السلام عليكم
والله اني ميت من الضحك عليك أخوي بس من جد مشكلة عشر ساعات مع هالريحة ورطة
الله يعطيك العافية وانتظر باقي التقرير

1. قلت يا حول واسالها وتقول نعمو ...!!!!!!!!!!!!!!


2. احلى شئ ببوكت هذا وش اسمه العرض الفانتازيا ......................


3. يعني كانت رحله تايلند رحله تعيسه نوعا ما ماليزيا احلى مليون مره ....

نكمل القصه وبعدها طرنا لغوانزو طبعا انا سابقا قريت عن فندق هناك رويال ... ركبنا مع التكسي وقلت له عن الفندق وهو بالطريق اشوف الديره شئ ما تتخيلونه ما اشوف الشارع اشوف اسراب وامواج من الناس تمشي ةتسوق سيكل وباصات كبر قريح تدخل اماكن ضيقه شئ مهول وهو يوديني وداني لمنطقه خياس قلت اما عاد الفندق هنا الا والله وصار الفندق هنا يوم دخلت الفندق لينك عالم اخر بصراحه الفندق مره مره مره حلو بجد يعني فخم ولوبي مرتب بس ماودك تناظر وش فيه برا ...
وصلت تقريبا الساعه ثمان بتوقيتهم وانا دايخ فيني النوم لان الوقت تغير علي وجوعان ...اول ماساه ان الاستقبال المفروض يتكلم انجليزي تشوفني معاهم تقل صم وبكم اتكلم انجليزي اشارات ما عندك احد يتكلمون هم انجليزي بس كلمه ايه وعشره لا اخر شئ فهموا اني ابي ليلتين بس ودخلت الغرفه ورحت مع التاكسي وحبت عشا الله يديم النعمه يقالك اسلامي ولطيته ونمت ولا نمت زين بعد تحت الفندق بار ويوم جا اخر الليل رقوا اهل البار لغرفهم ولا عاد عرفت انوم هواش وحاله ....
الموهم جا الصبح وطبعا انا ماخذ اسم مالك ورقمه من مواضيع ابو عبد الرحمن ودقيت عليه قال الرجال انا مشغول الحين واهل الصين ما يتكلمون انجليزي ابدا يععني بالطول بالعرض يبيلك مترجم قلت له طيب وش اسوي قال بارسل لك وحده اسمها فاطمه مسلمه وراح توجيك وتترجم لك قلت طيب قال بتجيك بكره الوقت الفلاني قلت طيب...
نمت وقمت الصباح ونزلت تحت الا اشوف وحده لابسه منديل على راسها قلت اكيد هذي فاطمه قلت لها فاطمه تقل اعرفها من زمان قالت نعمو قالت اهلنو ...
العربي عندها ميح ...
قلت اريد ان اذهب واعلمها وش ابي من اغراض وابي السوق حقه قالت طيب ...
طلعنا من الفندق قالت سوف احضر التاكسي قلت لها طيب ...
راحت تجيب التاكسي من مكان عجيب جبت انا التكسي قبلها وناديتها قلت من اولها انا بادبرها ...
وانا بالسياره اسولف معاها اقول لها وش ابي من اغراض ووين القاها وهي ماغير نعمو نعمو ...

قلت يا حول واسالها وتقول نعمو ...!!!!!!!!!!!!!!

