هلا والله ب shamranimax بموصل الطلبات
وين اللومينا لايكون فيها شيء
الحمدلله على السلامة وانا اخوك امن الطرق :11sted_co من اجل الحفاظ علينا بعد الله
هم فعلا غثى لكن هذا واجبهم
وبالتوفيق ان شاء الله ومنتظر الباقي با ابو نوف

الحمدلله على السلامه
وما يكرهني في الطرق السريعه إلا أمن الطرق
عسى ما صادوك؟

حياك أخوي في الرياض
ولكن لو لهيت نفسك بشي يفيد وأنت في الطريق كان أحسن من بعض الطرب الجديد؟؟؟
في انتظار باقي الحلقات

ابن السعودية
هاه..... هاه.... بدينا في المعاير , هو والله الظروف قالت كذا وبعدين الاخ عزابي , ولومينا زمانها راح زين توديني الدوام وترجعني
حبيب قلبي والله وتشكر على المرور.......................
مهاجر
ولا تزعل ولا تتعب شعورك ذا امن الطرق الا والله مصائد طرق
وابشرك رحت وجيت ماصادوني معليك اسويبهم كفته
ومرحبآ بك دائمآ
كابريس
معك الف حق , معك الف حق , معك الف حق
لكن والله انا تعودنا على كذا, والله يعين ونتخلص من ذا العادة
جزاك الله خير ومرحبآ بك
الاعضاء الكرام
ارجوا المعذرة لوجود الكثير من الاخطاء الاملائية , ولو كان بيدي اصلحتها لكن ما بليد حيلة وعذورني فانا لا اجيد فن الحبكة الدرامية وهذا يتجلى في اسلوب طرحي للحلقة هذه حيث طرحت وكأني اقول سالفة , فارجوا ممن لديه تعليق او توجيه او نصيحة............ لا مانع لدي في طرحها هنا او على الخاص والكلام للجميع وارجوا من الله ان استطيع تفادي الا خطاء في الحلقات المقبلة مع اعطاء جرعة من الدراما و التشويق لها قدر امكاناتي المتواضعة.......
لا تنسونا من تعليقكم لانه يهمني
وما انا الا تلميذ يتعلم من اساتذته وهم انتم جميعآ بلا تفرقك
المخلص لكم/ابونوف
الحلقة الثانية
Soon

ما شاء الله يا أبو نوف بداية حلوة مشوقة أنا أول ما شفت كلمة رحلة لكن مقطوعة والتعليق شمراني فرحت وقلت هذي رحلة أبو نوف أكيد خلنا ندخل ونستمتع بأسلوبه الحلو .
أقولك نصحة أخو صغير إلي هو أنا لأخوه الكبير إلي هو إنت تكفى إذا سافرت مرة ثانية لا تسرع السرعة مو زينة لو تمشى على مهلك 130 كويس 170 مرة وحدة الله يكفيك الشر إن شاء الله وأتمنى إنك تسمع نصيحتي .
لكن حلوة سيارة التوصيل ولا يهم السيارة أهم شيء الرفقه الطيبة ألي يوسعون الصدر على الطريق .
أنا في إنتظار الحلقة الثانية أخي الكريم .
مع خالص التحية والتقدير ،،،
أخوك المحب : ناظم

الحمد الله على السلامه ..
بداية جميلة .. وأسلوب شيق ..
ننتظر الحلقة الجاية .. على أحر من الجمر ..

shamranimax
الحمد لله على السلامه
الله يعينك مستاجر سياره ب80 ومع مخالفه ب 300 المجموع 380 بس كم تذكرة الطياره ها ها ها>>> أمزح معك ياخوي شوقتنا فيه مخالفه والا لا

1. ........................................


2. الحلقة الثانية

اخي الكبير ناظم
مرحبا بك ومنور يا سيدهم و يعطيك العافية على النصيحة والله ماودي اسرع وانا خوك لكن رجلك تغرك بعض الاحيان
وابشر من العين اليمين للعين اليسار تامر امر
سوار
شكرا على كلامك الجميل ويعطيك العافية على الدفعة المعنوية , وان شاء الله تعجبكم البقية
ريد
حياك اخي الكريم وابشرك مامن مخالفات معليك خويك ذيب
شكرآ مرورك الكريم

........................................

