1. نزولا لرغبة رجل شرقي سأكتب لكم قصتي للوصول الى جزيرة بانكور

نزولا لرغبة رجل شرقي سأكتب لكم قصتي للوصول الى جزيرة بانكور

رحلتي هذي كانت قبل حوالي 6 سنين و كنا ساعتها حاجزين في كوالالمبور اسبوع....فسألنا الريسبشن عن جزيرة قريبة نقدر نروحلها فدلنا على هالجزيرة...طيب سألناه كيف نوصلها فقال خذولكم باص لقرية اسمها ايبوه وعقب خذولكم فري الين الجزيرة....فقلنا اوكي الشغلة بتكون بسيطة.
رحنا في هاك اليوم لمحط الباصات و كنا العرب الوحيدين هناك (كان شكلنا غلط) بس تعرفنا علأقل على مكان جديد..و كانت اقرب رحلة بالباص الساعة يمكن 8 او 9 الفلليل و كان وقتها الظهر...فتوكلنا على الله و حجزنا تذكرتين...و رحنا نتحوط شوي لين ما قرب الموعد جهزنا شنطتنا و رحنا المحطة و ركبنا الباص و كنا بعد العرب الوحيدين كان الموقف يخوف شوي....تعرفون متى وصلناقرية ايبوه (ماأعرف اذا عي قري والا مدينة)؟؟ و صلنا عالساعة وحدة الليل....
المكان كان مظلم لأنه محطة االباصات مسكرة وكنا احنا الموجودين و بعض الماليزيين شكلهم قرويين وكان فيه كمن اجنبي.....زين احين نبا نروح للجزيرة بس قالوا لنا الفري مسكر و ما يفتح الأ الفجر تصورو عاد...وحصلنا مضايقات من واحد كان راعي تاكسي الا بالغصب يبا يودينا فندق قريب من المكان كل شوي ويسألنا نبا والا...واحنا نقوله لا....ما ارتحناله ابد..
المهم يا الفجر و ركبنا الفري.....يا الله شو كان المنظر حلو تصوروا معاي شروق الشمس وانت في قارب وسط البحر و جدامكم الجزيرة و هاك الخضرة كلها....منظر جميل و خلاب....كانت المسافة 15 دقيقة على ما اعتقد....
يوم وصلنا ركبنا تاكسي قلناله ودنا اي فندق و دانا اول فندق كان لابأس به...بس انا ما اقتنعت به...ورحنا كمن فندق ما عيبنا ولا واحد منهم فردينا للفندق الأول و حجزنا غرفة الهني موون و كان عبار عن كوخ منفصل عن الأكواخ كلها و مقابلة البحر...اتذكر انا خذيناها بسعر رخيص وايد..
ثاني يوم الصبح استاجرنا جتي سكي ولعبنا لين ما قلنا بس ...ترى ما كان فيه حد في هاك الوقت غيرنا في الفندق و عايلة يابانية كبيرة شوي....يعني خذينا راحتنا...والظهر ماله استاجرنا تاكسي لفنا الجزبرة في 3 ساعات....كانت عبارة عن بعض المعابد و طلعنا الجبل و اخر شي ودانا لسوق صغير يبيعون اشياء تذكارية....
اما الردة حرصنا انا نحجز الظهر اول ما سوينا الشيك اوت و وصلنا كوالالمبور عالمغرب....
كانت رحلة عجيبة و غريبة عبارة عن مغامرة حلوة بس ما بكررها مرة ثانية...و سلا متكم...