1. اذا كنت جاي من نيويورك او لوس انجلوس فراح تكون الساعه 8 مساء في دبي

مرحبا اخوي اعلامي
وحمدلله علي السلامه
متي راح تاصل دبي اقصد الساعه كم ؟

اذا كنت جاي من نيويورك او لوس انجلوس فراح تكون الساعه 8 مساء في دبي

انا اقترح عليك تسكن في منطقه برج دبي -فيه اوتيلات 5 نجوم واوتيلات 4 نجوم - شوف اللي يناسبك
الخمس نجوم هي القصر اولد تاون - والعنوان (ذا ادرس)- اسعارها متقاربه بين 900 - 1200 تقريبا ويمكن تنزل ااكثر - بس الفندقين ما عليهم كلام وجدديين-وموقع رائع جدا- وفي نفس المنطقه ايضا فنادق اربع نجوم مثل المنزل و قمر الدين - نفس الموقع - اسعارهم بين 500- 600 -
انت لما تسكن في هذى المنطقه ماراح تحتاج تكاسي لان منطقه برج دبي حيويه مره - ففيها مول دبي اكبر مول في لعالم وسوق البحار - المكان جميل جدا - فاول ماتوصل تتطلع تعمل شيك ان وتتوجه للدبي مول ممكن تتعشاء هناك وعندك العديد من الخيارات ممكن تتوجه لبرج الحمام جلستهم حلوه واكلهم طيب - بعد ذلك تتمشى في المول وممكن تتقهو في اى مكان في سوق الحار او احد الفنادق كا ادرس او القصر - اذا عندك وقت ممكن تطلع سوق جميره في مدينه جميره وتتمشي هناك وممكن تزور فندق القصر هناك - بعد ذلك ترجع للوتيل - اذا رحلتك متاخره تقضي يومك في مول دبي وممكن تزور الامارات مول اذا عندك وقت - وتقدر تروح الي اتلانتس حسب وقتك ولك الخيار في ذلك
وبالنسبه للتكاسي لا تشيل همها لان الوضع تغير كثير اول ما تطلب تكسي تلقا عشره يتطاقون عليك كانك في الروضه في الرياض -
لكن الوقت اللي بتجي فيه بيكون رطب اشوي وحر
وتاصل بالسلامه

الله يسلمك يالغالي بس لو دريت اول مره ماسكنت بشارع الرقه وربي حسيت نفسي ببطحاء الرياض بالنسبه لبرج دبي والله غالي بس هل فيه تخفيض.؟والشي الثاني هل هاذي أهم الاماكن بدبي بس؟
أشكرك يالغالي من كل قلبي

لاشكر علي واجب اخوي اعلامي
مثل ما قلت منطقه الرقه مزحومه كثير وكلها هنود واجانب
لكن اذا تبغا ارخص عندك ايبس علي شارع الشيخ زايد رخيص ونضيف وموقعه حلو علي شارع الشيخ زايد- او هوليدي ان البرشاء (سعره برضه معقول بين 300-350)بجوار الامارات مول - وقريب من كل الاماكن اللي تهم السايح-
بالنسبه للاماكن السياحيه في دبي - ادخل علي المواضيع والتقارير اللتي تخص دوله الامارات راح تلقا مواضيع كثير من ضمنها كوضوع لي بعنوان كل شي عن دبي - ارجع له راح يفيد كثير
وبالتوفيق
انه يزورها-

بالنسبة للسكن، أنصحك يكون على شارع الشيخ زايد لسهولة المواصلات، و فيه فنادق أسعارها معقولة مثل ibis، و Novotel و Sheraton four points ، و غيرها.
اما الأماكن فانت تحددها على مزاجك، مثلاً عندك المارينا فيها جلسات و مطاعم و شيشة، و عندك الأسواق (دبي مول، الامارات مول، ابن بطوطة)، و عندك منطقة خور دبي، فيه خيارات كثيرة تعتمد اختياراتك.

مشكورين يالغاليين هل باقي فيه احد يقدر يعطيننا معلومات اكثر؟