noha_2005
22-04-2022 - 11:46 am
اهلا وسهلا فيكن بلبنان
بصراحة من خلال قرأتي لموضوعاتكن وخصوصا اللي سافروا لبنان اكتر شي بيعرفوه بلبنان هو بيروت+برمانا +عالية+جونية
انا هون رح ادلكن على مناطق يمكن البعض زارها ويمكن الاكترية ما سمعوا عنها
اولا هل سمعتوا عن منطقة سد القرعون بالبقاع؟ والابحار بالمركب في البحيرة الرائعة
هل زرتم منطقة اليمونة القريبة من بعلبك؟ جنة الله بارضه
سمعتو عن عيون برقش اللي فوق منطقة الارز بالشمال؟ حتى بعز الصيف بتلاقو التلج لسه ما ذاب
فكرتو تسكنو ب الفليج كليب اللي بالبترون منتجع سياحي فخم والليلة ب60 دولار بس! هيدا اللي صورت فيه امل حجازي اغنيتها ام نسيت شو اسمها
فكرتو تزورو عيون السمك بالشمال؟ نهر بارد وجلساته بسيطة اهم شي تاخذو الزوادة معكن يعني بتنفع بكينك عائلي وبسيط
طلعتو على سير الضنية بالشمال ؟ وهي منطقة اسلامية 100% وعلى الاقل تسمعون فيها الاذان وممنوع فيها حتى تقديم البيرة
منطقة اهدن وخصوصا مطعم الفردوس..... وبشري مناطق كتير حلوة ومناظر خلابة
وغيرها من المناطق الحلوة
وعلى فكرة هالمناطق السكن فيها كتير رخيص والاكل ارخص واطيب وباكدلكن انو العوايل رح يرتاحوا كتير وخصوصا انو نسبة الحجاب في هالمناطق كبيرة جدا
جربوا واكيد رع تدعولي
