السلام عليكم ورحمة الله وبركاته زوار واعضاء منتدانا الغالي
سوف اكتب تقريري المبسط عن هذه المدينة الرائعة وعن الاسعار والاسواق
مع ارفاق بعض الصور لكن اعذروني هي قليلة
الجزء الاول
حنتكلم فيه عن :
موعد الرحلة : يوم السبت jan 16 ,2013
اقلاع الساعة 10 ونص مساءا ومدة الرحلة 8 ساعات من جدة الى كوانزو
طبعا على الخطوط السعودية 2 كبار و1 طفل عمره سنة ونص
سعر التذاكر: 6101 ريال سعودي على الدرجة السياحية
والحمدلله وصلنا الساعة 11 ونص بتوقيت جوانزو
اجراءات المطار سهلة وسريعة , خرجنا واستاجرنا سيارة ب 150 ريمبي الى الفندق
الفندق :
هو طبعا الفندق اللي سكنت فيه السنة الماضية نفسو ما غيرت لان موقعو ممتاز من ناحية قربه للمطاعم العربية
وكمان يقع على شارع بيجين الشارع الليلي , المحلات فاتحه فيه الى 11 في الليل والتسوق فيه رائع طبعا .
نسيت اقولكم اسم الفندق
هو فندق كانتون وهذا رابط للفندق :
http://www.hotelcantonguangzhou.com/index.htm
الفندق جدا ممتاز من ناحية الاسعار والنظافة والخدمة سريعة
انا حجزت عن طريق موقع اقودا 14 ليلة ب 3835 ريال مع الضريبة
بس اتفاجات ان موقع اقودا الغرف من غير فطور وغير كذا اللي بيحجز عن طريق فيزا لازم تكون نفس الفيزا معاه لمن يوصل للفندق يطلبوها منكم .
وفرولنا سرير طفل مجاني بس في عيب واحد انهم غيرولنا الغرفة 3 مرات بحجة قدوم وفد سياحي كبير ومحتاجينالدور كله لهم بس الميزة انهم سولنا اب قريد على الغرفة وكذا انا فرحت طبعا
موقع اقودا ارخص ويحسبلك الضريبة وتدفع عن طريق الفيزا بس من غير فطور
اما موقع بوكينج اغلى شوية ومن غير ما يحسبلك الضريبة وتدفع في الفندق لمن توصل ويكتبلك اذا الغرفة معاها فطور او لا بعس موقع اقودا
هذه هي المميزات والعيوب بالنسبة للموقعين
وهذه شوية صور للتسلية
بس الصور هذه مكس بين حقت هذه السنة وحقت السنة اللي راحت
تعرفوا اللي معاه اطفال ما يقدر يصور شي
هذا شكل الفندق من بره
وهذه صورة من الغرفة من فوق
وهذا منظر لشارع بيجين من الغرفة
الفطور
هذا ممر الغرف
نكمل في الجزء الثاني ان شاءالله عن هذه المدينة الرائعة