1. كوالالمبور (ليلتين) لنغكاوي (3) بيننغ (3) كوالالمبور (5)


2. ّ:: حجز الفنادق ::ّ


3. http://www.asiarooms.com/


4. ملاحظاتي :

اول عملية في التخطيط سويتها اني قريت هذا الموضوع :
https://artravelers.com/p/re/212740
بعدين حطيت شنو برنامجي ، فكان :

كوالالمبور (ليلتين) لنغكاوي (3) بيننغ (3) كوالالمبور (5)

هذا بالنسبة لماليزيا .. الغيت الكاميرون مع انه خاطري اروح لها بس لأن عندنا تنقلات وايد فاستغنيت عنها و بس لأنها منطقة جبلية و تبع مزارع الشاي اخترت في سيريلانكا منطقة مشابهة لها ..
وقتها كنت مقررة بس اروح ماليزيا لأن طيران الخليج تروح دايركت الى ماليزيا بعكس الطيران السيريلانكي .. الي يوقف في سيريلانكا .. الغلط الي سويته بس فعلا صار عن صلاح اني كنت كل يوم أأجل حجز التذاكر .. كنت مو ثابتة على تاريخ ..
فصار سعر التذاكر لنا اربعتنا ب 1200 – 1400 جيكت الاتحاد ، الامارتي ، القطري و طيران الخليج ..
السيريلانكي ما كنت محصلة عليه حجوزات .. بعدين و الحمدلله حصلت حجزت عليه و كان بنفس وقت المكتب الي سجلت في البداية عليها فقلت خلاص خلني بعد اروح سيريلانكا ..
في سيريلانكا كان البرنامج :
كاندي (يومين) نيقمبو (يومين)
سيريلانكا للمناطق الي نبغيها مافي غير الباص او الفان .. في ماليزيا خليت التنقلات الداخلية بالطائرة .
موعد سفرنا : 31 – 7 – 2009 ليلا و العودة 18-8-2009 ليلا ..
سعر التذاكر : 855 د.ب
طبعا .. اخترت البرنامج بعد رجوع للأعضاء في المنتدى و التقارير الي قرأتها ..

ّ:: حجز الفنادق ::ّ

كنت اتكلم مع الاهل عن الفنادق و الحجوزات ، ناس اقترحوا علي لما اوصل في مطار كوالالمبور احجز خاصة اني بهذي الطريقة راح احصل على عروض و يمكن حتى المواصلات من طرفهم ... ناس اقترحوا اجيك مع وكالات سفر بس تحجز لي الفنادق الي ابغيها و تعطيني سعر او تعرض لي الفنادق الي عندها و اجوف ..
رفضت الاقتراحين خاصة الاول ، ما ابغي لما اوصل المطار و عقب كل التعب و الارهاق اقعد ادور على المكاتب في المطار و اجوف عرض كل مكتب و اقارن ، حزتها مع اليهال بفكر اركب الطائرة الي جابتني ..
ميزة هذا الاقتراح انه لو عجبتك منطقة راح تقدر تمدد حجزك فيها و تظل غير لو كنت حاجز و دافع من قبل راح تلتزم بالشيء ...
مع منتدى المسافرون كنت اجوف وايد يحجزون من الانترنت و اختي من قبل بعد جربت تحجز من الانترنت، نوعا ما كنت متخوفة .. هل فعلا راح تضبط الحجوزات و ما اواجه اي مشكلة ؟؟
الحمدلله مع كل حجوزاتي ما جفت اي مشكلة .. وصلت و الحجز موجود و مسجل بنفس الي ابغيه ...
المواقع الي حجزت منها الفنادق كانت :

http://www.asiarooms.com/

ملاحظاتي :

• فضلت موقع بوكينغ للحجز .. لأنهم ما يسحبون المبلغ من الفيزا إلا لما توصلون الفندق، و تقدر تلغي الحجز من غير اي رسوم يحسبونها عليك . لكل فندق يطرشون ورقة فيها تعليمات يعني سعر البوفيه الاضافي .. سعر السرير الاضافي .. الخ، راح يسحبون نسبة اذا كان الغاء الحجز قبل يومين من التاريخ.
• موقع آسيا رومز الزين فيه انه يراويك السعر مع الضريبة على عكس موقع بوكينغ مع انه يعني نقدر نحسبها بروحنا ، اكبر عيب انه المبلغ ينسحب من اول ما تحجز، اذا الغيت الحجز راح يحبون عليك نسبة معينة ، و نوع الي انقص عليي في حجز فندق .
• في مواقع وايد لحجز الفنادق ، في الاساس كنت استخدم موقع يسوي لي مقارنة بين اسعار الفنادق من كذا موقع .. http://www.hotelseeks.com/

