السلام عليكم ورحمة الله وبركاته،،،
بداية اشكر كل اعضاء البوابة بالذات كل شخص تكبد عناء كتابة تقرير او البحث عن معلومة تفيد كل مسافر ...(لايكثر اخلص وش عندك)
انا كنت بسافر تركيا بس دخلت بوابة سويسر بالغلط بس الظاهر انها احلى غلطة
وعزمت بإذن الله اني اغير وجهتي لسويسرا خاصة أن بعض الناس ودهم يروحون ايطاليا
المهم لا اكثر عليكم حكي معلومات سفرتي كالتالي:
الوجهة : سويسرا ايطاليا المانيا (فرنسا إذا كان مافيه مشكلة مع الحجاب).
المدة : 15 يوم (من1 سبتمبر إلى 15 سبتمبر).
العدد : انا والمدام وطفل (3 سنوات).
وانا بديت اقرأ بالتقارير والصراحة انقلب راسي وحبيت ترسمون لي بداية الطريق بحكم الخبرة
وما ادري وين ابدا رحلتي بس مبدأيا فكرت احجز على جنيف(واذا تقترحون على مكان ثاني مافيه مشكلة أهم دولتين بالنسبة لي سويسرا وايطاليا..) واعجبتني فكرة استئجار سيارة بس هل بقدر اوصل ايطاليا بالسيارة؟
ودي تكرما تفيدونا بالآتي:
تقسيم الايام على الدول؟
السكن هل اسكن اكواخ او فندق؟
ماهي المنطقة المفضلة للسكن بسويسرا؟
لو فكرت اروح فرنسا وازور فقط مدينة ( انسي) زيارة يوم واحد وارجع بنفس اليوم هل ممكن بالسيارة؟
مشكلة الحجاب بفرنسا والغرامات لو رحت وعطوني غرامة هل تكفي ان زوجتي ما تكشف لهذا اليوم بعد الغرامة؟
بالنسبة لايطاليا هل اقدر اوصل فنيسيا بالسيارة من سويسرا والا صعبة؟
وآسف على الاطالة...