- رحلتنا كانت (( ميونخ ،، النمسا ))
السلام عليكم ورحمه الله وبركاته
اليوم ما بحط لكم تقرير لا بنزل لكم مقتطفات من الصور
سافرت ويا اهلي تاريخ 6 / 7 / 2009 الى 21 / 7 / 2009
((((( هاذا تقريري انا بنفسي شخصياا سعني بس كنت منزلتنه في موقع ثاني وماقدرت اغير النك نيم)))
رحلتنا كانت (( ميونخ ،، النمسا ))
والحمدلله وايد استانسنا انا متعوده احط لكم تقرير بالتفصيل الممل بس الحين احس عمري ماقدر ع يلسه الكمبيوتر واايد والصور ماشاء الله وايد ومصورتلكم كل شي بس يوم احس عمري فاضيه برتبه وبحطه بس بما اني واعدتنكم بحط لكم مقتطفات من رحلتنا ,,
التصوير كان من موبايلي (( BlackBerry )) الكيرف .. وكم صوره من كيمره
Canon 450D
نبدأ في ميونخ بس ميونخ ولا يوم رقدنا فيها مجرد سرنا لها من الصبح لليل للتسوق بس
هاذا البيت اللي كنا ساكنين فيه ونحن كل سنه نسكن فيه بصراحه العايله النمساويه اللي فيه وايد طيبين وخلاص يعرفون لنا وتعودوا علينا
بقولكم بالنسبه للاسعار لمده اسبوعين سكنا عندها وماغيرنا السكن وعطتنا غرف زياده وقالت انا بحسب لكم ع الشخص الواحد طلع علينا الشخص البالغ ب 1500 درهم لمده اسبوعين والصغار ما خذت شي عليهم ,, وكل يوم صاحبه البيت تعطينا لبن من عندهم وبيض
البيت من الخلف
بما ان نحن عايلتين نحن وقوم عموه فخذنا شقتين تتكون من (( الشقه غرفه وصاله مع مطبخ وتكرمون حمام )) وخذنا غرف متفرقه بس براويكم الشقه
هاي الغنقه تستوي سرير
هاي الغرفه اللي في الشقه
من زاويه ثانيه
وهاي بلكونه الشقه
ونفس ها الشقه بالضبط خذناها في الطايق اللي فوقنا المهم بعد خذنا غرف زياده وهاي وحده منهن وفيها بلكوونه
بس احب اوضح لكم معلومه في النمسا لازم يحسبون عدد الاشخاص ومثلاا ها الشقه لازم يسكنونها 3 اشخاص بس بما ان ها الحرمه راعيه السكن تعرفنا من اكثر من 4 سنين وكل سنه حتا لو مانسكن عندها لازم نزورها وتعودوا علينا فهي متفقه مع ابويه ان نحن ناخذ الغرف الفاضيه عندها وفي اخر ليله تحسب لنا ع الايام والاشخاص وخذت علينا الشخص الواحد لمده اسبوعين 1500 درهم والله وايد حلو السعر واليهال والله ماعرف كم بس مب وايد
وهاي حديقه البيت
وها المنظر مطل من غرفتي
وكل يوم العصر ننزل تحت ونفرش ونحط الفواله
جدام البيت شي نهر وبعد عدالنا قريه تبعد 5 دقايق عن البيت فيها كل شي مطاعم وصيدليه وعياده ومحطه قيطار بعد عدالنا
وها غدانا في يوم من الايام
هاي هي البقره اللي تعطينا كل يوم لتر من الحليب
صوره من السوبرماركت اللي عدال البيت
صور متنوعه من الايام اللي قضيناها في النمسا
صعدنا قمه اليبل وشلينا غدانا ويانا
وهنا كنا سايرين زياره عند عمي كان في منطقه ثانيه
وفي نفس المكان كان شي مطعم انتو بنفسكم تصيدون السمج وهم يطبخون لكم مغامره حلوه
قمة كابرون
سالزبورج
منطقة كيتزبوهل
وفي الطياره ونحن رادين ارض الوطن
وها اللي قدرت انزله الحين وان شاء الله اقدر احط لكم التقرير المفصل من اول يوم لين اخر يوم ..
التقرير مبين من بدايته حلو ويشرفني اني اول وحده ترد عليج والفيلا روعه بصراحه تقاريرج كله روعه انا شفت تقريرج الي بفرنسا وماشالله وايد حلو ومرتب الله يهنيج بس حبيت اسالج هذي الفيلا ممكن تأجره حق اي حد