في يوم من الايام قبل 11 سبتمبر الشهير يوم كانت الامور زينه وما فيه تعقيد على اصحاب الجواز الاخضر خصوصا .. مسكت الله لا يوريكم على امريكا ابروح لمريكا..... ازعجونا هالناس بامريكا قلت ياولد اطمر هناك وشف. وليس من سمع كمن عاين .
المهم علمت امي وقامت تقولي وش يوديك لديرة اليهود لا صلاة ولا عبادة ... وحريمهم لا ستر ولا حشمة ... قلت يمة ماسكة ابروح ....ابروح.
المهم قررت عدة قرارات....
- الروحه شهر واحد بس.
- اذا ذكرت امريكا فلا يمكن ان تذكر بدون لوس انجلوس ...قلت نروح للوس انجلوس.
- قررت ان اروح عن طريق معهد منها دراسه ومنها اسرع لبناء صداقات ومعرفه اشخاص من دول اخرى وثقافات مختلفة ...وبصراخه قلت وش ابسوي في هالصبحيه لين قمت من النوم.
المهم رحت ل els ونظمت الرحله في سانت مونيكا (للمعلومية هي مدينة مستقلة عن لوس انجلوس بس مع امتداد لوس انجلوس دخلو على بعض)..وقررت العائله الي ابسكن معها حسب شروطي طبعا (ما ابي كلب ولا اطفال دون السادسة)..( وللمعلوميه ايضا els اغلى من غيره بس وش تقول ماسكه على سانت مونيكا وما فيه معهد عنده مكان فيها الا els )... ودفعت وجهزت كل شئ .
قريبا التكمله في نفس المشاركه بس اكملها بالتفصيل.
