1. بسم الله الرحمن الرحيم


2. سعر التذكره 640 ريال للشخص


3. southeast asia airline


4. الفنادق الي الان


5. 3)ايش في اماكن الواحد يروحها في الليل في الجزيره؟

بسم الله الرحمن الرحيم

اولا : احب اشكر جميع اعضاء المنتدي اللي ساعدوني بتقاريرهم واجابتهم علي الاسئله لبعض الاعضاء وفعلا كانت فعاله معايا والحمدالله جلست افرفر في المنتدي لمدة اسبوع كامل صباح ومساء ووصلت للخطة الاتيه واتمني الكل يعلق علي الفنادق الاماكن التي سوف اقوم بزيارتها والخطوط وفي الاخير عندي كم سوال اتمني الاجابه عليها :
قبل لا ابدا حاب اذكر الجميع انو عدد اشخاص الرحله 2 انا وزوجتي لتجديد شهر العسل
ومدتها 9 ايام من تاريخ 1322011 الي 2322011
الرحلات :-
الدوليه : جده - مانيلا - جدة
سعر التذكره 1400 ريال للشخص
الخطوط الجويه السعودية
الداخليه: مانيلا - بوراكاي - مانيلا

سعر التذكره 640 ريال للشخص

southeast asia airline

طبعا هي للاسف مو موجوده في الدليل السياحي للاخ العاطل واتمني انو يضيفها لانو وانا ادور رحله علي جميع شركات الطيران الموجوده في دليل الاخ العاطل لم اجد اماكن او الاسعار غاليه جدا فدورت علي خطوط ثانيه ولقيت هذي الخطوط وسعرها مناسب ومناسب لتوقيت رحلتي وهذا موقعهم http://www.flyseair.com وهي علي ما اعتقد نظامها زي شركة سما وناس عندنا

الفنادق الي الان

مانيلا من يوم 1422011 الي يوم 1722011 في فندق h2o وتم حجز الغرفه عن طريق موقع https://www.booking.com
بوراكاي من يوم 1722011 الي 1922011 في فندق red coconut وتم حجز الغرفه ايضا من نفس الموقع بوكينق
ومن يوم 1922011 الي 2322011 لم يتم حجز او اختيار الفنادق (هنا ابغي المساعده طبعا من اعضاء المنتدي الكرام)
مخطط الرحله :
يوم 1422011
الوصول الي الورده العصر الساعه 5 والذهاب الي الفندق واول يوم راحه من السفره في فندق h2o
يوم 1522011
(ص) الملاهي enchanted kingdom طبعا الي المغرب وبعدين حتوجه الي mall of asia اذا فينا حيل وبعدين الرجوع الي الفندق
يوم 1622011
(ص) حديقة الحيوان (محتار ايت وحده اروحلها مانيلا زوو ولا افالون زوو) وفي العصر بروح الاوشن بارك لانو في نفس الفندق اللي انا ساكن فيه والليل نوم استعداد لرحلة بوراكاي
يوم 1722011
الذهاب الي المطار الساعه 3 ص لانو وقت اقلاع الطائره الي بوراكاي الساعه 6 الصباح
الوصول الي بوركاي الساعه 7 والذهاب الي الفندق redcoconut (سوالي هنا كيف اروح للفندق وانا حنزل في مطار كاتكيلان يعني تاكسي ولا باص وكم اسعارهم علشان لحد يضحك عليا ومن فين اخذه)
طبعا بعد ما اوصل الفندق مافي راحه علي البحر والالعاب المائيه وفي الليل نتمشي شويه في الجزيره وبعدين نرجع ننام
يوم 1822011
(ص) زيارة الكهوف واخذ جوله بالقارب والغوص والعصر الهيلكوبتر وفي الليل جوله في الجزيره وبعدين رجعه الي الفندق ونوم استعداد للسفر الي مانيلا
يوم 1922011
رحلتي من بوركاي الي مانيلا الساعه 1 الظهر ونوصل الساعه 2 الظهر وبعدين حروح الفندق (اللي لسه ما اعرفو وحكون حجزتو من بدري طبعا)
وفي العصر سوق rockwell وفي الليل نوم استعداد للذهاب الي سوبيك
يوم2022011
الذهاب من الصباح الي مدينه سوبيك (بس للاسف ماني عارف كيف اروحها بالباص ولا تاكسي ولا سياره خاصه) وطبعا الفندق اللي ابغي اجلس فيه هو white rock resort (بس للاسف ما حجزت فيه لحد ما اشوف ايش تقولو)
يوم 2122011
الرجوع الي مانيلا والذهاب الي الفندق (اللي برضو ماني عارف ايش اسمو ) والعصر بروح السوق الصيني وسوق harrison وبعدين برجع انام في الفندق
يوم 2222011
الذهاب الي نهر الباسنجان (اللي ماني عارف كيف حروحو وكم يكلفني وللاسف مافي احد كاتب تقرير عنها ) وبعدين برجع الفندق ونوم استعداد لمغادرة الورده
يوم 2322011
الذهاب الي المطار الساعه 12 الظهر لانو الرحله الساعه 5 العصر بس علشان بعض الشباب يقولو انو البلد زحمه والاجراءات حق المطار تاخذ وقت
بعض الاسئله التي ارغب في الاجابه عليها من حضرت اعضاء المنتدي الافاضل
1) ايت حديقه حيوان كويسه وكم اسعار كل وحده التقريبيه وايش وسيلة المواصلات المفضله لكل وحده منهم؟
2)كيف اروح للفندق redcoconut اللي موجود في station 2 وانا حنزل في مطار كاتكيلان يعني تاكسي ولا باص وكم اسعارهم علشان لحد يضحك عليا ومن فين اخذه؟

3)ايش في اماكن الواحد يروحها في الليل في الجزيره؟

4)الفنادق اللي اروحها في مانيلا لما ارجع من بوراكاي اربع نجوم (للمعلوميه انا ما اخترتها بس علشان لما اروح هناك اروح اتفرج بنفسي وبعدين اختار بس ابغاكم ترشحولي كم فندق ومواقعها )
5)كيف اروح لمدينة سوبيك؟ وهل هي تستاهل ولا لا؟ وايش فيها هناك الواحد يروحو؟ وهل المنتجع فعلا فيه العاب مائية زحاليق وغيرها ؟ وفي الليل الواحد فين يروح فيها ؟ وليش ولاموقع من مواقع حجز الفنادق موجود فيه فندق white rock resort ؟
6)كيف اروح نهر الباسنجان؟ ايش وسيلة المواصلات الاحسن ؟ وايش فيها هناك ؟ وكم وقت تحتاج ؟
7) في مانيلا ايش الاماكن اللي ترشحوها ليا اني اروحها في الليل اذا ما حروح اسواق؟
واخيرا اسف علي الاطاله وانا ما كتبت الموضوع الا وعارف انو في تفاعل من اعضاء المنتدي وشكرا مقدما للمساعده