تركيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
وليد ابوتركي
06-12-2022 - 12:06 am
السلام عليكم ..
كل الشكر والتقدير والعرفان الى هذا الموقع المميز لما يقدمه من فوائد كبيره للمسافر العربي اينما حل وارتحل
فجزاهم عنا كل خير وسدد الله خطاهم ووفقهم لما يحبه ويرضاه ...
بحول لله وقوته مسافر لتركيا بعد شهر من الان رحله شبابيه لمدة 13 يوم من تاريخ 30 سبتمر 2011
نحتاج لبعض النصائح من اهل الخبره بهالبوابه ؟؟
نصائح للسكن وافضل الاماكن السياحيه هناك ؟ طبعا رحلتنا ستكون لاسطنبول وانطاليا ويلوا او بورصه
مارايكم بفندق Laleli gonen في اسطنبول ؟
انتظر تفاعلكم واقتراحاتكم لاخوانكم التماسيح
سلملم ,,,,,,


التعليقات (9)
HeY$h0na
HeY$h0na
وعليكم السلام
هلا والله اخوي
اول نصيحه 13 يوم لتركيا شويه بصراحه احنا قعدنا 13 يوم وحاسه اني ماشفت شي
شوف بعد شهر يعني اسعار الفنادق راح ترخص احنا سافرنا في 25-6 ورجعنا 7-7
انا عندي فندق وايد زين اللي قعدنا فيه نضيف وجديد و4 نجوم اسمه oran hotel
هذا عنوانه اذا تبيه ( harikzadeler sokak no: 32 laleli 34134 istanbul وهذا رقمهم بعد
9-212)0090
حتى مكانه وايد حلو جنبه سطان احمد وموبعيد عن منطقة اورتاكوي وقريب بعد من تقسيم ( ميدان الاستقلال )
احنا حجزنا بالكويتي 42 دينار اليله ومع فطار
ونصيحه ثانيه لا تضيعون اليوم بالنوم يعني قعدو من الصبح وردو بليل جد حرام السفره تضيع
لا تتعاملون معاهم الا بالليره اصلا لا تصرفون دولار كلش ولا يورو اي احد يقولك اتعامل بالدولار قوله ماعندي دولار اصلا
اماكن سياحيه في اسطنبول روحو المساجد وايد حلوه مثل سلطان احمد والمسجد الازرق والصوفيا وبعد اركبو الباخره اللي في اورتاكو ولا تروحون ميني ترك عشان ماتسوى تقط فلوسك ع الفاضي وفي منطقه قالنا عليها التاكسي اسمها بوسبورا
روحو بعد جزيرة الاميرات مو تقعدون فيها يعني لا يوم جذي تلفون فيها حلوه
عندك البحر الاسود كان بخاطري اروح هناك يقولون وايد حلوه
ونصيحه لا تتعاملون مع مرشد ترا الديره مايبيلها دلاله لفه بالموقع تعرف كل شي
ولا تأجرون باص باليوم لا اركبو تكاسي او باصات
بخصوص بورصه ويلوا احنا قعدنا يومين في بورصه وبصراحه مادري ليش الناس تحب بورصه ماحبيتها كلش
وقعدنا اربع ايام في يلوا .. سبحان الله شي خيال والله جد يعني اسطنبول حلوه ك مدينه ويلوا حلوه بالطبيعه
احنا سكنا عند ينابيع الماي الحاره مو بفندق لا اجرنا فيلا فيها 7 غرف ومطبخ و5 حمامات يمكن وصاله بصراحه شي عدل من كثر ما المكان حلو ماكنا نطلع من البيت
نقعد ع البلكونه ونطالع الطبيعه الحلوه المنطقه اللي قعدنا فيها اسمها ترامال والقريه اللي فيها الفيلا اسمها جوك شيدرا
حتى جارنا راعي البيت كان سعودي كلها خليجين تمشي تحس انك قاعد في ديرتك بصراحه احلي مكان
المنطقه حلوه فيها بحيره وفيها قلتلك ينابيع الماي الحاره هذي وايد زينه للمعده والام العظام
وفي الشلال وايد وايد حلو
في بروصه بس رحنا الجبل صعدناه بالتلفريك وبصراحه المكان فوق خيال بس هذا اللي رحناله في بورصه
اذا تذكرت شي بكتبلك اوك
ورحله سعيده

