بسم الله الرحمن الرحيم الحمد لله والصلاة والسلام على رسول الله وعلى اله وصحبه أجمعين جزاء الله كل من شارك وكتب في هذا المنتدى خير الجزاء بفضل الله ثم بفضل مشاركات الكاتبين في هذا المنتدى الذين ضحوا في أوقاتهم لكي ينقلوا لي وللمسافرين عصارات تجاربهم وأفكارهم تمكنت من معرفة أشياء كثيرة كنت أجهلها عن السفر مثل الشركات السياحية وطريقة الحجز وغيره. اسأل الله العلي القدير أن يوفق كل من كتب في هذا المنتدى وغيره من المنتديات لكي يفيد غيره. بداية حبيت أكتب عن رحلتي: أولا أحجز مبكر قبل شهور لكي تكون التذكرة بسعر أرخص مع ذالك فيه أحد المكاتب يقول يمكن يصير فيه عرض أحيانا على الخطوط القطرية عند اقتراب الموعد وأحيانا على التركية يصير فيه عروض لكن أنا أحس أنة من الأفضل الحجز مبكر لان فيه رجال بمكتب يقول لي الحجز مبكر يكون أرخص لكن أهم شي أهم شي أهم شي اسأل أكثر من مكتب عن سعر التذكرة لان بعض المكاتب تزيد حوالي 500ريال عن بعض المكاتب فأحسن اسأل أكثر من مكتب وإنشاء الله تبي تحصل اللي يرضيك. أما الآن فسوف أتطرق إلى الرحلة وتقييم الفنادق والشركة السياحية. سافرت إلى سريلانكا من يوم 29يونيو إلى 9 يوليو وكانت الرحلة عشرة أيام أول يوم وصلت هناك كان السواق الخاص ينتظرني في المطار ومعه ورقة كبيرة فيها أسمي. ذهبت أول يوم من المطار إلى المدينة الساحلية بنتوتة bentota beach hotel.. استغرقت الرحلة من مطار كولومبو إلى هذه المدينة قربت 4 ساعات ونصف المسافة غير بعيدة ولكن الطريق ضيق جدا سيد واحد رايح وجاي والمعذرة على عدم الدقة في الوقت ناسي انظر للساعة فأقول 4:30 تقريبا. اليوم الأول كنت متعب أنا وزوجتي فلذالك نمت . اليوم الثاني ذهبت إلى البحيرة وأخذت قارب كانت رحلة حلوة في القارب بسبب أن القارب هاذ يمشي ببط ولايستطيع السرعة بس أحيانا يطلب منك تنزيل راسك شوي عشان مايضرب راسك بعض الجسور ألي ماهي مرتفعة لسمح الله فأرجو الحذر عند الركوب والمرور عند جسر وأنت داخل القارب لزم تخفض راسك وعلى العموم هو إلي يسوق القارب رايح ينبهك. اليوم الأخير في هذه المدينة أخذت زورق وكان سريع جدا زوجتي كادت تسقط في البحيرة لكن ستر الله فنصيحة للي ما يعرف يسبح خذ معاك طوق نجاه أو أطلب منهم طوق أو أي شي مثل كذا أو على الأقل أتمسك جيدا مدته لتتجاوز نصف ساعة بحوالي 300 ريال عشرة ألف روبية10000مايستاهل. التقييم للفندق : بالنسبة للقبلة أشار إليها أحد العاملين في الفندق لكن أنصح كل شخص معه أجهزة ذكيه يحمل برامج تحديد القبلة وبالنسبة للايفون فيه برامج كثيرة لتحديد القبلة . المطعم ليوجد موسيقى في وقت الفطور أما بالعشاء فيه موسيقى. أول يوم وصلت كان يوم السبت فلذلك كان فيه موسيقى ورقص تحت وكان الصوت واصل شوي للغرفة. يعني أذا كان في أيام عطلة الأسبوع يمكن يكون مزعج شوي. أما بالنسبة للغرفة فهي جميلة. للأسف الانترنت بطي إلى حد ما وشي ثاني فيه بلكونة لبعض الغرف تطل على مسبح للفندق تحت وكان