- السلام عليكم ورحمة الله وبركاته
السلام عليكم ورحمة الله وبركاته
ببدأ أنشا الله في سرد رحلتي الى ماليزيا الأولى وكانت 9 /9 /2004 ورحت أنا وصديقي وكان هو بعد أول مرة وأول مرة يسافر بطائرة !!! وصاحبكم مايدري أنة أول مرة يسافر بطايرة تجي بعدين في القصة .
المهم سويت والله الترتيب وشغل الرحلة كله من شهر قبل السفرة وكانت فكرة السفرة الى ماليزيا يعني صدفة كنت أنا وصاحبي في جلسة وجبنا طاري الصيفية وصار الكلام وشاريك في السفرة وتفقنا على السفر بس الوجهة وين تونا قلت أنا اندونيسيا لأني أعرفها سألني عنها أسئلة وبصراحة جوابتة فرفض فقررنا على ماليزيا .
بديت والله من المنتدى الرائع وبمساعدة الأعضاء المتميزين وبعد الترتيب توكلت على الله على الخطوط السعودية من الدمام الرياض وقابلني (منسدح في ألفة) طبعاً هذي عيرته صارت في السفرة لأني كل ماقوم من النوم ألقاه نايم على شكل 8 فصار هذا العيرة ، قابلني في مطار الملك خالد طبعا رحلتي مواصلة فمريت على الجوازات وركبت تقريبا بعد ساعة والأمور حتى الآن ممتازة ومنسدح في ألفة مستانس تقول موبراجع أبد .
ركبت الطيارة وكانت صراحة غريبة بنسبة لي تفا جئت أنة مافي أحد في الطيارة مافية تقريبا الى 15 شخص فقط أنا قلت أنة بدري والله شوي ولاحرك قلت حلو خفيفة عشان نوصل بدري أنا بديت ارتب لي مكان والطايرة توها بتقلع وناظر في وجه منسدح ولاهو احمر بشكل يخوف :112: قلت ياستر أكلمة مو راضي يرد علي وشفيك قالي لاتتكلم معي :11ld: أنا قلت أكيد وقت الإقلاع فية ناس مايحبونة طلعنا شوي ورجال باقي زي ماهو يامنسدح وشفيك قالي سؤال كم مدة الرحلة ؟؟ قلتلة تقريبا سبع ساعات ولاهو يقوم يصارخ جات المضيفة :11sted_co وشفي جابت ماي قام يقولي بنزل ويصارخ وأنا أقول دور غير الكلام ذا وأنا أقول من أولها أفلام هندية حتى لدرجة حاط راسة في السيت الأمامي وحاط وجهة تحت من أول الرحلة حتى الوصول وهو على ذا الحال وإذا وقفت يقول أقعد خايف تطيح الطيارة بعد مشاكل طويلة وصلنا الى كوالالمبور الحمدلله بعد رحلة شاقة وضغط نفسي عجيب :112: !!!
ونتظر المزيد والوقت للي سا فرتوا فية جدا رائع علي عودة الطلاب