1. في هاذي الغابه واكلنا احنا وعفشنا وجوازاتنا والله محد دري عننا


2. (( نصيحه ))


3. انترلاكن


4. حطينا في القارمن اسم الفندق (( الحجز من booking)) وهاذي معلومات عنه


5. صوره من النت


6. السعر لمده ثلاث ليالي للغرفتين 1380فرنك

مثل ما قلتلكم كانت نيتنا مطعم الماعز ضفته في جدولي لما شفت كثير في المنتدى يمدحوه وخصوصا الاخ القدير ابو عزيز ..
بس المشكله في القارمن وعشان كذا احذركم انكم تمشو على كيفه دايما ترى احيانا القعل له دور طبعا احنا كان اول استخدام للقارمن فا كنا واثقين فيه جدا ...
لما وصلنا بدايه هاذي الطلعه كان القارمن يشير انه مره قريب قلنا يمكن المطعم فوق بشويه طلعنا وطلعنا مالقينا غير غابات على الجهتين وبدآ شي في السياره من تحت يطلع ريحه كآنه بينحرق
وقتها اللي نشف دمي من الخوف السياره خربت ومافي ولا ادمي حوليننا قلت لو جانا (دب)

في هاذي الغابه واكلنا احنا وعفشنا وجوازاتنا والله محد دري عننا

خرجنا كلنا من السياره بقي اخويا الي يسوق وحاول يرجع السياره للخلف ببطء شديد وبصعوبه حتى نزلت السياره واحنا نزلنا مشي شويه وبعدها ركبنا السياره عشان كذا كويس انه اخذناها عادي مو اوتومتك والحمدالله ربنا ستر وخرجنا منها سالمين

(( نصيحه ))

لا تفكرو ولا مجرد تفكير انكم تمشو في طريق مو مسفلت (( يعني طريق رملي او فرعي مو اساسي)) حتى لو مستر قارمن اصر عليكم قفلوه وريحو منه وامشو على اليافتات اللي في الطرق
بعد كذا نزلنا على ايفيان ندور مطعم اي شي نكله لفينا لفينا ما عجبنا شي حتى كنت مخططه انو نزور منبع ايفيان بس وقتها من الخوف انو احط اهلي في موقف صعب رابع (( سبق في الجزء الفرنسي موقفين وهنا موقف)) جلست ساكته اللين ما وصلنا

انترلاكن

حطينا في القارمن اسم الفندق (( الحجز من booking)) وهاذي معلومات عنه

اسمه Hotel Seerose رابط الفندق من بوكنج https://www.booking.com/hotel/ch/seerose.en.html?aid=1300939
(غرفه لشخصين مفرد بمبلغ 650 فرنك لليله)(غرفه لشخصين مفرد بمبلغ 650 فرنك)
(غرفه مزدوجه لشخصين بمبلغ750 فرنك لليله)

صوره من النت

وصلنا الفندق بعد الغروب الظلام كان سائد في منطقه الفندق دخلنا استقبلتنا امرآه وقالت اوكي حجزكم تمام .. (( لكم غرفه مزدوجه هنا داخل الفندق مطله على البحيره وغرفتين منفصلتين خارج الفندق واشرت على مبنى بسيط على جيهه الجبل يفصل عن امبنى الفندق الاساسي شارع ))
رحنا شفنا الغرف اللي على جيهه الجبل كانت نظيفه ومرتبه وكل شي (صوره من النت)
بس مره مرعبه لانه تفتح باب الغرفه على طول تلاقي منطقه زراعيه مرتفعه وطبعا وكان مره ظلام (يمكن لو وصلنا وكانت المنطقه منوره الوضع اختلف )مدري حسينا الجو مو امان مره .. كلمنا المرآه اللي في الاستقبال قالت مافي اي مجال للتغير الفندق فل وانتو في حجزكم من بوكنج ما طلبتو انه الغرف تكون كلها في مبنى الفندق الرئيسي !! قلتها ماكان واضح في بوكنج انه الفندق تابعتله غرفتين في الشارع وبتحطونا فيهم قالت للآسف هذا اللي عندي اقدر اخدمكم في انه تقدر تلغو الحجز بدون دفع رسوم ،،
(( الموقف الرابع اللي احط اهلي فيه ملزم انه يسير اليوم بس قدر الله وماشاءفعل ))
طيب فكرنا ايش نسوي وين نروح بهذا الليل !!!
شفنا كم فندق بجوار هذا الفندق ثلاثه منهم كان فل في واحد مره حلو ومرتب مع انه سعره شوي مرتفع بس مافي حل الا هوا
اعطيكم معلومات عنه :
اسمه :
الغرفه الرباعيه ليست مطله على البحيره
من نافذه الغرفه
صوره من النت للغرفه المزدوجه
من بلكونه الغرفه (( الملك لله )) الواحد من يقوم على ذا المنظر ينسى التعب
استراحه لنزلاء الفندق بين الغرف ((اكثر الناس يجلسو فيها عشان شبكه الانترنت ))

السعر لمده ثلاث ليالي للغرفتين 1380فرنك

بعد ما دخلنا الفندق كان الجوع وصل حده ((وقت ما جلسنا نبحث عن فندق في الشارع جات سياره توصيل بيتزا وصلت لناس في فندق مجاور لنا سجلت رقمهم اللي على السياره )) دقينا كلمناهم وجابولنا 3 بيتزا كبير كانت مره لذيذه ولا عشان كنا جيعانين مدري والله المهم اكلنا الحمدالله ونمنا بعد يوم مليء بالمغامرات اللين الصبح ..
اسم المطعم : بيتزا ريا
رقم المطعم 0336501588
وبكذا تنتهي الحلقه الثانيه من التقرير
دمتم سالمين

أول مقعد لي ..
مواقف صعبه بس اكيد كان لها طعم مختلف
الصور اعجبتني كثير خيتوو ماشاء الله تبارك الله
متابعه معك للاخر غلاي ..

منتظرين باقي تقريرك
والمواقف الصعبة متعبة بوقتها بس ذكرياتها طعمها حلو

متابعه معاج ... حبيت اسالج عن الفندق الجديد .. هل هو قريب من الشارع الرايسي امام الحديقه في انترلاكن ولا بعيد ؟؟؟

سجلنى من متابعينك ان شاء الله... ونترياك

(( في هذه اللحظه دمي نشف ))
ما تنلامون واللة والحمدللة على السلامة ... متابعين

عهود العز
الله يحيك اختي عهود
المواقف هاذي وقتها احساس صعب و توتر بس الان كل ما افتكرها اضحك
تسلمي على حضورك حبيبتي

amory_999
شكرا لمرورك