الطيران الداخلي السعر حقنا اربعتنا :
كوالالمبور ß لنغكاوي (المسافة : ساعة - 27 د - طيران اير آسيا)
لنغكاوي ß بيننغ (نصف ساعة – 30 د.ب – طيران الفاير فلايز)
بيننغ ß كوالالمبور ( ساعة – 31 د.ب = طيران آير آسيا )
المجموع الكلي للطيران الداخلي : 88 د.ب
الطيران الداخلي رخيص ، و كل ما حجزنا من وقت كان ارخص .. وقت الحجز لازم نحاسب انه يكون لما نوصل للمنطقة الثانية قريب وقت ال Check In عشان لا ننقع وايد في هول الفندق ...
المواقع الي حجزت منها :
http://www.airasia.com/

بداية موفقة وننتظر المزيد من التفاصيل والصور ...
بارك الله فيك ,,

1. اختيار الفنادق:

اختيار الفنادق:

لما كنت ادور على فنادق كان معياري الاساسي انه السعر مناسب + نظافة الفندق.. ما كان يهمني هو 5 او 4 نجوم، و لا يهمني فيه برجة او نادي اطفال .. منتجع ... كلها كانت بالنسبة لي اشياء ثانوية طبعا هذا كلامي قبل لا ابدأ السفرة بعدين تغير ..
في ذيك الفترة كنت ادمنت اقرأ .. اسهر للصبح و انا ادور الفنادق و اسال عنها في منتدى المسافرون العرب،
في كوالالمبور اول ليلتين حجزت فندق The Legend السعر كان تقريبا 55 دينار لليلتين لغرفة Deluxe Room .
https://www.booking.com/hotel/my/the-legend.html?aid=1300939
في بيننغ
و انا ادور عن فنادق بيننغ .. انصدمت لما جفت فندق اسمه BayView Hotel رحت جيكت من جديد ، لقيت انهم يمدحون الفندق في بيننغ و يذمون الي في لنغكاوي ( أمرنا لله .. لابنا دافعين عليه زود و بعد مب زين) ..
حجزت في BayView Hotel و اخذت غرفة ثلاثية لأنه الفندق كانوا يحسبون السرير ما ادري للطفل بكم و انحسب لما راسلت الموقع قال لي فوق عمر 5 اخذي له سرير .. فأخذت سرير لولدي
3 ليالي .. 166 د.ب .. بعد غلطت هني لو ماخذة غرفة ثنائية لأنه ما كان يحتاج اطلب سرير ثالث بس الموقع حرامية شنسوي ...
نوع الغرفة Deluxe Hill View Room .
http://www.bayviewhotels.com/
في كوالالمبور
The Coronade Hotel Kuala Lumpur صاحب المكتب السياحي مدحاه و في الانترنت و بعد لقيت ناس تمدح.. خذت 5 ليالي .. 138 د.ب نوع الغرفة Standard Room .. كان هذا اول فندق احجزه و ما ادري ليش اخذت Standard
http://www.coronade.com/
فنادق سيريلانكا
كاندي اخترت منطقة اسمها هوناس فل
Hunas Falls ليلتين 50 د.ب
مدحوا لي هالفندق وايد و كنت اقول ما يندرى يسوى هالمدح او لا ... و ملاحظة بسيطة قريتها :انه الطريق له شوي متعب ...
http://www.hunas-falls-hotel-kandy-sri-lanka.ar.lakpura.lk/
نيقمبو اسمه Blue Ocean Beach ليلتين كلفنا 35 د.ب
مجموع تكلفة الفنادق 536 و كان ممكن تكون اقل لو:

• حجزت في وقت قبل موسم السفر .
• الاخطاء الي سويتها و زادت علي المبلغ في حدود 50 دينار ...

