- الرحلة اقلعت الساعة ثلاث بتوقيتنا ووصلت ثمان ونص بتوقيت ميونخ.
- وهذي هي السيارة
السلام عليكم رواد هذا المنتدى الرائع اللي أدين له بالفضل الكبير لنجاح رحلتي هذه وأقل واجب اقوم فيه اني اكتب هالتقرير اللي اتمنى انه يفيدكم لان فيه ملاحظات مهمة جدا جدا اكتشفتها من خلال هالرحلة .
طبعا الرحلة كانت على الخطوط السعودية وخط السير جده ميونخ بتاريخ 25/5/2008 م ورجعت من باريس الى جدة بتاريخ 12/6/2008 م.
بعد صعودي للطيارة اكتشفت ان خط السير لرحلة الذهاب جده فينا ميونخ وليست مباشرة الى ميونخ قلنا الله يعين ساعتين ونص زيادة بس الحمد لله عدت بسرعة.
الرحلة اقلعت الساعة ثلاث بتوقيتنا ووصلت ثمان ونص بتوقيت ميونخ.
وصلنا مطار ميونخ ونزلنا عشان نختم الجوازات وطبعا بتكشيرة عابسة واجهتني امرأة تعمل في الجوازات وقالتلي : ليش تطلع الفيزا من ايطاليا وتجي ألمانيا .. فقلتلها كنت مخطط اني اروح ايطاليا وبعدين لظروف عملي ما قدرت اسافر في ذلك التاريخ والان غيرت خط سيري خصوصا ان المانيا افضل دولة اوروبية من ناحية الموقع ومدحت المانيا شوي ... قالتلي طيب وين حجوزاتك وريتها اياها ووريتها حجز السيارة بعد وقالت ما باليد حيلة تفضل وختمت الجواز .
طلعت من عندها على طول امامي سير العفش احتريت شوي واخذت شناطي انا والمدام .. بعدين طلعنا على طول من صالة العفش وجدنا مباشرة امام الباب سير ينزل تحت وباب يخرج برا المطار نزلنا مع السير واتبعت اللوحات اللي مكتوب عليها ايجار سيارات الين وصلت لصالة كبيرة فيها اسواق ومطاعم وفيها طبعا مكتب اليوروب كار ... رحتلهم وقلت وين سيارتي الباسات الحلوة الديزل ... قالتلي يا الطيب للاسف ما عندي ديزل الحين الا سيارة رينو فرنسية ولا اصبر ساعة او ساعتين يمكن تجيك سيارة ثانية قلت يا مدام هاتي اللي عندك ... قالتي دوك المفاتيح طبعا بعد ما اخذت الفيزا والرخصة وعطتني رقم الموقف وقالتلي في الدور السادس ... رحت للدور السادس ولقيته مخصص لشركة هيرتز قلت غريب دورت رقم موقف سيارتي ما لقيته .. قلت هين ونزلت مره ثانية وانا في المصعد ضغطت على الدور الثاني لان مكتوب عليه يوروب كار ويوم فتح باب المصعد الا بفتاة واقفه تقول (كان اي هيلب يو) ... قلتلها اكيد وين موقف سيارتي قالت في الدور السادس ولكن من مصعدنا حنا ... وودتني لمصعد ثاني عندهم وطلعتني السادس واذا بسيارتي امامي طبعا تفاجأت انها كبيرة جدا على شخصين بس قلت يا رجال وسع صدرك خصوصا ان سعرها اوفر بكثير من الباسات اللي كنت حاجزها
وهذي هي السيارة
بعدين شغلت النفيقيشن وتوكلت على الله ... طبعا كان السكن في سالزبيرغ ولا راح يعطوني الغرفة الا الساعة ثنتين والساعة بيدي تسعة ونص قلت يا ولد تمشا شوي في ميونخ وتغدا ثمن رح لسالزبيرغ ونم وبعد تشاور مع المدام قررنا نروح لسوق الريم اوركادا وفعلا لقيته بالنفيقيشن ورحت للسوق
وهذا فندق النوفيتيل ملاصق للسوق
تمشينا شوي في السوق وتغدينا في مطعم تركي انصحكم تجربون شاورمته لذيذه جدا ونظيفة
وبعدين قلت يا عزيزي النفيقيشن وين سالزبيرغ فوداني لها من طريق ريفي طويل شوي وبطيء جدا لكن تمتعت بالمناظر الحلوة والقرى الجميلة اللي مرينا فيها ووصلت الى سالزبيرغ في السابعة مساءً وطبعا الى فندقنا ستين stein
وبعد استلام الغرفة رحت وقفت السيارة في موقف عام يبعد عن الفندق خمسمية متر تقريبا ب24 يورو باليوم واذا ختمت الورقة حقت الموقف من الفندق يصير ب13 يورو
وبعد ذلك تمشينا شوي حول الفندق وتعشينا في الماك اللي في السوق القديم
وهذي سالزبيرغ بالليل
طبعا الفندق موقعه على النهر قريب جدا من فندق ساخير وفرشه ممتاز ومعاملتهم راقية بس مشكلته الوحيدة أرضيته خشب تلفان تقريبا ومزعجه بعض الشيء .
طبعا بعد ذلك توجهنا للنوم .
والى اللقاء في الحلقة القادمة من رحلتنا حيث ان هذا اهم ما تم في اليوم الاول.
