Turkeab
30-11-2022 - 04:16 am
السلام عليكم ورحمة الله وبركاته
اسعد الله اوقاتكم بكل خير احبتي الكرام
اول مشاركة لي واضطريت اني اسجل بحكم اني مسافر لنمساء
وانا من المتابعين للمنتدي من زمان وخليت خويي يسجلني لاني معرف بالياهو شي لاني بالمنتديات استعمل الهوت ميل اكثر شي ...
المهم بدخل بالموضوع
انا عريس جديد وبروح شهر عسل لنمسا وابي جدول حلو لرحله من ناحيه الاقامه والسكن والتكاليف من المطاعم وهل تنصحوني اخذ سواق ولا مايحتاج ؟ وهل يتكلمون انجليزي االي احتجنا شي وكيف اهلها مب عنصرين والاماكن الي تستاهل نزورها وزي كذا وكيف الجو بارد وهل تنصحون ملابس شتويه
طبعا بدايه الرحله من الرياض 2 /9/2014دسبتمبر الي اسنطبول على الخطوط التركيه وبعده الى سالزبورغ
والعوده في 12/9/2014 دسبتمبر من ميونيخ الي الرياض ان شاءالله
ملاحظه ترا اول مرة اسافر في حياتي وخاصه بديتها في اروبا انتظركم
انتظر فزعتكم يالذيابه
لا تاخذ سائق ولا شي يبي يكلفك كثير
استأجر سيارة وجهاز قارمن وحط الاحدثيات والعناوين وسهل الاستخدام
واهل النمسا والمانيا مو عنصريين ولا شي
انت مدة سفرتك عشر ايام
والجو مو بارد بس بعض المناطق تكون باردة شوي خذ ملابس شتوية قليله وجاكيت احتياط لو رحت قمة كابرون الثلجية
والفنادق والمصاريف تحددها ميزانيتك
والمطاعم كثيرة طب وتخير
بس المطاعم العربية غالية شوي
واللغه يتكلمون الماني واكثرهم يكلمك انجليزي اذا يعرف
والجدول انت حدد وش تبي خذ فكرة
طبعناً زيلامسي رقم واحد في سفرتك
انا بالنسبة لي جربتها كلها
انا اتكلم عن نفسي لو بروح بنفس تواريخك ولا تاخذ رائيي لانه كل واحد له ميول للمدن
سالزبورغ يوم
زيلامسي خمس ايام
ميونخ اربع ايام
بس لي ملاحظه اذا انت ما قصيت تذاكرك
مدة سفرك قليله ما يمديك تتحرك خلها 15 يوم
وخل وصولك سالزبورغ او ميونخ وعودة جنيف
ويكون جدولك
1سالزبورغ
4زيلامسي
3ميونخ
4انترلاكن
2جنيف
واليوم ال 15 يكون العودة
اتمنى ما اكون شتت تفكيرك
هذي مجرد اقتراحات