:عذا يااعضاء المنتدى على التأخير تقرير سريع والباقي قريبا(رحله الى سوبيك) كنا في انجلس ستي وقررنا السفر الى سوبيك واتفقنا مع سواق مكرو باص طبعا السواق اصلا سواق دباب بس استأجر باص لحسابه من شركات التاجير او باص امه او جاره المهم جاب الباص دفعت له بعد الاتفاق عربون مقدم وهذا اسلوبهم حتى مايستاجر الباص واذا جاك تقول هونت اتفقنا على 3500 بعد شل ابوك وحط ابوك يعني مكاسر قبل طلب خمسة الاف بس كاسر تراهم هذا اسلوبهم وهم شعب طيب جدا بس خل اسلوبك طيب تكسبهم كنا في مجمع dm وقابلنا شباب من السعوديه رجال بمعنى الكلمه على ماقال اخويا السعد قلنا لهم حنا طالعين للبحر سوبيك تخاوونا قالوا جاهزين استاجروا سياره هم 3 المسافه حوالي ساعه ونصف والطريق مريح وصلنا الى المنتجعات سالت وين الاستقبال قالت وحده مسؤله هناك بس الاتفاق هنا في مكتبها والسداد هنا قالت الشاليه من غرفتين 4500 معها 1500 ضريبه حاولت معها مافاد قلت اتفقنا الشاليه حلو ونظيف وقلنا نلعب كرة طائره طبعا كل شي عندهم باجار حتى الكوره اجار الساعه 100 بيسو ارسلنا السواق يجيب السمك وبعد نصف ساعه جابه وقلنا وش شغلك عليك بالشوي وحنا الاكل المهم جاب السمك وشواه مع سواق اخويانا النشاما بصراحه اكل مسكت وسباحه المغرب قلنا نرجع شلنا العفش وهو بسيط ورحت اسددهم في الرسبشن قالوا 4500 حلو اعطيتهم وقلت انهم نسوا الضريبه بعد مادفعت جت عجوز ابليس وقالت وين الايصال حتى تسجله بالسجل اعطيتها قالت لا قلت هذا السعر قالت الضريبه 1500مادفعتها رجعنا للاستقبال ودخلت عليهم وكلمتهم عن دفع الضريبه قالو لها مافيه ضريبه زعلت عليهم:112:وطلعت قالت طيب عطني هديه قلت مانهدي ابد زعلت وقالت كل من جانا اعطانا هديه الا انت :11:المهم هي تحاول تاخذ منك باي طريقه بس خلك حمش بأدب وضحك معها مجامله بصراحه الشاطي حلو وانصح بزيارته بس لايكون يوم السبت او الاحد والباقي مريح وانصح اذا بغيت تستأجر سياره وسعرها معقول لاتقرب مكاتب التأجير او الفندق غالين جدا او الاستيشن كلهم غالين الفندق لما كلمته قلت ابي باص الى سوبيك وهي قريبه ساعه ونصف تقريبا قالوا لي موجود والسعر 5000 والبنزين والزيت عليك قلت انا ماني وكاله تغيير زيوت اخر سعر كم قالوا 5000 والبنزين عليك قلت ماابغى اروح ابنطق لو مافيه الا انتم بس السوق مفتوح وسوف اوافيكم بباقي التقارير قريبا وشهر مبارك