شكرًا على التفاعل !!!!!!!!!

وعليكم السلام ورحمة الله وبركاته
هلا وغلا هايدي
هذا النوع من السفر غير مرغوب بالنسبه لنا
مااحسه سفر ابداً وكأنه سباق مع الوقت ..
عسى تونا انبطل الشنطه الا احنا امسكرينها للسفر ..
ونفس الوقت ظلمتوا دول واجد !!
لندن 3 ايام بس !!
النمسا 3 ايام !!
ايطاليا 5 ايام !!! على ايش ايطاليا 5 ايام !!
النمسا بروحها يبيلها حوالي 10 ايام ..
هذا غير الدول الباقيه ..
اذا فيه امكانيه اعادة ترتيب الرحله ايكون افضل واريح لكم بواجد
والشور لكم

حاطه مشاركه وبعد ساعتين متوقعه الكل يرد عليك
وشكرا على التفاعل على اساس اننا مقصرين بحقك
ووقت مشاركتك الفجر !
اجل لندن 3 ايام ... والله لو هي البحرين ماكفى !!!
ملاحظه : المملكه المتحده (لندن) لها فيزا واوروبا لها فيزا مستقله ثانيه
وجدول رحلتكم هذا ماينفع حتى لمضيفة طيران من كثر التنقلات
انا اقول لندن اسبوع
باريس 5 ايام مع ديزني لاند
ميونخ 4 ايام
سالزبورغ وزيلامس وكامدن بجمب بعض اسكنوا بوحده وزورا البقيه 4 ايام
وفيينا 4 ايام

بالفعل الجدول بيكون مزحوم وصعب بالنسبة للعائلة

مثل ما قالو الاخوان الجدول خيالي و غير واقعي و لا قابل للتطبيق بتاتا
بعدين رحلتكم بعد اسبوع او عشر ايام تقريبا و انتو ما حجزتو شي؟

مشكورين كلكم على المرور بس شفيكم اكلتوني بقشوري !!

• اخوي القطري .. هذا جدولنا عاد وش نسوي !
• Mezajee حنا خلاص حجزنا كل شي ومطلعين الفيزة البريطانية وفيزة شنقن .. امورنا خالصة ..
• اختي الكويتية احنا حجزنا وخلصنا وكل شي جاهز

..
اخواني انا عارفنا ان رحلتنا فيها تنقلات كثيرة ويمكن ظلمنا بعض الدول وما حطينا ايام كثيرة تستاهل بس هذا اللي مخططين عليه ..
مشكورين جميعا بس ياليت تساعدوني على حسب جدولي وش يستاهل اشوف وازور في هالبلدان !!

• * ملاحظة .. السفرة انا وزوجي بس .. واحنا اول مرة نروح اوروبا والفكرة انو نبي نشوف كم دولة اوروبية ..

وشكرا !!

انا سؤالي الأهم لو سمحتوا :
ايش الاماكن في هذي الدول اللي تستاهل الزيارة !! حسب جدولي
يعني لندن خلال هالثلاث ايام وش ازور ؟؟
وباريس خلال الثلاث ايام المفروض وش ازور ووش اشوف ؟؟
وهكذا ....
لا تبخلون الله يرضى عليكم ~

والله حرام
و لا دوله بتستانسون فيها لو تقدرون تلغون الغو
ايطايا 5 ايام شتسوين فيها اي منطقه؟
و لندن 3 ايام؟ يادوب بتمشون باكسفورد و الهايد بارك !!!
النمسا اي منطقه اللي بتقعدون فيها؟