأشياء اللي طلبناها
أولاً
شوربة السمك
زوجي يقول لذيذه بس مو سمك تونه
ثانياً
برياني الدجاج
كان رائع بس دسم وطعمه عجيب بس لازم تاكل بعده زينيكال
ثالثاً
برياني خضار
م نوت سو باد
وسط
رابعاً
شوربة الدجاج
وان كاني ما أشوف أنها شوربه بس هي أسمها كذا أو هم غلطوا في الطلب
حليوه بس كلها حلبه
خامساً
تكا دجاج
كان حلو خاصةً مع الخبز
سادساً
باميا ماسالا
حلوة للي يحبون الباميا
طبعا هالقائمه الطويله العريضه + الخبز +2سفن أب+مويه
الحساب كان 86ريال فقط لاغير
الله يديم الرخص
انطباعاتي
ليته يزيد السعر شوي ويشتري طاولات جديده غير هاللي مليانه مذكرات المهابيل
يقلل مساحه الكبينه بحيث يتوسع الممر مو كل الناس اللحم على اللحم
يخفي بعض مواسير وليات التكييف اللي ناطه في وجهينا
مدري عن الجلسات الثانيه بس جلستنا مخزيه كانت
تقليل الدهن لأن أكله مليان دهن خاصة البرياني الدجاج
بالمختصر صح هو لذيذ ورخيص بس ماراح أرجع له أزيده شوي وأروح كوبر شندني
وعلى فكرة راح ينقلون لفرعهم الجديد بمجمع المطاعم اللي فية الفخار