مقدمه
يسعدني مساكم وصباحكم
حبايبي تولهت عليكم وايد وع جمعتكم
وانتوا عارفين بسبب الظروف اللي مريت فيها هي اللي بعدتني عنكم
ان شاءالله راده أتواصل معاكم وافيدكم بجديدي من خلال سفراتي اللي طافت
في فترة الصيف سافرنا لجنوب أفريقيا
وفي اجازة العيد سافرنا لكوريا الجنوبيه
يعني رحلاتي السنه كلها جنوبيه
المفروض أنزللكم أول شي رحلتي لجنوب أفريقيا ، ولكن فضلت أني أجلها
لسببين
الأول لأنها رحله طويله وفيها تفاصيل كثيره وكوريا الجنوبيه فترتها بسيطه
والسبب الثاني
لأني من فتره بسيطه راده من سفرة كوريا ولازالت فرش بكل تفاصيلها
فقلت خلوني الحق اعطيكم ياها دام انه كل شي حاضر في ذهني
وعقب ان شاءالله بعطيكم تقرير رحلتنا لجنوب افريقيا
قام حظكم ياينكم تقريرين
كوريا الجنوبيه
كان اختيارنا للسفر لكوريا الجنوبيه من الصيف لما عرفنا انه عندنا اجازه العيد مدة اسبوع
وانا معوده عائلتي انه أقدملهم سفره كل سنه هديه مني
واخترنا تكون هاي هي السفره
لرغبتنا في اكتشاف بلدان جديده علينا
واشترينا التذاكر لما كنا في جنوب أفريقيا ولكن
صار الحادث الاليم لعيال أخويه اللي هزنا كلنا ونسينا موضوع حجزنا ع كوريا
وعقب فتره طويله تذكرنا هالموضوع وفكرنا نلغي الحجز
ولكن بعد تفكير غيرت رأيي وقلتلهم بنسافر ، وعائلتي كانوا ينتظرون قراري
واللي شجعني اني أسافر انه فعلا عشنا أوقات عصيبه ووايد تعبت نفسيتي
وكنت محتاجه لهاي السفره والبعد عن كل شي
ولأنه المده بسيطه فتشجعت أكثر وسافرنا
وعدد قليل من الأهل والاصدقاء عرفوا عن سفرتنا هاي
والحين انتوا عرفتوا عنها
أش
لا تخبرون حد
اللهم أتم شفاء أسماء وبشرنا بشفائها
الله أشفها شفاء ليس بعده سقما
اللهم آمين ...
انتظروني في ...
تفاصيل رحلتنا لكوريا الجنوبيه