- السلام عليكم ورحمة الله وبركاته
السلام عليكم ورحمة الله وبركاته
البارحة وصلت واحد من أصدقائي لفندق خالدية بالاس ريحان من روتانا وحصلت فرصة اني أتعرف أكثر على الفندق والمرافق اللي فيه وأشارككم رحلة اكتشافي. ومع انه أخوي فتحي شارككم قبلي بموضوع عن الفندق لكن احببت ان أضيف معلومات أكثر وأزيد على موضوعه.
الفندق موجود عالكورنيش و يبعد عن مطار أبوظبي الدولي دقيقة تقريبا. لكنه قريب جدا من المولات والمراكز الثقافية.
والمنظر من الداخل جميل جدا ويبهر كل اللي يدخلونه بجدرانه والاستقبال بألوانه الذهبية والثريات اللي تزين السقف.
واللي يزيد من جماله موقعه المميز على الخليج العربي. يعني اي شخص بينزل فالفندق بيحس نفسه في رفاهية عالية بالتأكيد لما يشوف منظر البحر من غرفته ويشوف نفسه على شواطئ الخليج ويستانس بهواء البحر العليل.
يحتوي هالفندق على عدد كبير من الغرف والأجنحة بتصميم عصري بس يتلاءم مع القيم الثقافية العربية وخاصة ان الفندق خالي تماما من الكحول فهو مناسب تماما لعاداتنا وقيمنا الاسلامية الرفيعة.
وبالنسبة للغرف والاسعار فهي كالتالي:غرفة مفردة:0- 800 درهم
غرفة مزدوجة:0- 800 درهم
جناح:0- 1500 درهم
والفندق يطلب منكم ايداع مبلغ اضافي عند تسجيل الدخول كرسوم عشان تقدرون تستخدمون المرافق والتسهيلات التابعة للفندق والغير مشمولة مع الحجز
ومن هالمرافق اللي يقدمها الفندق
الشاطئ والبرك المدفئة والعادية ومركز سبا والمنتجع الصحي وملاعب تنس واسكواش والعاب مائية وصالون تجميل ولا تنسون بعد خدمات العاب للاطفال مثل الملاعب والبركة المخصصة وخدمات مجالسة الاطفال بعد.
اما بالنسبة للمطاعم فيحتوي على مطاعم تقدم مختلف الاطباق العالمية والشعبية وهي :
هورايزن
ويقدم بوفيه عالمي فيه اشهى الاصناف وطبعا على مستوى الخمس نجوم
لاونج الخالدية
واللي يقدم وجبات خفيفة مثل السندويتشات والقهوة والحلويات
مطعم الشاطئ
واللي تستانسون فيه بالاكل التايلندي الرائع
بالنسبة للموقع والمعالم السياحية اللي حوله..
واحد من أهم المعالم السياحية اللي ممكن تشوفونها وانتو نازلين في الفندق
قصر الإمارات
https://artravelers.com/p/re/891843">
https://artravelers.com/p/re/891843
وأبراج الإتحاد
https://artravelers.com واللي فيه " افنيو" وهو مول راقي جدا
وبعد كورنيش
https://artravelers.com/p/re/878667 أبوظبي اللي هو غني عن التعريف.. فيه الكثير من الكافيهات والمطاعم بالإضافة لخدمات شاطئية مختلفة..
ومركز المارينا مول
https://artravelers.com/p/re/902403التجاري
ومركز مول التجارة العالمي
https://artravelers.com/p/re/895902 واللي يبعد مسافة 10 دقائق بالسيارة - واللي يمزج بين السوق التقليدي بهداياه التذكارية والسجاد والعطور العربية والمول واللي فيه الماركات العالمية المختلفة والكثير من المطاعم
بالنسبة للجمعيات أو السوبرماركت
فأقرب سوبرماركت هو "سبينس" ويبعد تقريبا 5 دقائق بالسيارة
ومن النقاط المهمة بعد أن موقع الفندق قريب من واحدة من أكثر المناطق حيوية في العاصمة أبوظبي واللي هي منطقة الخالدية
واللي فيها الخالدية مول والكثير من المحلات التجارية والصيدليات ومحلات السوبرماركت والمطاعم ..
زيارتي للفندق كانت قصيره، لكن حاولت قدر الامكان اتعرف على الفندق والخدمات اللي يقدمها واشارككم المعلومات اللي قدرت اجمعها
واذا تحبون تعرفون معلومات أكثر هذه معلومات الاتصال للفندق
الموقع إلالكتروني http://www.rotana.com/rayhaanhotelandresorts/unitedarabemirates/abudhabi/khalidiyapalacerayhaanbyrotana
هاتف:97126570000+
فاكس:97126570077+
والسلام عليكم ورحمة الله وبركاته
