1. السلام عليكم ورحمة الله وبركاته


2. بس هذا شئ محسوب للفندق بالتعويض اللي سوه لنا :x1:..

السلام عليكم ورحمة الله وبركاته

في يوم 21 /10 /2008 اللي هو يوم الثلاثاء انطلقنا في الساعة الواحده عصراً لمطار الملك خالد بالرياض حيث ان موعد رحلتنا من الرياض الى شرم الساعة الثالثة.. ركبنا الطائرة وانطلقنا استمرت الرحلة ساعتين ونصف تقريباً..وصلنا مطار شرم الشيخ بتوقيتهم الساعة الرابعة والنصف..
وفقنا ربي بسائق اخذنا من المطار واستمرينا معه الى اخر يوم في شرم الصراحه السواق هذا سنافي (ملاحظه مو سنافي الحبوب لا اقصد انه اجودي يعني صفة)ورجال شرواكم ياللحي الغانمة
وبعدها انطلقنا الى الفندق الا وهو الفور سيزون ياويلي عليه هو فندق فايف ستار ز لا 20 ستارز شئ رائع وخدمات اروع المهم وصلنا ودخلنا عالرسيبشن قالو ياجماعة الربع انتم حاجزين عن طريق مكتب سياحي قلنا نعم قالو انتم 2 اللي هم انا وزوجتي المصون قالو ان الشركة سوت غلط وحجزكم على انه فاميلي سويت عبارة عن اوضتين نوم وصالة ومطبخ ودورتين مياة اعزكم الله و3 جنينات (بلكونات) وهذا شئ كبير على 2 قلنا لا حجزنا بانوراما سويتمطل على البحر (عبارة عن غرفة نوم ودورة مياة وصالون صغير مع كونتر)قالو ان الفندق حاليا فل الفل ولا يمكن انه نوفر لكم بانوراما سويت قلنا وش نسوي قالو ولا يهمكم ان بغيتو نسكنكم بالرويال (هذي فلل )
تشاورنا بالامر قلنا يلا نشوف اللي لنا بعدين نقرر طبعا الانتقال من الرسيبشن الى الغرف والسويتات عن طريق سيارات صغيرة اسمها بوليج كار
شفنا السويت تبعنا لقيناه شئ رائع قلنا خلاص لاتغيرونه صدق انه كبير بس على قولتهم شئ بلاش ربحه بييّن وفرق سعر كبير جدا.. البانوراما 550 دولار والفاميلي سويت ب1050 دولار .. فرق كبير

بس هذا شئ محسوب للفندق بالتعويض اللي سوه لنا :x1:..

المهم غسلنا وصلينا العصر وطلعنا نتطقس احوال الرعية اقصد الفندق ومالنا وماعلينا من مستحقات قالو الفطور علينا والباقي عليكم قلنا ومالو.. ورجعنا صلينا المغرب وكلمنا السواق المهذب وطلعنا قلنا نبي نشوف اللي يسولفون عنه خليج نعمة نتمشى ونتعشى ونتعلل ومالكم بالطويلة...
ذهبنا او رحنا لخليج نعمة صراحة فلة واللي محلي الوضع البلطجية وهبالهم انواع الضحك عليهم ..
وبعجها جاع البطن ياعبيد قلنا يا عماد افندي عايزين حاجة نضيفة من سمك والذي منهو .. قال فارس للأسماك بالسوق القديم وذهبنا له واكلنا سمكاً مشوياً لذيذا وربيان وحركات:36_1_51: .. بعدها عدنا للفندق ونحن منهكين