كم ستبقى في تركيا؟

س/ هل هنالك إشكاليه من لبس العباءه ؟
ج/ لا أبدا، وإذا بنفكر في هالشي معناه بنقعد في بيوتنا لأن إحنا محط الأنظار في أي بلد حتى لو كنا متفصخين، بالعكس حريمنا ملتزمات بعباتهن ويغطن وجوهن مثل ما هن في البلاد.
س/ هل هذه المناطق افضل مناطق تركيا ؟ إذا كان فيه مناطق افضل نقدر نحذف ونحط شي بدالها
ج/ اسطنبول حلوه للتسوق والاماكن التاريخيه
بورصه/ أنا بصراحه ما حبيتها، أحلى شي فيها قمة الجبل إلي تروحها بالتلفريك بس..
أبانت/ حلوه جدا وهادية (( تنسيك شقى السنه كلها ))
السنه هذي سافرت بالسيارة وزرت مدن الشمال ترابزون وأوزنجول شي ثاني، اتحسفنا إن احنا رحنا اسطنبول وبورصه العام
س/ ماهي افضل وسيله نقل آمنه وغير مكلفه في تركيا بين هذه المدن للعوائل ؟
إحنا السنة الماضيه كنا نستخدم الباص في التنقل
س/ كم تكلفه اجار السياره ؟ وماهي شروطها ؟ وهل من السهل النتقل بالسياره حيث ان اغلب اللوحات الارشاديه للطرق باللغه التركيه؟
الباص كان تكلفته 300 دولار لليوم مع السائق، أما الطرق ما في أسهل منها واللوحات واضحه جدا، وترى اللغة التركية بالأحرف الإنجليزيه يعني سهل تقراها وأحلى شي انك تتنقل بالسيارة هناك بدل التكاسي
س/ ماهي افضل المطاعم في هذه المناطق خااصه المطاعم الحلال ؟
ج/ أحلى شي عندهم الأكل والمطاعم منتشرة في كل مكان، وكلها أكلها حلال.
س/ ماهي افضل الاماكن السياحيه في هذه المناطق ؟ حدائق ؟ ملاهي للالعاب ؟ مجمعات تجاريه ؟ متاحف ؟ اي معلم سياحي ولكن بشرط ان يكون محتشم (( عوائل )) ؟
المجمعات: في اسطنبول: جواهر، ومترو،والسوق المصري ( المسقف )، والأماكن التريخيه معروفه توب كابي، وآيا صوفيا وغيرها كثير، في أماكن للشوي في المرتفعات، وترابيا حلوه وايد، احنا كنا نسأل السائق وهو يودينا.
وفيه جزيرة الأميرات، أنا بصراحة رحتها مرتين في سنتين مختلفتين وكل مرة أتندم إني رحتها ما فيها شي، ما أدري يمكن تعجبكم.
في بورصه: كان فيه مول اسمه على ما أظن ( زفير ) ، وكان فيه حديقة حلوه فيها ألعاب لليهال ما أذكر اسمها
أبانت: ما فيها شي ثلاث فنادق، ودكان بس، بس القعده على البحيرة تمتعك أحسن من أحسن مول س/ افضل المواقع للسكن في هذه المناطق ؟ وسط المدينه ؟ في الارياف ؟
انت شو تحب حسب مزاجك
س/ افضل الفنادق او الشقق الفندقيه لهذه المناطق ؟
إحنا في اسطنبول سكنا في رمادا ( وايد حلو )، في بورصه سكنا في ألميرا ( يعني ) في أبانت ما أذكر اسم الفندق ( ما كان وايد حلو بس نظيف )
س/ طبيعه الجو في هذه المناطق ؟
اسطنبول العام كانت حاره في مثل هالوقت، بس الوالد والوالده هناك الحين والجو عندهم حلو ومطر، بورصه جوها كان أحسن شوي من اسطنبول، أبانت في النهار الجو حلو وفي الليل برد
علماً ان الرحله بالخطوط الجويه التركيه
زينه أنا سافرت عليها العام الماضي
وفيه موضوع في المنتدى اسمه ( ملخص تركيش) بيفيدك ان شاء الله

لله درك يا fija
الله يكتب لك الاجر والثواب
وعساك على القوة

aldosee
0يوم بإذن الله

الله يجزاك كل خير اخوي
ويفرج همك ويرزقك الرزق الحلال
وننتظر آرااء البقيه

اخي العزيز
اذا كنتم عائلة كبيرةويهمكم التوفير
فانصحك بالسكن في ترمال ، هناك شقق مناسبة ومنها تستطيع زيارة اسطنبول وبورصة ويلوا
بالنسبة لبقيةالأسئله فاخونا حفظة الله كمل وجمل ، بارك الله فيه00

fija
ما شاءالله خوش سرد .. بارك الله فيك
وشكرا للأخوة جميعا