1. اختيار الفنادق:

اختيار الفنادق:

لما كنت ادور على فنادق كان معياري الاساسي انه السعر مناسب + نظافة الفندق.. ما كان يهمني هو 5 او 4 نجوم، و لا يهمني فيه برجة او نادي اطفال .. منتجع ... كلها كانت بالنسبة لي اشياء ثانوية طبعا هذا كلامي قبل لا ابدأ السفرة بعدين تغير ..
في ذيك الفترة كنت ادمنت اقرأ .. اسهر للصبح و انا ادور الفنادق و اسال عنها في منتدى المسافرون العرب،
في كوالالمبور اول ليلتين حجزت فندق The Legend السعر كان تقريبا 55 دينار لليلتين لغرفة Deluxe Room .
https://www.booking.com/hotel/my/the-legend.html?aid=1300939
في بيننغ
و انا ادور عن فنادق بيننغ .. انصدمت لما جفت فندق اسمه BayView Hotel رحت جيكت من جديد ، لقيت انهم يمدحون الفندق في بيننغ و يذمون الي في لنغكاوي ( أمرنا لله .. لابنا دافعين عليه زود و بعد مب زين) ..
حجزت في BayView Hotel و اخذت غرفة ثلاثية لأنه الفندق كانوا يحسبون السرير ما ادري للطفل بكم و انحسب لما راسلت الموقع قال لي فوق عمر 5 اخذي له سرير .. فأخذت سرير لولدي
3 ليالي .. 166 د.ب .. بعد غلطت هني لو ماخذة غرفة ثنائية لأنه ما كان يحتاج اطلب سرير ثالث بس الموقع حرامية شنسوي ...
نوع الغرفة Deluxe Hill View Room .
http://www.bayviewhotels.com/
في كوالالمبور
The Coronade Hotel Kuala Lumpur صاحب مكتب سياحي مدحاه و في الانترنت و بعد لقيت ناس تمدح.. خذت 5 ليالي .. 138 د.ب نوع الغرفة Standard Room .. كان هذا اول فندق احجزه و ما ادري ليش اخذت Standard
http://www.coronade.com/
فنادق سيريلانكا
كاندي اخترت منطقة اسمها هوناس فل
Hunas Falls ليلتين 50 د.ب
مدحوا لي هالفندق وايد و كنت اقول ما يندرى يسوى هالمدح او لا ... و ملاحظة بسيطة قريتها :انه الطريق له شوي متعب ...
http://www.hunas-falls-hotel-kandy-sri-lanka.ar.lakpura.lk/
نيقمبو اسمه Blue Ocean Beach ليلتين كلفنا 35 د.ب
مجموع تكلفة الفنادق 536 و كان ممكن تكون اقل لو:

• حجزت في وقت قبل موسم السفر .
• الاخطاء الي سويتها و زادت علي المبلغ في حدود 50 دينار ...

1. ّ:: صدمة ::ّ

رحلة السفر:
جى يوم السفر و كنت للحين ما خلصت تجهيز الاغراض ، اخذت ادوية و سويت لي صيدلية مع انه ما كان له داعي كلهم متوفرين بكثرة في ماليزيا ،
تأكدت انه كل الاوراق موجودة و مطبوعة لكل الحجوزات .. و طرشت نسخ منهم على ايميلي و ايميل زوجي ..
حملت معاي اوراق فيها معلومات عن كل منطقة و شنو الاماكن الي نروحها و برامج يومية طبعتها من منتدى المسافرون ..
و انطلقنا للمطار .. كان زحمة بسبب انه موسم سفر ، على ما دخلنا جعنا ، لفلفنا في السوق الحر و اكلنا و كنا نصور ..
في الطائرة صار زوجي مع ولدي على جنب و انا في النص مع بنتي .. طبعا تغربلت وياها ما سكتت من الصياح و تندمت اني جبتها و قلت لوزين خليتها ويا احد و . ..
المسافة من البحرين الى سيريلانكا تقريبا 3 – 4 ساعات ، وصلنا الفجر الى سيريلانكا و كان الجو عجيب و المكان كله خضرة و حبيت سيريلانكا >>> ما صارت خضرة إلا انحبت من اول نظرة .
نزلنا من الطائرة و صورت كم صورة لبرى المطار ، حتى صار وقت الرحلة .. حليو فيهم انه الي عندهم اطفال يدخلونهم الطائرة اول ناس ( قلت اشوه جبت اولادي) .
عقب 3 ساعات و نص وصلنا ماليزيا و كان الوقت صبح تقريبا 10 .. اخذنا تاكسي من المطار و لأن شنطتين و 4 اشخاص عطونا فان بسعر تقريبا 200 رنجت = 21 د.ب .
كان يوم سبت .. اجازة الاسبوع الشوارع زحمة حتى السايق قال بنتأخر للفندق خاصة انه شوي بعيد ، يعني مو ف شارع العرب .. و طول ما احنا ف الباص قاعدة اصور بنتي و الشوارع عشان تسكت لأنها شبعانة نوم ...
الفندق كان زين .. صوبه مجمع تجاري .. نظيف و حليو و حتى البوفيه منوع ، نوع الغرفة الي حجزتها مافي فاضية فسووا لنا Upgrade حق غرفة اكبر بنفس سعر الحجز الاولي .. بس نوعا ما اثاثهم قديم ..
عقب هالتعب زوجي و الاولاد ناموا بس اني مو جايني نوم خاصة الغرفة ف الطابق كأن 20 فالمنظر من برى حليو ... قلت خلني اصور ..

