ايها الاحبه سوف اسطر في هذا الموضوع رحلتي الى مكاتي معى اثنين مرجفين في ضواحي مانيلا وخصوصا مكاتي .طبعا سافرنا على خطوط القلف اير نزلنا مانيلا واخذنا تاكسي الى فندق الستي قاردن احنا ثلاثه نفر حسبو الغرفه 3000بيسو باالفطور الفدق نظيف واكلهم حلو وفيه مطعم في الدور الاخير تشوف مكاتي كلها. شرفه رائعه وفيه كوفي وعصيرات مانقو شيك قرين مانقو .احد المرجفين طلب مني نروح شارع البراقصه قلت له مافيه شارع اسمه البراقصه يقول قراه في العرب المسافرون .يا اخوان اذا فيه احد كتب عن هذا الشارع يقول لنا فين. شكله في سنغافورا .طبعا ذهبنا الى هافانا كوفي في القرين بلت افضل محل كوفي في شرق اسيا على ماعتقد .في اليوم الثاني ذهبنا سياحه حول مانيلا حول اربع ساعات 2000بيسو بالتاكسي لفينا كل مدن مانيلا تقريبا .بعده قالوا المرجفين نبي نروح شلالات لقونا كانت رحله حلوه كانك في جزر البندقيه تجديف حتى توصل الشلال مناضر جميله وممكن تطلب غدا في وسط النهر فيه ناس شغالين شوي تشم رائحة الدجاج من اول النهر واحد منهم يقول ابغى مندي من فين اجيب له مندي .قلت تراك مانت في الثقبه في شارع مكه .المهم بعد مارجعنا قلت للفلبنيين المجدفين سلامات يعني شكرا بلغتهم قال واحد من المرجفين مين الي طاح .اليوم الي بعده ذهبنا الى مزارع النحل واكلنا عسل لونه ابيض بس الطعم خطير مره احد المرجفين يقول هذا مغشوش لانه ابيض قلت لا العسل ورد ذكره في القران الكريم مختلفا الوانه وبعدين الفلبن كلها ورود هذا عسل ورد جربوه .المكان في كفيتي مزارع النحل .ثم ذهبنا الى بتنقس اتوقع هي افضل موقع لانها قريبه من برتوقليرا كفيتي ذهبنا برتو فليرا رجعن نفس اليوم وهذه من المميزات لو السكن بمانيلا صعبه الرجوه وصعبه الذهاب يبغالك تقوم بدري .طبعا في العوده من مانيلا حصل سالفه غريبه وضريفه انا وواحد من المرجفين عندنا فري تكيت من الخطوط لما جينا المطار قالوا الرحله فول وانتم مادفعتم .يعني انتم استف .شحنا عفشنا معى خوينا وطلعت الرحله ووعدون انهم راح يطلعونا الرحله الي بعدها 4 ساعات بعد الرحله الاولى المهم لما جينا عند الموضف قال انت تطلع بس خويك مايطلع طيب ليه قال لابس برمودا وهو من استف staaf ممنوع .طبعا مافيه عفش ورطنا .بعدها قابلنا اثنين سعوديين راح المحترم الي معايه سلم عليهم قال يا شباب ابغى خدمه منكم قالوا ليش تبغى قال ممكن سلف بنطلون الشباب معهم شنط قالوا بصراحه اغرب طلب عاده الواحد يطلب فلوس او جوال يكلم بس بنطلون غريبه ماقصروا الربع اعطوه بنطلون ماهو نفس المقاس بس يوصلنا البحرين عزمناهم في السيف في البحرين لكي نرجع البنطلون بس ماوافقوا .طبعا رفيق ماصدق يقول كويس اسافر به اندونوسيا السنه الجايه اكمل الحديث في الحلقه القادمه رحلتنا الى سيبو باي