1. السلام عليكم ورحمة الله وبركاته


2. اول المواقف ( رحله عذاب من اول ما سافرت ؟..................)

السلام عليكم ورحمة الله وبركاته

هذي اول مشاركه لي معاكم بس ان شاء الله تعجبكم .... وتعجبكم طريقة الطرح
في شهر العسل قررت انا والمدام ان نروح لندن نقضي فيها شهر العسل وكانت جد مستانسه انهلا بتروح لندن المهم حجزت التذاكر على طيران الامارات دبي---- هيثرو اتجهزنا انا والمدام ورحنا لدبي قبل الرحله بيومين وجلسنا في روتانا سويتس اللي في شارع الشيخ زايد كان رخيص بس 450 درهم في الليله بس قبل لا اسافر قلت ليش ما احجز سياره من الامارات عشان استعملها هناك هي فرصه عشان اشلها من المطار المهم رحت شركة يورب كار وحجزت السياره وعطوني الضرف الخاص فيها عشان اسلمه هناك في مطار هيثرو في المكتب حقهم

اول المواقف ( رحله عذاب من اول ما سافرت ؟..................)

وفي يوم الجمعه الساعه 1130 اتجهت الي مطار دبي الدولي ومعي المدام ودخلنا الشنط الا الحرمه الي في الكونتر تقولي والله يا اخ محمد ما نقدر اجلسكم عند بعض اقولها كيف يعني .............. يعني انته تجلس مكان والمدام مكان تاني قلت لها لالالالالالالالالالالالاوالله احلفي انتي بس انا بشهر العسل وتبغيني اجلس ما راتي مكان ونا بمكان تاني والله هي حلوه انا ما عرفت ها البنت الا من ثلاث ايام(زوجتي) وتبيني اجلسها بعيد عني شو انا مجنون المهم بعد شد وربط وضرابه ما لها اخر قالت لي انا بعطيك البوردن كارت وروح داخل بصالة انتظار المسافرين وخبرهم وبسولك الكراسي جم بعض قلت لها خير ان شاء الله بس انا خبرتها اذا ما بنجلس جم بعض كنسلو الحجز ما اريد اسافر خلالالالالالالالالالالالالالالاص بطلنا ما شي سافر ( تبون الصراحه بيني وبين نفسي قلت يالليت ما يجلسونه قدام بعض عشان ما اسافر وخذ المدام ما ليزيا وبانكوك) تراني بليت نفسي اول شئ لما قالتلي المدام وين بدويني شهر العسل .... عاد تعرفون اول ايام عقد القران ولازم الواحد يكون فوق شوي قدام زوجة المستقبل ... قلتلها بوديج لندن ومسكتها لي لندن لندن المهم اللي صار رضا واحد باكستاني وبدل معي وجلسنا انا والمدام جدام بعض وسافرت والرحله جد عاديه ما فيها اي شئ وصلنا مطار هيثرو الساعه 9.45 ليلا" وهذي بنفسها حكايه
وترقبو الجزء الثاني