roh_dxb
11-12-2022 - 01:51 am
السلام عليكم اخواني
قبل اسبوعين سافرت الى عاصمة فيتنام " هانووي " ضمن وفد رسمي
وخلال الرحلة خذنا جولة داخل العاصمة
وكان الجو فضيع .. ورائع
والسكن كان في فندق " دايو هانوي " وكان فندق رائع ونظيف الخدمة ممتازة
والاكل كان مجبوس وغيره من الاكلات اللي نحبها .. فكنا مرتاحين وايد ..
وخلال الرحلة حصل لي اني التقط كم صورة . واتمنى انها تنال رضاكم ..
وهاي الحديقة العامة في العاصمة .. والمنظر داخلها رائع وكان فيها سياح من دول اوروبية ..
ومرافق فندق هانوي:
صورة علوية من الفندق لهانوي الجميلة
البحيرة الجميلة اللي عند الفندق .. وكنت قبل لا ايي هانوي كنت في زلامسي وهالبحيرة ذكرتني بزلامسي .. وانا اشوفها حلوة وايد .. واتمنى اني اقدر ارجع واقضي وقت اطول فيها ..
والبحيرة مرتبطة بالنهر اللي في هانوي ..
المطر طبعا ماتوقف ماشالله .. وهذا مايميز هانووي .
وخلال زيارتنا الرسمية عرفنا من الجهة الفيتنامية ان فيتنام سوف تصبح جهة سياحية رائدة قريبا
لما تتمتع به من ميزات سياحية جميلة .. وهالشي لمسناه هناك لانهم بدؤوا يهتموا بالسياح ويوفروا لهم مستلزماتهم من مترجمين وغيره .. واعتقد ان التعامل معاهم بسيط ..
اتمنى اني ارجع لها لاقضي وقت اطول واستمتع بالطبيعة الجميلة اللي فيها .. وخصوصا المدن الاخرى غير هانووي .
وحبيت اراويكم صورة الطائرة اللي اقلتنا لهانوي .. ومدة الرحلة 7:30 ساعة
وان شاء الله اكون وفيت وكفيت ..
واسمحوا لي لان الرحلة كانت قصيرة شوي ..
Roh_Dxb
رحلتي الى اسيا
أخي / roh_dxb أشكرك على التقرير المبسط والحلو عن رحلتك ضمن الوفد الرسمي إلى فيتنام وإن شاء الله تكثر لنا من هذه التقارير في المستقبل ، وتكون أكثر كرماً علينا في الصور .
نصيحة : حاول تصغر حجم الصور ، وحملها في موقع المنتدى .
بالتوفيق إن شاء الله