- انه الحين في الصين بتحديد في مدينه كوانزو وصلت بتاريخ 14/9/2010
بسم الله الرحمن الرحيم
السلام عليكم ورحمه الله وبركاته
سامحوني على على الاختصار وطريقة سرد الموضوع لاني اول مره اكتب موضوع خاص بي واريد ان يستفيد المشتركين مني مثل ما انا استفدت منهم.
انه الحين في الصين بتحديد في مدينه كوانزو وصلت بتاريخ 14/9/2010
اول ما وصلت اتصلت حق المترجم علي الصيني اللي خذت رقمه من المنتدى وطرشلي المطار مترجم اسمه شمس لانه كان مشغول ووادني شمس الى فندق من اخياره والله مو ذاكر اسمه بضبط بس على ما اعتقد اسمه جن ينق هوتيل كان سعره رخيص جدا"حوال 160 رمبي ولاكن ابصراحه ماعجبني سالت واحد يمني لقيته عند مطعم سبأ ودلاني على فندق
اسمه tokai hotel بصراحه ممتار جدا جدا جدا قريب من الطاعم العربيهوتحته مطعم تركي .
اول ما وصلت تركت اغراضي في الفندق وخذت شور وطلت بسرعه ملهوف ابي اشوف السوق الليلي اللي تحدثو عنه الاخوان وايد في مواضيعهم (بجن لو في شارع بكين )وعشان لايخترب يومي وانام من وقت لني وصلت المطار الساعه الثالثه عصرا".
واليوم الثاني رحت الى مجمع نافن طاشا اللي فيه اكسسوارات الموبايلات واخذت فكره عن الاسعار .
واليوم اللي بعده رجعت حق نفس المجمع سويت فيه اووردرات ورحت حق مجمع قريب من النافن طاشا اسمه نيو اسياء كان ممتاز ولاكن النافن طاشا يتفوق عليه بالاسعار ثم رجع الى الفندق عشان احط بعض الاغراض ورحت حق سوق بصراحه كثير عجبني اسمه سن شيا شو معناه بالعربيه السوق الليلي النسائي على حسب كلام المترجم لاكن هو ليس فقط نسائي فيه كل اللي يحبه قلبكم ورخيص حده.
ورحت اليوم اللي بعده سوق الشنط اسمه سن ين لي بصراحه فوق الممتاز الشط وايد حلويين نسخ طبق الاصل اسعاره شوي غاليه اخذت منه حاجتي وذهبت الى مجمع مقابله اسمه سن ين لذر الكوالتي او الجوده للجلود هناك اقل ولاكن ايضا"فيه اشياء حلوه وتسر عيونكم واسعاره يا بلاش
علموني كيف اضع الصور في الموضوع وماراح ابخل عليكم بها وانا للحين باقيلي خمس ايام في كوانزو وانشالله باكتب التكمله عن الاسواق التي سوف اذهب اليها.
نورت كوانزوا وخير من يمثل البلاد
اى خدمه انا موجود في كوانزوا في فندق بارك فيو