السلام عليكم ورحمة الله وبركاته
يسعد اوقاتكم جميعا
بدخل ف الموضوع على طول بدون مقدمات
انا بسافر ان شاء الله للصين بعد كم اسبوع اذا الله اراد وحابه اشتري بضاعه من هناك للتجاره طبعا
وبما اني اول مره اروح للصين واشتري منها قلت مابشتري اغراض كثيره الين اشوف هل فعلا تتصرف لي ولالا
لاني متفقه مع اشخاص اني اجيبها وهم يشتروها مني وهكذا
وزي ماقلت لكم بشتري اشياء قليله عشان لا اتوهق ونقعد انا واغراضي نغني سرى الليل وحنا ماسرينا
واذا فعلا اتصرفت وشفت فايدتها حلوه برجع ثاني و 3 و4 و5 الخ
المهم يا طويلين العمر حابه اعرف ايش الافضل في الشحن اشحنها معاي في الطياره او الجمارك او عن طريق مكتب ؟؟
يعني وش الارخص بينهم والانظف بحكم ان الاغراض ماتتعرض للتلف او الاهمال في الشحن
واذا كنتو ترشحون المكاتب ياليت تفيديوني بأرقام و عناوين المكاتب الي جربتوها انتبهو الي جربتوها مو الي سمعتو عنها
وانا عندي معلومه من صديقتي ان الشحن للشخص الواحد ف الطياره مايزيد عن 40 كيلو ولو زاد عن كذا طبعا معروف ادفع الفرق ... طيب كم بيكون الفرق للكيلو مثلا شحني كان 60 كيلو مو 40
ال 20 كيلو الزايده بكم تنحسب تقريبا هل شحنهم من الصين رخيص ولا قصة ظهر ؟؟
وسؤال اخير
الحين لو شحني الشخصي غير الاشياء الي بشتريها كان 40 كيلو هل عربة البيبي تنحسب من الاربعين كيلو ولالا ؟؟
ياليت احد يفيدني ويجاوبني بالتفصيل لان زوجي بينتظرني ف المطار اخاف يرجعني ثاني ع الصين على اقرب رحله ارجع الاغراض
سؤالي الثاني انا بنزل في كوانزو
ايش افضل فندق من ناحية النظافه والأمان بعد الله ويكون قريب من الاسواق او الاماكن المهمه هناك مثل المطاعم والسوبرماركت والمستشفيات لا سمح الله
بشرط يكون 5 نجوم
وتنصحوني بتاكسي الفنادق ولا تكاسي خارجيه ؟؟
وتقريبا كم سعر المترجم لو احتجته هناك بما انهم قليل جدا الي يتحدثون بالانقلش
انتظر ردودكم