disperado
01-03-2022 - 06:05 pm
مرحبا
رحلتي لشرم الشيخ كانت لمدة 5 ايام احنا شخصين وكانت الرحله على طيران الجزيره والهدف من هذي
الرحله هو الذهاب لرحلات الغوص (عندنا رخص غوص) ولانه احنا زرنا شرم من قبل وتسيحنا فيها
فكان السكن في فندق ماريوت الجبل لسبب اناحنا من الصباح الى المساء في رحلة الغوص....
فالفندق للنوم والاستحمام
اول وصولنا لمطار شرم ختمنا الجوازات وطلعنا من المطار وكان في انتظارنا كل تكاسي شرم....
طبعا اول تكسي كلمنا قال 170 جنيه.. ظحكت وايد لانه حده نصاب وخليته وكل ما يجيني واحد
ينزل لي عشره جنيه لما وصلتهم لي 30 جنيه وكنت اقدر بعد بس تعبت وانا اضحك
وركبنا التاكسي وتوجهنا لفندق ماريوت الجبل......
الفندق حلو وهادئ و الافطار مالهم اوكي والغرف حلوه حتى المسبح جميل
هذا اللوبي
وهذا المطعم
الغرفه
وهذي البلكون
والمسبح
وهذا مدخل قعدت الجبل الي فيه العشاء البدوي والعروض الفلوكلوريه
وهذا الجبل بس للاسف ماصورته بالليل لانه منظره وايد حلو بالليل
كنا كل يوم المسا نروح خليج نعمه ويا كثر المطاعم والقهاوي ياو.....
نتعشى ونشرب لنا راس شيشه ونرد ننام عشان عندنا رحله
ويتوجب علينا الاستيقاظ باكرا للافطار والذهاب للرحله
وهذا خليج نعمه
رحلاتنا كانت..... لجزيرة تيران..... وراس محمد..... ورحلاتنا البحريه كلها حجزناها عن طريق مركز غوص
اسمه اكوا دايفنج... عن طريق شخص معرفه.. وكانوا مراعينا بالاسعار وايد لانه خذنا الرحلات بكج كامل
جزيرة تيران
وهذي سفينه روسيه اصطدمت في الشعب المرجانيه في تيران ومن يومها على هالوضع
راس محمد
(محمية راس محمد في شهر5 2007 صنفت افضل مغاص في العالم لما تحتويه من احياء مائيه
وشعب مرجانيه تصل اعمارها مئات السنين... وتوجت في لندن
واحنا في طريقنا لراس محمد شفنا دلافين بس ما قدرت اصور الاواحد منهم
وهذا يخت عجبني... كان مرافقنا في الطريق
وهذي تجهيزاتنا للغوص
واخر يوم قلنا مادام انه بكره ما عندنا رحله خل نروح علي بابا... والله ورحنا وكان البرنامج مالهم
عشى بوفيه مفتوح بعدها الذهاب للمسرح المفتوح لمشاهدة العروض الفلوكلوريه والبهلوانيه
( طبعا يحاولون يقلدون فانتازي الي في تايلند بس مالهم امل)
وبعدها الجلوس في القهوه.......
خلصنا وردينا نمنا واستيقضنا الصبح وفطرنا وسوينا جيك اوت
والساعه 12 تقريبا توجهنا للمطار لانه الطياره الساعه 2 ظهرا.. وقلنا نصلي بالمطار بس
الغريب انه مطار في دوله عربيه اسلاميه مافيه مصلى؟؟؟؟؟؟؟؟؟
حاطين قطعة موكيت للصلاة في مكان يم الحمام و عند مكان يبيع خمر !!!!!!
اوكي الرجال يدبرون روحهم بس الحريم شيسوون؟؟؟؟؟؟؟؟؟
وهذي صوره تتكلم عن نفسها شوفوها
وانتهت الرحله وردينا ديرتنا
اتمنى انه التقرير عجبكم واني اضفت معلومات جديده
فلا تنسون الردود او التعليقات.......
موضوع متعوب عليه ..