ّ:: صدمة ::ّ

يمكن لاحظتوا انه ما حطيت و لا صورة مع اني ذكرت اني صورت ف المطار و سيريلانكا و في التاكسي .. المهم ..
يوم قررت اصور رحت اجيب الكيمرة قبل لا يفوتني المنظر من الدريشة ما جفتها .. فتحت شنطتي .. مافي .. شنطة زوجي .. شنطة الجهال .. ما خليت مكان .. قلت يمكن عند زوجي .. و كنت متحيرة اقعده اسأله .. طبعا حزتها شوي و اصيح ... ما قدرت استحمل قعدته و قال ما يدري مو عنده ... طلع نسينا الكاميرة في الباص او بالاحرى انباقت .. لأن زوجي كان قاعد قدام و خلاها صوبه .. رحت حق الريسبشين و هم اتصلوا في المطار اخذوا اسم السايق و رقمه و كلمته قال مافي كاميرا و لا جافها . ..
في الليل رحنا تعشينا في المجمع .. وجباتهم رخيصة طلع علينا ب 24 رنجت ..
داورنا ف المجمع و جفنا كاميرا سوني و قلنا بنشتريها يوم ثاني ..

1. http://www.sunway.com.my/lagoon/

282009
كان في هاليوم موعدنا مع sunway lagoon و هي حديقة العاب مائية تقريبا تكون في وادي .. يعني حتى نوصل لها نركب و ننزل سلالم ..
تريقنا من بوفيه الفندق، خدمتهم كانت زينة و اطباقهم بعد اذكر في طبق وايد عجبني بس مو متذكرة شنو هو ، اخذنا تاكسي ودانا ب 25 رنجت ..
التذاكر تكون عبارة عن ساعة نلبسها و بها نقدر ندش اللعبة او ال Park ...
مثل ما ذكرت سان وي لاقون عبارة عن منتزه مائي كبير ، داخله منتزهات كل جزء فيه العاب معينة ، و من البداية تشتري التذاكر بحسب المنتزهات الي تبيها .. يعني عندك باكج فيها منتزهين – 3 – او كلهم ..
احنا أخذنا الباكج الي فيه 3 منتزهات ، لأن الاثنين الباقين مايصلحون حق الاطفال ..
Wild Wild West
World Of Adventure
Waters Of Africa!
السعر :الكبار :75 رنجت – الصغار 60
فصار المجموع 240 رنجت
و لما بنطلع و نرجع الساعة يعطونك عنها 10 رنجت او تقدر تستبدلها بساعة صدقية او تي شيرت
بشكل عام المكان عجبني بس ما لعبت عدل إلا في العاب Wild ... الالعاب المائية ممنوع ندخل لها إلا بزي سباحة ، و ما كنت ادري ، كان فيه محلات تبيعهم بس لأن بعض الالعاب المائية لازم اثنين يركبونهم فما بنقدر نخلي اليهال بروحهم ...
هذا فايدة تروح مع قروب انك لو بتركب لعبة تقدر حزتها لو تخلي اليهال صوب ناس ..
صورت بتلفوني .. بس الحظ مناحس وياي .. قبل لا نرجع البحرين تلفوني شير و مسح كل الصور
الساعة 4 خلصنا من اللعب ، رحنا للمجمع الي لاصق تغدينا في الطربوش اكسبرس كان غدانا تقريبا بحدود 55 رنجت...
لفينا في المجمع و كان حليو و فيه ساحة تزلج .. و مطاعم وايد .. اخذنا تاكسي و رجعنا الفندق نرتاح .. التاكسي اخذ علينا 35 رنجت ..
هذا موقعهم ، و تذكرت ترى فيه هناك فندق يعني للي يبون يسكنون هناك