قلت خير ان شاء الله ودتني للسوق الي ابيه وبدينا الرحله ودخلنا اول محل اقول لها قولي لها بكم هذا تقول لي نعمو قلت يا حول قلت بكم هذا وااشر بيديني ولا عندك احد واقعد ساعه افهمها هي بكم فهمت الصينيه البياعه وهي ما فهمت طبعا السؤال كله كلمتين بكم ها وتقعد تقرق ساعه على البياعه كل هذا تقول لها بكم هذا وقعدت على الكرسي من كثر ما طولت من جد ما ابالغ اخر شئ افحمتني باجابتها بصراحه الي تدل على براعتها باللغه قالت بث بث بث قلت ايوا وشو قالت بثمانيون ؟؟؟؟؟؟؟؟؟؟؟؟؟؟؟؟؟؟؟؟؟؟؟
قلت ثمانيون مره وحده ....؟؟؟
قلت ثمانيون امشي امشي واطلع من السوق لان السوق قفل واحنا عنند اول محل وعند اول سؤال بكم هذا بس !!!
وارجع وانا صدق عورني راسي وادق على مالك واقول له يرحم امك وابوك وش هالي ارسلتها لي قال ما عندي غيرها وانا مره مشغول وانشب بحلقه الا يجي قال طيب بعد كم يوم ...
وقضيت ثاني يوم مع ثمانيون الاخت فاطمه واقعد معاها بنفس السوق وساعه ونص عند كل محل على شان بس اسال عن السعر اخر شئ نطلتها برا المحل وقعدت انا والصينيه ااشر لها بيدي وتفهم علي قبلها ...
وخلص ثاني يوم وادق برضو على مالك قلت يرحم امك لا عاد ترسلها لي يا تجي يا بارجع ديرتي قال طيب باجي لك بكره اشوف وش انت تبي الموهم جا يا حوبي له بصراحه انسان رائع دارس بمكه ومسلم ودين بعد ويرطن عربي زي الناس ...
وقلت له وش ابي وما ابي وتناقشنا الموهم ووداني للسوق ولاحظت ان في الصين نفس الطبع تقول له كلمتين يترجمها يقد عشر ساعات يقولها للبايع وخمس ساعات يرد عليه وباقي اليوم يترجم لي ...
الموهم مشت الايام وعدت عى خير طبعا بعد يومين في الرويال رحت لشنداي بانغ فندق حليو مو مره عاي جدا ...
طبعا شعب الصين بصراحه يعني اغبى شعب بالعالم واسبك شعب بالعالم وغير كذا القف شعب بالعالم شعب فضولي فضولي لابعد درجه يعني طول ما امشي ما يبقى احد ما يدخل بخشتي وبالتاكسي انواع البرطمه ولا ادري وش يقول التاكسي يسب يلعن ما ادري عنه بس انا ارد عليه بالعربي تحسبا للظروف ....................
زرت شارع بكين كان حلو وشارع ثاني يشبهه حلو بعد بعدها انتهت رحلتي بغوانزو وخذت الطياره ورحنا لتايلند لبوكت ......................
نقطه نظام على بوكت اول شئ العالم هنا سالت وقلت لهم قبل لا اروح في هناك مناظر شينه بوكيت على الشاطي اخذ منتجع عادي قالوا روح ولا يهمك وان شفت منظر منظرين بالراحه وعلى ظمانتي ودق الصدر قلت حلو وشفت الصور حلوه
خذت منتجع هناك حلو والله مره وكنا باليل طلع الصباح واشرق النور قلت عاد بانزل تحت افطر عند الجو البديع ما امداني بالدرج الا اشوف وطارت عيوني ايوا بكيني ورا بكيني ورا بكيني ...
واطلع للبحر الا الم متبطح ومنسدحه ما اخذت راحتي ابدا وين ما التفت اشوف منظر وحامت كبدي ...

احلى شئ ببوكت هذا وش اسمه العرض الفانتازيا ......................

هذا احلى الشئ الديره حليوه مو مره حليوه بس الي يقول لك روح ولا راح تتضايق معليش اسحوا لي مو صحيح الي معاه عائله بيتضايق ونص .........................
وبعدين صجونا على حيمس بوند وجيمس بوند قلت خلنا نروح وقايمين من صباح الله خير وماخذينا بالباص وعيونا حمر من النوم يوم وصلنا للباخره الا هي غير الصوره باخره قديمه ومحليه وتروع قلنا يله بالطريق المناظر حلوه مو شينه جبال خضرا وحركات بس مو واو ...
وصلنا لجيمس بوند بعد ما خسنا بالباخره لا واول ما قعدنا بالباخره جت المضيفه تخفس في المويه الكاسات بالمصاصات خفس يروح ويقال لك حاطين اكل الله يديم النعمه بس يوم وصلنا لجيمس بوند لينها جزيره عادي وبحر وقضينا مافي اي شئ مميز ابدا ...
والله يا جماعه الخير ما رجعنا وعلينا ذنب انها تقل رحله شفط طاقه بس .............
قالوا لنا ما تبون جزيره البيبي قلنا ما نبيها طبعا طلعنا من بوكيت شنغهاي بصراحه شنقهاي حلوه مره هي الي انبسطت فيها مع انهم ودونا رحله بالنهر عباره عن طين ومويه لا وعشونا رز مسوق لين انعجن تقل طاقنا اسهال بس هي الوحديه الي حلوه ولا تسوى يقعد فيها الواحد الا يومين لان مافيها شئ ...
بعدها رحنا لبانكوك ..................................
حلوه بانكوك بالتسوق مع اني اشوف الاسعار في بعض الاغراض عاديه وفي فوق في سوق طوكيو تيشرتات حلوه هي الي رخيصه على عشرين ريال ماركات .................
ورحت لنانا على كلامكم الي هنا اقسم بالله ان منفوحه انظف واحلى من نانا هذي
شارع وسخ وجراذي على الرصيف وطريق مكسر حتى مطاعمهم وسخه مر ره يعني بصراحه غير قابله للسكن البشري باي حال من الاحوال والغريب انها مليانه خليجيين مدري ليه جد ما ادري ليه يعني بصراحه مقرفه جدا جدا جدا وياليتني اعرف انزل صور كان نزل لكم صور الجراذي والاكل والشارع هناك ......................

