مجمع السيف:طبعا نص المحلات مسكره:

شوفو الجو واحنا جايين:

و بس
انتهت الرحله
اشرايكم؟

تقرير حلو وصور احلى .. تسلم ايدك ........ كيف اسعار العيد بشاليهات الهوليدي ان .

الحمدلله على السلامه الغرفه في الهوليدي ان واسعه بس ترا الفتره ماتكفي واشوفك كاتبه فوق انكم رحتوا لجده والبحرين ؟؟؟؟ مافهمت بصراحه بينهم 1500 كيلو ؟؟؟؟؟ شكلك بتكتبين الشرقيه او الخبر والبحرين ونسيتي وكتبتي جده صح ؟؟؟

صورة زوجك طالعه في الصوره الاخيره
تمسحين وجهه في كل الصورة الا الصوره الاخيره

تقرير رائع وصور روعة.....والله انه أحلى من شاليهات الخيران اللى عندنا بالكويت..

الحمدلله على السلامه اختي المرام ويعطيج العافيه على هالتقرير الجميل والصور الجميله من منتجع هوليدي أن نصف القمر , بصراحه تقرير جدأ رائع بمعنى الكلمه والآجمل هي الصور التي وضعتيها لنا والتي نتمنى من جميع الاعضاء ان يحذو حذوك في هذا التقرير من ناحية التغطية المصوره
اهم شي فعلآ انكم استمتعتم , وبالنسبة للمجمعات التجاريه الظاهر انكم رايحين بعد المغرب!!!
لآن المجمعات التجاريه برمضان ماتفتح الفتره مابين المغرب والعشاء بحكم ان الناس كلها في البيوت يفطرون ويشاهدون التلفزيون وتكون الحركه فاضيه بالشوارع ولاتفتح المحلات , ومن بعد العشاء تفتح المحلات التجاريه بالمجمعات الى الساعه 3 الفجر من بينها مجمع الراشد والظهران مول ومارينا مول والشاطئ مول , وكل المجمعات هذا نظامها

• _

ليتكم بعد رحتو الواجهة البحرية في الخبر والكورنيش تتمشون خاصه بالمساء

• _ _

بالنسبة للشارع الي في البحرين تسئلين عنه هو الوحيد بهذا الشكل والسبب ان هذه المنطقه اسمها الرفاع الغربي الي هي كلها قصور ال خليفه والديوان الملكي كلها هناك عشان كذا فيه تجميل

• _ _ _

حنا نتمنى لكم ان تكررون الزياره ولكن وقت اطول من هذه الرحله عشان تستمتعون اكثر وتروحون اماكن متعدده وتتمشون ونتمنى لكم كل التوفيق
تحياتي: سلطان الشرقية

الحمدلله على السلامه
ونوريتينا مع انها يومين
وان شاء الله المره الجايه تشوفين اشياء احلى

مشكورينعالمرور الحلو
اخوي فهد 31:
الشاليهات حاليا رخيصه...
الغرفه ب 345 ريال
الشاليه ب600ريال وشوي
اما بالعيد تتضاعف الاسعار...تصير الغرفه ب 600ريال!!!
من 300 الى 600!!!والله حرام
وبالايام العاديه تصير الغرفه ب400ريال يعني تزيد تقريبا 55ريال
اخوي النورس:لا انا موكاتبه جده...انا بس رحت للخبر والهوليدي ان والبحرين...و مرورا بالدمام
ابن االحرمين:
غلطت يا اخوي...يعني الواحد ما يغلط؟
binnader: اي والله احلى وارخص
سلطان الشرقيه:الله يسلمك ويعافيك...مشكور عالمرور الحلو
فعلا كنا ما نصدق نفطر ونروح عالمجمعات
بس خلاص...غلطه وتعلمنا منها...
وهم:ان شاء الله راح اكررها واطول اكثر...
انا اللحين قاعده اسوي دعايات للمنتجع
امدحه عند الناس عشان يروحون له...الصراحه يستاهل...

ماشاء الله عليك المرام
اسلوبك مشوق والصور حلوه يابخت صاحب المنتجع فيك..سويتي احلىى اعلان