- السلام عليكم ورحمة الله وبركاته
- بروميناد القرم الشرقي
- مطعم "كارلوتشيوز"
السلام عليكم ورحمة الله وبركاته
خبروني ربعي عن هالمكان وقلت لازم أزوره واشوف الخدمات اللي يقدمها. صح إني رحت قبل رحلة الكاياك
https://artravelers.com/p/re/898770 في القرم لكن ما سمحلي الوقت لآخذ رحلة في المجمع نفسه. أسمحولي اليوم أخذكم فجولة ف
بروميناد القرم الشرقي
هو جزء متصل ف فندق القرم الشرقي بإدارة أنانتارا .. ومن النظرة الأولى للمكان ومن اول ما تدخلون تحسون انه مش مجرد مكان عادي لأن موقعه الفريد على القرم المحمي يعطيه ميزه خاصة. وأكثر شي حبيته وانا اتمشى اني حسيت اني بالفعل فسوق عربي مفتوح وخاصة مع ممراته المزينة بالأقواس واللي تقدرون تتمشون فيها وتمارسون رياضة الجري وركوب الدراجات
https://artravelers.com/p/re/894240 . والجميل في هالمجمع انه بالفعل يجمع كل اللي الواحد يحتاجه عشان يستانس .
فيه اماكن استجمام ومطاعم واقامة وخاصة ان الفندق بإدارة "أنانتارا" ومثل ما تعرفون انه مصنّف بخمس نجوم
https://artravelers.com/p/re/876621. البروميناد أو الممشى هذا يضمّ 11 مطعم ومكان للترفيه والصحة والجمال
ومن المطاعم
https://artravelers.com/p/re/904797 المميزة اللي تلاقونها
بيبر ميل
بيبر ميل من المطاعم الهندية المميزة اللي يجمع بين الأكل الهندي والعالمي
كافيه بلان
وهي إستراحة تقدّم مازة مبتكرة، وعصائر تقليديّة ومشروبات ساخنة، في جوّ شرقيّ مريح.
فلوكا
وهو مطعم فريد من نوعه يقدملكم المأكولات البحرية باسلوب عصري الحلو فيه بعد انه يقدم الأطباق الباردة على قطعة من الثلج والساخنة على حجر ملحي ساخن.
مطعم "كارلوتشيوز"
يختص هالمطعم والمقهى ومتجر الأغذية بتقديم الوجبات الإيطاليّة على الإفطار والغداء والعشاء، ويضمّ مكان جلوس داخليّ وخارجي على الطراز المتوسطيّ ويطلّ على مناظر جميلة لأشجار القرم. هالمطعم هو الفرع الثاني لكارلوتشيوز في أبوظبي، حيث أن الأول يتواجد في غاليريا مول في جزيرة المارية.
بوا ستيك هاوس
هذا أول مطعم "بوا ستيك هاوس" في المنطقة العربية، يضم شرفة مشرقة ومنعشة ويطلّ على مناظر خلابة للمدينة والقرم الشرقي. ويقدّم هالمطعم شرائح وقطع لحم،
منها لحم بقر الأوماها الممتاز- شرائح "دراي آيجد نيويورك ستريب"، ولحم الستيك بعظامه؛ بالإضافة للحم البقر العضوي المعتمد؛
وتتوفر بعد مجموعة كاملة من الأطباق الجانبية التقليدية مثل سلطة سيزر الكلاسيكية، والمعكرونة والجبن. بالإضافة للدواجن ومأكولات بحرية إلى جانب تشكيلة من السندويشات والسلطات وقت الغداء.
صالون التجميل " ماركي "
اللي تقدرون فيه تدلعون نفسكم على ايدي المختصين
وفي بعد صالون "نيل سبا"
يعني مكان كامل متكامل ، وما انسى بعد انه يحتوي سوبرماركت عشان تشترون أغراض ومستلزمات البيت وانتم فهالمكان مرة وحدة
المكان وايد حلو وينفع لطلعات الأصدقاء أو مع الأهل أو للأزواج عشان يتعشون بهدوء ف أجواء رومانسية
بإنتظار إنكم تزورونه وتخبروني شو اللي عجبكم
إذا تحبون تقرون أكثر تقدرون تزورون هالموقع http://www.easternmangrovespromenade.ae/
والسلام عليكم ورحمة الله وبركاته