فيه أعزكم الله ناس شبه عريانة يعني لزم وقت الظهر و العصر تسكر النافذة لكن بالليل ممنوع السباحة يعني تقدر تفتح النافذة على كيفك. بعدها انتقلنا إلى منطقة( نورا ليا ) 3 أيام كان الطريق من بنتوته إلى نورا ليا يستغرق 7 أو 8 ساعات لكن لان تشعر بضيق في طول المسافة نظرا لكثرة الأشجار من حولك. أنصح أنه لزم تأخذ ملبس شتوية للمدينة لأنها باردة جدا وذات مرة كنت أنا والسوق عند محل ملابس والله ماني متأكد هل قال البائع لي هاذي 2000 روبية قال السواق ترى كل شي ما يتعد 200 إلى 300 روبية وحسيت أنه غير السعر عندما سمع السواق يقول لي كذا وبداء يعرض لي الأشياء 500 و 400 روبية اشتريت منه 450روبية يعني نصيحة خذ ملابسك الشتوية قبل ماتروح لتلك المدينة لأنها جدا شديدة البرودة ويمكن تصير مثلي تخلي ملابسك الشتوية وتروح تشتري من هناك. سكنت في فندق grand hotel التقييم الانترنت مايشتغل إلا في ألوبي أو الأماكن العامة في الفندق مايصل إلى الغرف هذا الفندق خايس وحماماتهم أعزكم الله مافيها تصريف للماء يعني أذا أخذت لك دش الماء إلي ينزل بالبانيو يروح لكن الي ينزل من البانيو على أرض الحمام مافي حفرة بأرض الحمام يعني لزوم تكلم المنظفين يجيبوا مناشف يمسحون الأرض بها . لكن يعتبر أفضل فندق في تلك مدينة المطعم وقت الفطور كان فيه موسيقى وبالليل فيه فرقة تغني! بعدها إلى أخر مدينة كاندي 4 أيام سكنت يومين في فندق HUNAS FALLS المدينة حلوة والفندق حلو لكن عيب واحد الانترنت مايشتغل ألا عند الاستقبال أو باللوبي والانترنت لزم تشترك فيه ب 100 روبية للساعة تقريبا 3 ريالات. لكن خذ الحظر عند الذهاب إلى البحيرة وحولها أشجار المطاط أذا مشيت بين أشجار المطاط هناك ديدان سبحان الله بمجرد ما تمسك مكان في جسمك تبدءا بعملية شرب الدم من الأفضل عدم الاقتراب من الأشجار والسواق قال لي إلي رحت معاه في التوك توك لان السواق إلي دائما معي قال لي ليمكنني الذهاب بالسيارة يعني لزم تأخذ سواق توك توك من الفندق إلى البحيرة وقالي الديدان فيه بعض الأشهر ماتكون موجودة لكن ألان فيه ولكن كان عندي عادي أحسبه مثل الدود إلي عندنا حتى بدا يشرب من دمي وعرفت أني غلطان صار مثل البعوض وليس مثل الديدان إلي عندنا. سراحه الفندق خمس نجوم. وأزيدكم من الشعر بيت بالفطور مافيه لاموسيقى ولا أغاني أما في العشاء فيه فرقة تغني. بعدها بيومين في EARLS REGENCY الفندق ممتاز والانترنت يشتغل داخل الغرف لكن ماهو مثل HUNAS FALLS كان فيه موسيقى بالفطور والعشاء!. وأنصح إلي يأخذ أطفال معاهم يبلغون أي فندق يجلسون فيه حتى يأخذون الخمور الموجدة في الثلاجة لأنه الأطفال قد يحسبونها عصير أما بالنسبة لي أنا ماطلبت منهم أنهم يأخذون الخمور لأنه بس أنا وزوجتي الموجودين في الغرفة. والحذر من بعض اللحوم لان فيه فندق كان راسم صورة الخنزير عند اللحم أما الفنادق الباقية قد تكتفي بالكتابه بالرغم أني لست متاكد من أن كل الفنادق تقدم اللحوم المحرمة أو لا لكن أذكر أنه فيه فنادق تكتفي بالكتابة بالغة الانجليزية مثل (ham) تعني فخذ خنزير نصيحة لا تأكل حتى تتأكد من نوع اللحم. بالنسبة لي أنا أكلت من الأسماك أما غيره يمكن أكلت مره أو مرتين وبعدها ما أتذكر أني أكلت شي لانه اللحوم لا أدري عن طريقة ذبحهم ولا تدري من إلي ذبح وهل تم بطريقة توافق الشريعة الإسلامية أم لا؟ بعض المواقف التي تعرضت لها في سيريلانكا كنت نايم في الطيارة ولزم أعبي كرت الدخول إلى سريلانكا خلوني اخذ راحتي المهم يوم دخلت المطار سالت وين أغراضي قال رجال رح من هذا الطريق بعدها جاء واحد قالي هنا كرت الدخول قلت لا أنا أبروح للرجال إلي وقفين عنده الناس قال مافيه هديه يعني بس قال خذ ورقة من هذا المكان وسال عن هدية إلا فيه ناس طابور يوم جاء دوري قال رح سدد رسوم التأشيرة وأنا أعبي لك كرت الدخول قلت زين بعد ماجيتة قال لي انه يبي لي ولزوجتي 5 دولارات وفقت بعدين قال 10 دولارت قلت غالي هل عندك 5 دولارات حتى أعطيك 10 لأني مامعي صرف قال لا ليس معي 5 دولارات قال خلاص بإمكانك تذهب وتأخذ شناطك وتمشي بدون شي بعدين عطيته 40 روبية وشكرني ما يقارب ريال واحد يبي 10 دولارات عشان كرت دخول فيه أسمي ورقم الجواز وكم كلمة بما يعادل 37 ريال تقريبا والله لعب بس الرجال ماكان يعاند بمجرد شافني غير مقتنع قال يمكنك الذهاب وبدون شي. والموقف الأخر كنت في المطار عند القدوم إلى السعودية بعد الخلاص من Check in يلزمك أنك تخلص كرت الخروج وكان فيه موظفين صافين الناس عندهم حتى يختم على جوازتهم المهم يوم بداء يختم على جوازي ويعبي لي كرت الخروج قالي هو عندك هدية أعطيته 50 روبية قال شوي قلت أنا آسف و موقف آخر يوم كنت مع السواق متجه من نورا ليا إلى كاندي كان فيه مناظر طبيعية قال السواق هل ترغبون في التصوير هنا قلنا نعم المهم يوم قعدنا نصور أتى ألينا أطفال وحرمتين يشحذوننا حتى بعضهم صار يمسك أيدي والحمد لله زوجتي داخل السيارة المهم جاء السواق وأبعدهم عني وركبت السيارة أعطيت البعض منهم فئات العشرين وتسلفت من السواق 20 روبية وخليته يعطي واحد منهم وكان معنا معلبات وقالت زوجتي مانبغاها وأعطينا الحريم الأكل من النافذة داخل السيارة لأني ماحبيت اجلس في مكان فيه شحاذين. نصيحة خذ فاءات عشرين وخمسين ومية روبية حتى تقدر تعامل مع البقالات بسبب أنه علبت الحليب فقط ب 40 روبيه وكذالك الماء ليش تبلش نفسك خذ صرف معك أحسن لك وفيه ناس على حسب علمي يقولون بهذا المنتدى أصرف من محلات الذهب أفضل والي يبغى يستزيد يرجع لموضوع كل مايحتجه المسافر الى سريلانكاكل ما يخص العملة وطريقة ال صرف في سريلانكاوإذا تعرضت لشحاذين تقدر تعطيهم شي. وأنصح أن الشخص يكون معه شي كثير من المال (الروبيات) لأنه أحيانا تدخل مسجد ويكون فيه صندوق لجمع التبرعات وتجد الإمام أوغيره يرحب فيك ثم يقول لك هذا صندوق التبرعات بصراحة أنا معجب بفكرة الصندوق لأنهم على ما أظن يجمعون الفلوس هاذي للأشخاص الذين هم يعتنون