يعني كانت رحله تايلند رحله تعيسه نوعا ما ماليزيا احلى مليون مره ....

وبعدها رجعنا لهونج كونج بصراحه هونج كونج جدا حلوه وجدا جميله مع اننا قعدنا فيها ليله في فندق بدزني لاند لكن ديره نظيفه تتنفس هوا نقي ناس لطفاء مطار حلو ودزني لااند بصراحه مره حلوه والديره كلها مطر وجو حلو بس هي الي اقدر اقول انها حلوه من جد ...
هذي هي رحلتي باختصار والي فيها يعبر عن رايي فقط وذوقي يمكن ما يعجب البعض لكن هذا رايي وذوقي ................
ومرسي اوي لمتابعت الموضوع ...................

وش فيكم حرام عليكم حطمتوني ... محد يرد يعني

يعطيك العافيه اخوي خالد وما قصرت
وجهة نظر نحترمها كلنا , وانت خابر يا خوي الناس اذواق في حد راح لتايلاند ورجع يلعن الساعه الي راح الها
وفي حد ( مثل خويتك ) راحت لها وكانت من اروع السفرات الي سافرت لها
اخوي الغالي اهم شي قبل ما تسافر لاي بلد انك تاخذ معلومات كفايه عن هذا البلد وعندك هذا المنتدى العملاق ايفصفص لك البلاد بكل شي فيها وكثير من الاخوان نزلوا تقارير عن رحلاتهم لتايلاند ووضحوا الايجابيات والسلبيات كان من المفروض انك تاخذ في بالك الاماكن الي ترتاح لها وتحدد المستوى الي انت تبغي تعيشه ( لانك تقدر اتعيش في تايلاند ملك وتقدر اتروح سائح عادي بسيط )
يعني بخصوص رحلة جيمس بويند انت لو شفت تقارير الاخوان هي لا تقل عن طبيعه وبحر بس شي يوسع الصدر ويطيب الخاطر ,,,,, ما اظني عندنا في دول الخليج مثل هذي الطبيعه ,,,,,عني يكفيني اشوف الخضره واحس بروعه فوكيت وروعه الخالق
تسلم اخوي على مشاركتك لنا بتجربتك
واتمنى انك ايضا تتقبل وجهة نظر خويتك
بنت زايد

الحمدالله على سلامت الوصول اول شي
وبصراحه لواناء مكانك كان دفعت فرق التذكره دبل الدبل ولا اجلس مع الشغالات
واماء عن رحلاتك شكلك اخوي مارتبت رحلتك زين يعني المفروض انك عرفت
الاماكن الحلوه والمواقع السياحيه قبل لا تروح لاي ديره
واخيرا اقولك خيرهاء في غيرهاء ولا تكون متشائم

شكرا لكم
مو انا ما ذبحني الا اني سالت لين قلت بس عن الديره وفصفصتها على قولتكم ولكن اغلب الناس كانوا منهبلين عليها وسالت ميه واحد وفصفصت البوابه عن الديره لكن الناس اذواق على قولتكم ..........
وشكرا بنت زايد على المرور والاخ زد او اكس ما عرفت اقرا اسمك خ....