http://www.sunway.com.my/lagoon/

في الليل تعشينا في بيتزا هات و حجزنا لنا تاكسي حق يوم ثاني يودينا المطارو جهزنا اغراضنا عشان بكرة الانتقال الى لنغكاوي ... و الاهم اشترينا كاميرا.
ذكرت من قبل انه مايهمني الفندق فيه خدمات جانبية مثل البرجة – النادي الصحي و غيره ، بس يوم جفت ولدي شلون مستانس خاصة برجة الفندق حليوة و شرحة و فيها جاكوزي تمنيت انه برج كل الفنادق الي بنروحها فيها للأطفال ..
لما رجعنا .. خذت ولدي و بنتي لطابق البرجة يتسبحون شوي
ملاحظة : الصور من الانترنت مو من تصويري

1. 382009

382009

انتظرنا راعي التاكسي يجي بس جفناه تأخر اتصلنا له قال بيتأخر شوية ، بس تخوفنا يأخرنا و احنا ورانا مطار و ركضة فحجزنا تاكسي ثاني وصلنا ب 80 رنجت ...
لنغكاوي .. عادة كانو ينصحون انه في لنغكاوي يُفضل فندق يطل على البحر و عنده شاطيء ، لأن الحياة في لنغكاوي تتوقف عقب الساعة 9 ليلا يعني معظم الاماكن مسكرة ، و هي منطقة Duty free يعني اسعار الماركات رخيصة .. و مثل ماذكرت من قبل .. الخطأ الي صار لما حجزت هالفندق ..
كنا حاجزين على طيران اير آسيا ، هو طيران اقتصادي الوزن للشخص 15 كج ، و اذا كنا حاجزين من الانترنت نقدر نزيد الحجم بنص السعر .. بس قلت ما اعتقد بزيد علينا الوزن .. بس للاسف الوزن زاد و اخذوا علينا 150 رنجت ..
ولدي علي يوم كنا في المطار و لابس الساعة الي استبدلها في سان وي لاقون
في الطائرة :
الطائرة كانت ضيقة شوي بس نظيفة و عديناها وصلنا المطار أول شي اسويه في المطار امر على الي قاعدين يوزعون اوراق رحلاتهم و الاماكن و اخذ خارطة للمنطقة ..
و اخذنا تاكسي الى الفندق ب 36 رنجت ، الفندق موجود في داخل لنغكاوي و كأن عاصمة لنغكاوي ...
تذكرون لما قلت اني حجزت Sea View Room ؟
هذا منظر من الدريشة ..
خلنا نقلل زووم الكاميرا :
و نقلله اكثر :
جفتوا اي كثر البحر بعيد عن الفندق ؟ و مو شاطيء بس بحر .. انخدعت لما قالوا لي Sea View ...
الستاف في الفندق مو بذاك الزود تعاملهم ما عجبني ، و هذا الي خلاني اكتئب بس تذكرت مرة قريت في المنتدى بما معناه : فندق و حجزناه حتى لو ماعجبنا خل نستانس بوقفتنا ..
قررت الغي الحجز و نجوف فندق ثاني بس لما قالت لي انه ما يرجعون المبلغ كنسلت و قلت خل ابقى ...
بالنسبة لي هذا كان صلاح ، الفندق عند السوق و مقابلنا بالضبط محطة التكاسي و مجمع فيه مطعم عربي ..
محطة التكاسي :
السوق :
بركة الفندق من دريشتنا :
ريحنا شوي ، بس وقت ما هم يرتاحون طلعت اخذت لي جولة حول الفندق و التكاسي و اجوف الاسعار ، المواصلات في ماليزيا بشكل عام رخيصة ..
كنا ناخذ التاكسي 4 ساعات ب 100 رنجت و كل ساعة زيادة تصير 25 رنجت .. في حدود دينارين و 600 فلس للساعة و يكون موجود معاكم في كل مكان و يقدم مقترحاته هذا بالنسبة حق الرحلات ..
اما بالنسبة حق التوصيلات العادية فتكون بحسب المسافة.
كان عندي قائمة باسماء السواق الزينين و المجربين اتصلت على كذا واحد بس كلهم مشغولين ، فاتفقنا مع تاكسي من المحل الي مقابل الفندق ..
اخذت لفة و رجعت الفندق طلعت الاوراق الي طبعتها من منتدى المسافرون ، كان فيه كل منطقة و وصف لها و نوع البرنامج بحسب المناطق المقاربة.. وضعت تخطيطي حق الليل و قررنا نروح ميدان النسر ...
هذا هو الميدان :
النسر هو شعار لنغكاوي .. و حسب الي قريته انه صوبه نوع الحديقة و في مجمع فيه مطاعم ..
اخذنا تاكسي ب 7 رنجت ودانا للميدان .. كان خرمس ى المكان و الحديقة مصكوكة و المجمع مافيه غير كنتاكي و احنا ما ناكل منه .. قلنا بنتمشى .. ليما نلقى تاكسي .. مشينا و مشينا نبي بس تاكسي يمر ما حصلنا و ولدي شوي و يصيح من الخوف..
وصلنا لمجمع ثاني المحلات مسكرة ماعدا ماكدونالدز دشيناه نتعشى :
عقب ما ارتحنا من المشي طلعنا ننتظر تاكسي و كان فيه ناس غيرنا ينتظرون ، كل التكاسي الموجودة كانت حق ناس يتعشون .. بالعزر لقينا تاكسي رضنا يوصلنا و قال للباقي بوصلنا و بيرجع لهم ..
بس استانسنا من المشي الجو كان حليو ..
وصلنا الفندق و رحنا نرتاح بانتظار رحلات اليوم الثاني

