بسم الله الرحمن الرحيم
اشكر اخواني الكرام صراحه
اللي وصفوا لي طريق قطر من الرياض وايضا وصف من الخبر
كلها باتجاه الهفوف ومن ثم الى الدوحه
تبعد الهفوف عن الحدود سلوى 90 كيلو تقريبا
سلوى عن الدوحه 95كم
اتجهت لقطر من الخبر صباحا الساعه تقريبا 11
كان الجو حلو
اول مره ازور قطر
كانت مفاجأه لي بصراحه
من التطور الغير طبيعي فيها ؛ بصراحه تضاهي الدول المتقدمه لكن فيها مشكلة الزحمه الخطيره وغلاء اسعار الشقق والفنادق..
بحثت عن الفنادق اللي ذكروها الاخوان
فندق المنتزه بلازما ... من الخارج قديم شوي ومن الداخل مرمم لكن غرف ب 450 ريال قطر مو طبعي ماتستاهل
فندق جراند الدوحه .. شكله حلو من الخارج لكن داخليا مو زود ونفس الكلام الغرفه ب 500 ريال قطر لك عليها
شقق السراج .. تعبت وانا ادور عليها بالاخير صارت عند الصناعيه كانت فل الفل
اسعارها مابين ال250 وال400
وبحثت عن فندق الليوان حتي دخت
ماحصلته ..
المهم سالت واحد من الاخوه العرب مصري الله يجزاه الف خير
وقال خلك وراي
رحت معاه حتى وصلت لمنطقه شرق خلف وزارة الجمارك او مصلحة الجمارك
فندق رهيب متطور وكل شي اوكي
غرفه على اخر موديل وفندق جديد 17دور
غرفتي اللي اخذتها تطل على البحر لكن امام الفندق مبنى مغطي لكن اقدر اشوف البحر
فطور صباحي احلى فطور مسبح على السطوح مطل على الابراج وجلسه يحبها قلبك ونادي صحي
السعر ماكنت اتوقعها ابدا
توقعت يقولون لي 700 بحكم الاسعار اللي شفتها قبل من فنادق اقل خدمات ومواصفات
اسم الفندق جلوريا
سعر الغرفه 500ريال قطري لشخصين
وسعر السويت 650
الموقع منطقة شرق
(( لا تفوتكم فلاجيو ؛ سوق واقف ؛ ستي سنتر ؛ الكورنيش الرهيب ؛ السفن ؛ المتحف ؛ الابراج ))
السلبيه التي اتعبتني ورفعت الظغط والسكر عندي
الزحمه الزحمه
الله يرحم طريق الملك فهد
انصح بزيارة قطر بعد 3 سنوات بعد انتهاء من كل شيء تحويلات و بنايات
شكرا لكم