وليد ابوتركي
وليد ابوتركي
الله يعطيك العافيه اختي ..
تم تسجيل الفندق في النوته وان شا الله مايكون غالي ,, بالنسبه للايام احس ممتازه جدا بالنسبه للشباب عكس
لو كانت عائله مثلكم ... الشي الثاني ماذكرتني اي معلومه عن انطاليا ؟؟ بإنتضار اي معلومه جديده منك
2مشاهده ورد وحيد
نبي تفاعل يااهل الخبره الله يجزاكم الجنه ,,,

الأستاذة
الأستاذة
13 ليلة مناسبة ...
استخدموا في التنقل الترام والمترو وخاصة إنكم شباب ...
التاكسي مكلف نوعا ما ...

حـبـيـبـي
حـبـيـبـي
فى فندق قراند ستار فى تقسيم
موقعه حلو والفندق مجدد و5 نجوم
وقريب جدا لساحة الاستقلال وشارع الاستقلال
وقريب للمترو ايضا ومنطقة شبابية حلوة وحية

AL7ALM155
AL7ALM155
هلا اخوي بالنسبه لي رتبت كل شي من حوالي شهر سفره لمدة 10 ايام لثلاث اشخاص (شباب) اسطنبول يومين وخمس ايام يالوا وبورصا وازنك وجوك شدرا وترمال واي منطقه حواليها طبعا استجرت سياره وبعدها 3 ايام اسطنبول ثم رحلة العودة اما الفنادق ادخل البوكنق دوت كوم وشف اللي يناسبك واقراء التعليقات قبل لاتحجز وانا انصحكم بتصفح المنتدى موضوع موضوع وراح تستفيدون مثل ما استفدت وعموما الله يوفقكم ورحله سعيده

وليد ابوتركي
وليد ابوتركي
اشكر جميع من رد وافادني ,,
اخوي الحالم ,, متى رحلتكم لاتكوونوا معانا بالطائره ؟؟؟؟
انتظر المزيد من اخواني الخبراء ..

Abdullh500
Abdullh500
تروحون وترجعون بالسلامه
بالنسبة لمناطق السكن اسكن في اي منطقه الا تقسيم

وليد ابوتركي
وليد ابوتركي
الله يسلمك من كل شر اخوي عبدالله
راح نسكن ان شاء الله في اسطنبول في منطقة السلطان احمد .
وتخطيطنا للمواصلات العامه مثل ماذكرت المترو والترام والباصات
سؤالي لك ليش فضلت طرابزون ع انطاليا ؟؟
ع فكره انطاليا بتاريخ اكتوبر اعتقد بتكون بارده عكس جولاي الي هو حر تقريبا ,,

sheriok
sheriok
الاخ الكريم وليد ابو تركى
انصح بقراءة تقارير الاخوة بالبوابة ستستفيد منها جدا
https://artravelers.com/p/re/414034
تقرير يلوا
https://artravelers.com/p/re/64626
ارى طالما انكم شباب و الرحلة شبابية نحتاج إلى الخروج عن المألوف
فيمكن قضاء يوم او اثنين بإسطنبول ثم التوجه للمدن التركية المجاورة بعد ذلك
هذا جدول مبدئى إذا عجبتكم يعتمد على التنقلات بالباص و سيوفر الكثير :
إسطنبول 2 ليلة
بورصا 2 ليلة ( يمكن الذهاب ليلوا و المبيت ببورصا )
ازميت 2 ليلة ( زيارة كوجالى )
سابنجا 2 ليلة ( الذهاب لبحيرة ابانت بالصباح و العودة بنفس اليوم )
إسطنبول 4 ليال
انصح تغيروا انطاليا حتى لا تحتاجوا للطيران الداخلى و تستكشفوا المدن التركية الاخرى
بالنسبة لسكن إسطنبول :
انصح بالسكن فى منطقة بيازيت beyazit بالقرب من السلطان احمد فيها ترام و باص خاصة ان اماكن كثيرة لا يروحها الترام .
اقترح تراجع اسعار الفنادق على البوكينج :
Antik istanbul hotel
https://www.booking.com/hotel/tr/antik-istanbul.en.html?aid=1300939
Salinas Istanbul Hotel
https://www.booking.com/hotel/tr/salinas-istanbul.en-gb.html?aid=1300939


خصم يصل إلى 25%