82009
رحلتنا حق هذا اليوم كانت :
حديقة الطيور – رحلة نهرية الى المانغروف – حديقة النباتات الاستوائية
طلعنا تقريبا الساعة 9 و نص و اعتقد رجعنا الساعة 4
مثل ما ذكرت من قبل سعر المواصلات اول 4 ساعات ب 100 رنجنت و كل ساعة زيادة ب 25 رنجنت ..
حديقة الطيور ..
كنت محتارة هل نروح حديقة الطيور الموجودة في كوالا او في لنغكاوي .. ماكنت ابغي اكرر الاماكن الي نروحها .. فما أنا الحديقة قريبة منا قررنا نروحها ..
سعر التذاكر : 15 للكبار – 10 للصغار – اقل من 3 سنوات مجانا
تقدرون تشترون كيس فيه اكل لكل الطيور و الحيوانات الموجودة في الحديقة سعر الكيس كأن 8 رنجت ..
اسمها حديقة طيور بس فيها حيوانات و افاعي و ارانب و تمساح ..
صور منها :

اول ما جيت صوب هالقفص كنت لاصقة ادور شنو داخل ما جفت شيء .. إلا بعدين انتبهت حق التمساح المنسدح على الصخرة ..

هني ولدي خاف يقرب من الحية و ما كان راضي نحطها على اخته

هذي اكبر صخرة ( ما اذكر شنو اسم الصخرة) في العالم لعام 2008

من الاشياء الي عجبتني

هذي ياخذون يدك يحطونها في ماي بارد و ليما تثلج اليد يحطونها في شمع ذايب
و يكررون الخطوان ليما تصير طبقة شمع على اليد
يشيلون القالب الي تكون يشحنونه من الشمع و يلونونه و يسوون له قاعدة . .
كان كلش خاطري اسوي بس الي يشتغل في هالمحل رجال فما قدرت ..
لما رجعت البحرين عرفت انه كوالالمبور عندهم نفس الشيء و فيه نسوان يسوون الشغلة ..
السعر يكون 40 رنجنت .. و نفس المكان يبيعون صخور يكتبون عليها و يرسمون
انطباعي عن الحديقة :
حليوة و الاولاد وايد استانسوا فيها و اكثر شيء عجبني لما رحت حق الارانب بعطيهم اكلهم تناططوا كلهم علي .. حتى اقول شكلهم يجوعونهم و مايكون إلا لما يجون السياح ..
شوي الجو كان حار ..
مو كل الطيور مهدودة يعني بعضها في قفص ..