الحلقة الثانية

بينما انا ارقب سيارة امن الطرق وهي تمشي وانتظر ادنى اشارة منه حتى اقف , فوجئت به يهدي من سرعته ويسير على الخط الايمن من الخط , هنا جعلت اسرق نفسي من بين السيارات وازيد من سرعتي حتى اختفي من نطاق راداره والذي حده كيلو متر واحد ............بعدها تنفست الصعداء لاني كنت متأكد ان من مثله يبحث عن المسرعين امثال حظرت جنابي.......(يزعط شوماخر) اكملت مسيرتي في امان الله الا ان صادفتي هذه التي تعرفون مدى حبي لها
يوم شفت ذا اللوحة هديت سرعتي ولعنة ابليس وقلت ياولد الثقل زينه ماله داعي تحرج نفسك يالحبيب وصلت لتفتيش اوقف طليت يمين , طليت يسار مافي احد ولا حتى بس (قطة) ......ولو شهو خارشينا طول الخط فعلا غثى حتى في تصرفاتهم , تعدتيهم مشيت وقفت اقرب محطة فللت الموتر وكملت الخط .....مشكلتي من النوع الي مايوقف الا اذا وصل المنطقة الي براسة على كثر ماينصحني الشايب الله يخليه لنا بصحه وعافية قولوا آمين وقف ياولدي وصلي وقت الصلاة وخذ لك وجبة تعيد بها شحن طاقتك وماتوصل وانت هلكان للمنطقة الي تبيها لكن ....لا حياة لمن تنادي نرجع لموضوعنا بقي القليل على الرياض وقد ارتسمت ملامح الرياض ملئ العين ماشاء الله مترامية الاطراف واظن انها اكبر مدينة في مملكتنا الحبيبة على العموم دخلت الرياض و ستليت سيفي .........عفوا جوالي (سلمات يابو الشباب داخل معركة) واتصلت على احد اصحابي في حي الروضة وقلت له نصف ساعة واكون عند الباب يليتني ماقلتها راز وجهي يزعط ثقة .....النص ساعة صارت ساعة والاخ الكريم الى هو انا ضيع الدرب........لكن بعد استعدت بعض الذكريات وعصر المخ تذكرت بعض المحلات التي دلتني الى الدرب معليكم هو بس الواحد يشغل مخه( مايتعطل) لكن حتى التفكير مانبي نفكر......... وصلت لصاحبي رحب بي ترحيب حار وكانت اسارير الفرح تنضح من قسمات وجهه وقد اسعدني ذلك كثير ..........ذهبت انا وهو للبحث عن شقة غرفة اين يكن لاني كنت اريد اقل سعر ولكن تكون جيدة ذهبت حي الوزارات لشقق قد تعاملت وياها قبل وقلت له في تأجير عزاب(يزعط مايدري) وكانت المفاجأة يقول: احنا ما نأجر لعزاب ....حلو , حلو هذا اولها
حست انا وصاحبي اغلب الشقق المفروشة هناك وكانت الاجابة واحدة (لا نأجر لعزاب) وين يابو شباب انام في سيارة ......لحظة خلوة بنفسي......... عزت على نفسي وقلت يارجل روح روح لفندق السليمانية فندق ثلاث نجوم صحيح انه مكلف اذا كان وقت قعدتك ممكن يطول لاربع او خمس ايام لكن وش تقول راحتك الشخصية اهم من اي شيئ ...وصلت الفندق سألت عن الاسعار (ترى مادرى كم اخر خبري 180 للغرفة وواجد فيها) قال سويت 300 غرفة 150 قلت حلو 150 قال بس مافي غرف ........لا لا هنا كانه صفعني على وجنتي كانت اخر امل بنسبه لي رجعت وقلت له وش تقول يابو الشباب رد علي بلغة عربية مكسرة انت مايفهم مافي غرفة فاضي...... لا لا انا في اشد تعبي ولي 4 ساعات وانا ابحث عن شقة (والله انا مظلومين يالعزاب وينك ياكابيان) طلعنا ندور عن غيرها وانا فاقد الامل درنا حوالي النصف ساعة وكل مانقف ينزل صاحبي يسأل يعطيه العافية وتكون الاجابات برفض...............لا ان وصلنا لشقق الظاهر ماحد يستاجر فيها دخل صاحبي وعاد والابتسامة قد ارتسمت على محياه وقعت اقول يارب والله معاد فيني ارفع راسي من التعب وانتظرت حتى فتح الباب وقال 170 قلت يارجل اهم شيء مكان لنوم استأجرنا الشقة بعد رايتها سعرها اصبح عادي لي من هول ماشفت (والله ان الرياض مدينة العوائل) لكنها كانت دون المستوى واثاثها قد بال من كثر الغسيل والاستعمال وهذه صور لها
صوره لغرفة النوم
واخذت بمقولة ان ماطوعك الزمان فطيعه , وقد وضعت في نيتي تغييرها, غدآ صباحآ
بريك
نراكم الحلقة القادمة

المره الجايه أطلع للشقق اللي في شمال الرياض على الدائري الشمالي
وما بين مخرج 5 و7 هذي كلها شقق للعزاب وما تتعدى 180 ريال
وفيه فنادق في الشريط التجاري (الواقع بين طريقي الملك فهد والعليا)
ننتضر الجزء الثالث