بالمسجد ولأجل العناية فيه. أشياء ندمت على عدم فعلها أخذت بعض الكتب إلي تتحدث عن الإسلام لكن كان العدد ليتجاوز العشر كتب أعطيتها السائق وهو من سوف يقوم بتوزيعها بطريقته لكن تمنيت لو أني أحضرت المزيد من الكتب عن الإسلام وكتب للمسلمين لكي يتفقهوا في دينهم فهناك كتب عن الصلاة والوضوء والصيام والحج والعمرة وكتب تتحدث عن الحلال والحرام يا ليتني لم أنسى إحضارها. وكان في المكتب كتب لدعوة النصارى إلى الإسلام لم أكن مقتنع من وجود النصارى هناك ولكن بعد السفر اكتشفت أني لو أحضرت الكتب لكن خير لأنه في بعض الأماكن تجد فيه كنائس يعني فيه نصارى لكن ليس نفس عدد البوذيون و الهندوس. الي يعرف أسلوب الدعوة هناك على راحته أما بالنسبة للي مثلي ما يعرف شي نصيحة إلى كل من أخذ كتب عن الإسلام لزم يستشير السواق أو واحد يثق فيه لأني ذات مرة دخلت محل لبيع الشنط وكان واضح أن الحريم إلي يبيعوا فيه بوذيات أوهندوسيات فقلت للسواق المسلم عندما ركبت السيارة هل أعطيهن الكتب قال لا لأنهم مسببين مشاكل مع الحكومة لكن أنا أقدر أعطي ناس مسلمين يعطون الكتب أصدقاهم الغير مسلمين يعني كلكم عارفين كأنه يقولي بطريقه ممتازه نوصل رسالة الإسلام وطريقه ثانية ضع الكتب في المساجد والمسلمين يعرفون وش يسوون أو أنت أعطي الناس الكتب لكن لزم تعرف الأسلوب والطريقة المثالية للدعوة وماخاب من استشار. حزام الأمان بنسبه لحزام الأمان لا تنسى لاتنسى لا تنسى أذا ركبت بجانب السواق تربطه وإلا سوف يأخذ السواق غرامة بعدين تدفع له كل المبلغ وتسبب له مشكلة وتنتظر أنت وهو عند المرور ويوجعك راسك لكن أذا ماتبي غرامة ولا تربط حزام أمان أركب خلف النظام يسمح للركب خلف أنهم لايربطون الحزام ولاياخذون شي (نصيحة أركب وراء على طول حتى مايلزمك شي). أخر شي أقوله هو إني نادم لأني طلبت الفطور والعشاء من ضمن تكاليف الرحلة لأنني لم أكن أعلم بوجود الموسيقى في المطاعم وأخر الأيام خليت المطعم وصرت أطلب عن طريقة خدمة الغرف لكن الفطور والعشاء يصير لك مجاني داخل المطعم لأنك طالب من الشركة السياحية أنة يكون من ضمن التكاليف ويسمى الفطور+العشاء هاف بوردhalf board)) أما خدمة الغرف لزم أنت إلي تدفع قيمة الأكل يلزمك التوقيع على الفاتورة ولزم تدفع عند الخروج من الفندق . فإذا أنت لاترغب الأكل مع الموسيقى لأتطلب منهم أنهم يجعلون الفطور والعشاء ضمن التكاليف لأنك سوف تطلب شي يوصل إلى غرفتك ورايح يحسبون عليك الأكل ألي يوصل لك والشركة رايح تحسب عليك قيمة الهاف بورد لأنهم دفعوا للفنادق قيمة الي أنت طلبته منهم. تاشيرت الدخول الفيزا ضروري تطلعها بس تقدر تطلعها أذا وصلت المطار 35دولار للشخص وضروري تأخذ دولارات لأنه كلف علي 70 دولار لي ولزوجتي. كنت دائم اسأل عن التأشيرة وش الطريقة لها بس صارت السالفة بسيطة جدا الوعد إذ وصلت المطار تدفع للشخص خمس وثلاثين دولار .
يمنع التطرق للمكاتب و الشركات السياحيه
او المرشدين السياحيين ووضع ارقامهم
zazaz