1. قبل لاتسافرون تاكدي انكم اتسوين اونلاين جيك ان حق لكروز لتفادي الزحمه


2. هل نحتاج اللغه الأنجليزيه ولا مانحتاجها


3. وماهي نصاحئكم لشخصين ؟؟؟؟؟؟

كيفكم
ان شاءالله تكونون بخير
امم حبيت استشيركم في رحلة شهر العسل وهي بتكون عباره عن
رحله بحريه لمدة 7ايام تنطلق من برشلونه مرورا بأيطاليا يومين وفرنسا 3ايام
ثم العوده الى برشلونه
مارئيكم بالرحله البحريه كشهر عسل لشخصين وهل تنصحون بها
مرحبا اختي,, ماخبي عليج انه رحت مع زوجتي العام الي فات نفس الرحله من برشلونه عالرويال كاريبيان وكنت متردد قبل لاحجز بس يوم وصلت هناك وشفت الي ماقط شافته عيني استانست وايد..
طبعا كلشي مرتب ومنظم والخدمه فوق الممتازه والرحلات والناس والخدمه ممتازه
وماهي الأحتياطات التي يجب ان تكون معنا

قبل لاتسافرون تاكدي انكم اتسوين اونلاين جيك ان حق لكروز لتفادي الزحمه

هل نحتاج اللغه الأنجليزيه ولا مانحتاجها

طبعا اللغه الانجليزيه ششي ظروري في اوروبا بس مايمنه انج تكونين مجهزه حالج ومخليه ابلاج وين بتروحين .. انه دايم الخريطه تكون في جيبي وين ماروح واعلم عالمكان الي ابغي اروحه ولو صادف انه الشخص الي سالته مايعرف انجليزي ممكن اعرف بالاشاره

وماهي نصاحئكم لشخصين ؟؟؟؟؟؟

طبعا انه انصح انكم تاخذون التور الي مع الكروز لانه اهم راح ارتبون لكم باصات للنقل ومرشد سياحي واكون معاكم كل مكان وخاصه في ايطاليا لانه المسافه من الميناء لي داخل المدينه بعيد حوالي 1:30 بالباص واوفر لج من التاكسي.
بس نابولي ماتحتاج لانه الباخره توقف عالميناء دايركت.
فرنسا تحتاج نيس وكان.
وماخبي عليج اني حجزت هالسنه نفس الكروز بس هالمره ويا الاهل
بعا الرحله في البدايه بتكون سويسرا 7ايام وبعدها برشلونه 7ايام

اي استفسار ثاني حاظر

عزيزتي عنفوان أنثى:
أنا شخصياً ذهبت في رحلة بحرية في شهر العسل إنطلقت من برشلونة إلى مرسيليا في فرنسا وبعدها روما في إيطاليا وبعدها نابولي إيطاليا وبعدها مالطا ومن ثم جزيرة مايوركا في أسبانيا وعودة إلى برشلونة ومدتها 7 أيام.
الحقيقة إنها تجربة مثيرة جداً ومناسبة لشهر العسل وهي من أروع الرحلات التي قمت بها في سفراتي المتعددة وأنصحك وبشدة الذهاب في هذه الرحلة الرائعة وحتى وإن كان خط السير الرحلة مختلف عن ماقمت به في رحلتي فجميع المحطات الأوربية التي تقف فيها الرحلات البحرية مختارة وبدقة ومن أروع المدن الأوربية.

يعطيكم العافيه على افادتي
بصراحه شجعتوني كثير لأكني كنت خايفه من الرحله
حبيت اسأل وشو التور اللي مع الكروز ؟
ووضح لي وشو اون لاين جيك اون ؟
وبالنسبه حق التسوق كيف يكوون

بالنسبه للخريطه ناخذها من وين ؟
من المطار او من الباخره او من وين
؟؟
بالنسبه للجو كيف راح يكون في 12/7/2009
في اسبانيا ؟
وكيف اللبس بالنسبه للحريم العرب داخل الباخره ؟

يعطيكم العافيه على افادتي
بصراحه شجعتوني كثير لأكني كنت خايفه من الرحله
حبيت اسأل وشو التور اللي مع الكروز ؟
التور بختصار رحله سياحيه داخل الدوله الي راح تنزلون فيهه مع مرشد سياحي ياخذكم عالاماكن السياحيه ومناطق داخل المدينه
ووضح لي وشو اون لاين جيك اون ؟
انتي لين حجزتي الكروز .. شركه الرويال كريبيان راح تعطيج كل الاوراق الي فيهه كل المعلومات بالنسبه للمسافرين. وقبل الرحله تدخلين عالموقع الرئيسي وتسوين check in وتطبعينه وتاخذينه معاك اول ماتوصلين ,, عشان ما تتاخرين في الدخول للباخره
وبالنسبه حق التسوق كيف يكوون
التسووق صراحه روعه في روما ونابولي
بيزا وفلورانس سياحه اكثر.. نيس بحر وكان في تسوق بس غالي شوي

بالنسبه للخريطه ناخذها من وين ؟
المرشد السياحي راح يعطيكم وبالنت موجود في قوقل
من المطار او من الباخره او من وين
؟؟
بالنسبه للجو كيف راح يكون في 12/7/2009
في اسبانيا ؟
الجو في مدريد حوالي 29 بس برشلونه الجو الطف 26 او 27
وكيف اللبس بالنسبه للحريم العرب داخل الباخره ؟
والله عادي الحجاب مو مشكه ولا احد راح يأذيك او شي اتكلم عن تجربه وفالباخره في يوم اكون يوم زي رسمي يعني الناس تلبس كانهم رايحين حفله عرس الرجال لابسين كرفتات وسووت والحرريم فساتين ,, بس العرب عادي شي حلو ومستور ييكفي لانه بتحسين روحج كلش غلط اذا ماكشختي في هاليوم

https://artravelers.com/p/re/208058
هذا نقاشي مع احد الاعظاء العام الي فات وفيه اسئله واجوبه راح تفيدج

والله فكرة رآآآآآآئعة
ليت نعرف الأسعار وكيف نحجز على الرحلة البحرية ]