1. يبكى علينا ولا نبكي على احد لنحن أغلظ اكباد من الابل


2. ليه شكله كذا ؟؟ قال في حيوان غريب تجانس مع الغوريلا وجاب لنا الترشل

الرحله الى بهول من اجمل الرحلات الى ديار الفلبين وكانت ممتعه جدا , ركبت التاكسي وذهبت الى الميناء وحجزت على السوبر كات وقابلوني الجماعه الفلبينيين في الميناء وستقبلوني في سيارة " فان " .
المنزل يقع في تاليون شمال تاقليران وذهبت الى منزلهم الجميل جنبه حديقه حلوه وجميله ورائعه ووصلت قبيل الغروب الجو كان رائع ولقيت الجيران كلهم ينتظرون في ساحة المنزل , طلع الرجال والنساء والاطفال كأني جاي من المريخ طبعا نزلت البيت دخل بعض الجيران بدأو بالاسئله وكان بعض الاسئله مالها داعي مثل : وش تاكلون في السعوديه ؟؟
بغيت اقول معصوب بس ماعرف الترجمه لا بالانقلزي ولا بالتقالو ولا بالاردو , وبعدين لو تشوف اشكالهم ونعومتهم وضرافتهم اتوقع لو احد منهم ياكل معصوب يمرض ثلاث ايام ويموت في اليوم الرابع , واتوقع انه صعب مطعم فلبيني يصلح معصوب لازم يجتمع ثلاث مطاعم واربع فنادق عشان يصلحون معصوب .
سألو كيف دياركم ؟؟
قلت صحراء قاحله وفيها جمال كثير وقلت لهم عندنا مزايين الابل والناس على صفة الجمال فيهم الغلظه وكما قال المتنبي :

يبكى علينا ولا نبكي على احد لنحن أغلظ اكباد من الابل

نمت تلك الليله في ذلك البيت الهادئ بعد ان اكلت وجبة "المانوك" يعني (الدجاج ) و "القولاي" يعني (الخضار) وقالو لي بعد اكل وجبة القولاي لابد ان تعبر بقولك "اوه ماي قولاي :36_1_51::36_1_51:"
مع ان القولاي مطبوخ بالمويه مافيه اي طعم حتى الملح مافيه , المهم صحيت اليوم الثاني أستأجرت فان من احد الجيران وذهب بنا "شوكليت هيلز " وأخذت خمس اشخاص معاي يقولون ماعمرهم شافو الشوكليت هيلز , وفي الطريق مرينا على قرد الترشل من اغرب القرده في العالم حتى سألت الفلبيني

ليه شكله كذا ؟؟ قال في حيوان غريب تجانس مع الغوريلا وجاب لنا الترشل

بعدين رحنا الشوكليت هيلز الي تعتبر من عجائب الدنيا الجديده 2400 تله على شكل مخروطي كأنها مصممه تصميم سألت الجماعه الي معاي ليش شكلها كذ1 ؟؟؟ قالو لي في عملاق تضارب مع عملاق وترامو بالاحجار والتراب ونسيو ان ينضفو اماكنهم (عندنا يتضاربون محد ينضف المكان بعد المضاربه ) وفي روايه ثانيه في واحد عملاق اسمه "اورقو " حب عملاقه اسمها "الويا " ومرضت الويا وماتت وجلس يبكي عليها لمدة شهر ودموعه هي الي شكلت الشوكليت هيلز , الظاهر فيه عملاق جا من المكسيك وتعشى مع "الويا " ونقل لها (انفلوزا الخنازير) .
بعدها رجعنا البيت عند الغروب وأخذوني لمدة ربع ساعه مشي الى مطعم داخل بحيره تمشي على جسر من الخشب شربنا بعض العصائر الخطيره وبعدها مرو بي على كل البيوت الي هناك كلهم يعرفون بعض حسيت اني كائن غريب يطالعوني بنضرات غريبه وبعدها صلحو لي حفله في ساحه قريبه من مطعم البحيره وطلبو مني اغني لهم وقلت ماعرف لكني اجيد العرضه بس يبغالي سيف وشاعر وزير ...........يتبع بعد شهر من الان لاني مسافر بعثه .

• اعتذر عن الصور لاني تصويري كله فيديو .